2 Samuel 14:26 - Kashibo-Kakataibo Biblia

²⁶ Usa uni ꞌikë ka baritia këñukëtibi aín bu chaxkë́ti ꞌiëkin masámikëxun tëamiakëxa, usokin tëakëx ka aín bux ꞌapun tupumikëx rabë́ kilo inúkë ꞌiakëxa.

2 Samuel 14:26 ပူးပေါင်းရင်းမြစ်များ

Génesis 23:16

Usakian kakëxun ka Abrahamnën asábi ka kana mi uiti kara aín kupí ꞌikën atibi mi kupíoti ꞌai kixun ka Efrón aín aintsi hititakaman ismainunbi, aín kuríki abia tupunun kixun kupíokin banatanun rërëkaxuankëxa.

2 Samuel 18:9

Usai ꞌakanankëbë aín caballonu ꞌiruax anu tsótax kuankinbi ka Absalónnën Davidtan suntárukama raíribë mëranankëxa. Mëranani ka anuaxbi kuainakëkian amotan kuankëxa, kuaníbi ka aín caballonëx i pëñanakëkë au atsínkiankëxa, usai ꞌikëbë ka Absalón i pëñami, aín bu tëkërëkirukëbë anu bëntamëti bërúmainun ka aín caballo axëshi ꞌuri abati rëkuë́nkianx nirakëakëxa.

Levítico 19:36

Mitsun anun ñu tupúnti anun tupunkin kamina anu sënën tupuntia ꞌakë anubia aín xumúx ꞌitánun tupúnti ꞌain. ꞌËx kana mitsun Dios an Egipto menua mitsu chikían a ꞌain.

1 Corintios 11:14

Cananuna ꞌunan, uni aín bu chaxcë́ira ꞌaish ca rabin ꞌiti ꞌicën.