2 Samuel 15:14 - Kashibo-Kakataibo Biblia

¹⁴ Ësokin kakëxun ka Davidtan abëa Jerusalénnu ꞌikë ꞌain suntárunën kushikama kakëxa: —¡Ënuax kananuna bërí kuanti ꞌain! ¡Absalón nu ꞌai ukëma ꞌaínshi kananuna ënuax kuanti ꞌain! ¡Usa ꞌain kananuna bënë kuatsini aí bëbakin nu ꞌakiantuma kamabi unikama ëmanu ꞌikë kamakëñunbi atun manë xëtokën nu ꞌaia usa ꞌain kuanti ꞌain!

2 Samuel 15:14 ပူးပေါင်းရင်းမြစ်များ

2 Samuel 12:11

Ësai kana ꞌëx Dios ira ꞌaish kin: ꞌËnbi kana min aintsi ꞌibunbia ꞌaisamaira okin masókin mi tëmëraminun ꞌamiti ꞌain, ꞌimainun kana min aintsi ꞌibunbia min xanu mi ëmikin binun ꞌamiti ꞌain ꞌanan kana, ëma xabanuxunbi aín nami ꞌanun ꞌinánti ꞌain usai ꞌiaka bëtsi menu tsókë unikaman kuati ꞌikën.

2 Samuel 15:15

Kixuan kakëxun ka atun ꞌapu kakëxa: —Nukaman kananuna añu ꞌanun kaina min nu kain usakinbi ꞌaxúnti asábi ꞌain.

2 Samuel 19:10

Absalón nun ꞌapu ꞌitinu anëkë ax ka ꞌakanankënuax bamaxa. ¿Usa ꞌain karanuna ui kainkin David nun ꞌapun ꞌinun ꞌimitima ꞌain?”

2 Samuel 19:9

Usa ꞌain ka kamabi ñakánu ꞌikë Israel unikama atux kuëbikanani kikankëxa: “ꞌApu David an ka numi nishkia filisteo unikaman ꞌatimoiabi nu ꞌakinkin ië́miakëxa; usa ꞌaínbi ka Absalónnëxa ami nishkëx ënë menuax chikíakëxa.

Salmos 51:18

Min kamina upíokin Sión kakë me a ꞌati ꞌain ꞌanan kamina Jerusalén; ëma anun kënëara a birutëkënun ꞌamiti ꞌain.

Mateo 11:12

Juan ucëma pan ꞌain ca Moisés ꞌimainun an Nucën Papa Dios quicë bana uni ñuixuncë unicaman ꞌë ñuiquin unicama ñuixuancëxa. A unicama caxu uquin ca Juanën ꞌë ñuiquin, axa utia judíos unicaman caíncë ax ca uaxa quiax quiquin unicama ñuixuanxa. Usa ꞌain ca ꞌënribi, ꞌëmi catamëcë unicama ca Nucën Papa Diosnan ꞌiti ꞌicë quixun ñuixunia cuanan ꞌën ñu ꞌaia isi ꞌaisamaira unix Nucën Papa Diosnan ꞌiti sinania.

Lucas 10:15

Capernaúmnuax ucë unicama, ¿mitsun caramina sinanin, camina Nucën Papa Diosan nëtënu ꞌiti ꞌai quixun? Camina anuma, anua uni ꞌaisamacama bamatancëx cuancë, anu ꞌiti ꞌain.