2 Samuel 15:18 - Kashibo-Kakataibo Biblia

¹⁸ Anuxun ka a rapasubia ꞌinun kixun ꞌain suntárunën kushikama kakëxa, kamainun ka kamabi quereteo ꞌimainun peleteo an bërúankë suntárukama ꞌimainun seiscientos geteo an Gat kakë ëma anuxunbi nuibiani marachankiani kuankë akamax a inubiani atux pain rëkuë́nkankëxa.

2 Samuel 15:18 ပူးပေါင်းရင်းမြစ်များ

2 Samuel 15:17

Ëbiani ka abëa kuankë unikamabë kuantankëx ëma sënënákëkënu ꞌikë xubu achúshi a tanain ꞌapu nirakëakëxa.

2 Samuel 18:2

Usokin anëtankëxun ka Davidnën rabë́ ꞌimainun achúshi ꞌinun timëkin aín suntárukama sëtënakëxa usakin ꞌaxun ka raíri xuakëxa, xuanan ka raíriribi rabë́ ꞌimainun achúshi okin tëakësa akamaribi Abisai Seruiánën tuá Joabnën xukënan uantanun xuakëxa, xuanan ka raíriribi Itai Gat kakë ëmanu ꞌikë an buántanun xuakëxa. Usakin ꞌaxun ka ësakin kamabi suntárukama kakëxa: —ꞌËxribi karana ꞌakanani kuanti ꞌain.

2 Samuel 6:10

Usai kitankëxun ka Davidnën amiribishi bunántisa okin ꞌakë anua Diosan banakama nankë a Jerusalénnu buántisama tankëbëtan ka, achúshi filisteo uni Obed-edom, axa Gat kakë ëmanu ꞌikë aín xubunu nankëxa.

1 Reyes 1:38

Usa ꞌain ka sacerdote Sadoc, ꞌimainun an Dios kikë bana uni ñuixunkë Natán an Benaías Joiadá aín bakë bëchikë akama ꞌimainun quereteo ꞌimainun peleteo, akama kuanxun anúan ꞌapu David nikë burronu ꞌarubiankin Salomón Guihón kakë ꞌumpax upíira ꞌikë anu buánkëxa.