2 Samuel 12:7 - Kashibo-Kakataibo Biblia

⁷ Ësokin kakëxun ka Natánën kakëxa: —¡Mix kamina a uni ꞌain! Ësai ka Israel unibunën Dios ax mi ñui, kiáxa: ꞌËn kana a Israel unibunën ꞌapu ꞌinun mi kaisakën: ꞌImainun kana Saúlnën ꞌati ꞌikëbi bërúankin ꞌakiankën;

2 Samuel 12:7 ပူးပေါင်းရင်းမြစ်များ

2 Samuel 22:1

Ësai ka David Dios rabi ami kantakëxa, Saúl ꞌimainun axa ami nishkë unikaman ꞌati ꞌikëbia Diosan ië́mikë ꞌaish ka.

2 Samuel 22:49

An ka axa ꞌëmi nishkë unikama bana kuakëma akaman ꞌakatsiabi ië́mikin ꞌë ꞌakian a ꞌikën ¡Dios min kamina an bënë́kinshi ꞌakánanti sinánkë unikaman ꞌakatsiabi ꞌë ꞌakiankën!

2 Samuel 7:8

Usa ꞌain kamina, ꞌën uni David ësokin kati ꞌain, ꞌëx Dios kamabi kushiñu ꞌaish kana ësai kin: ꞌËn kana anuxun bërúanti ꞌakë anuxua aín ñuina bëruaiabi a ëmikin chikían ꞌën chikixun kana a unikaman ꞌapu ꞌinun ꞌimiakën;

1 Reyes 18:18

—ꞌËx kana an Israelkama ꞌatimokin sinánkasmamikë ama ꞌain —kixun ka Elíasnën kakëxa—, ꞌënma min kamina min unikamabëtan Dios kikë bana tankinma a ëntankëxun, Diosmabi bëtsi ñu uniokë a Baal rabixunkin rabikë akama rabikinin.

Daniel 4:22

a iásaribi kamina mix ꞌapu ꞌaish chaiira ꞌianan kushiira ꞌain. Usai ꞌimi mix chaiira ꞌikë ax ka naíbëtan sënë́nsa ꞌikën, usa ꞌain kamina min kamabi menu ꞌikë unikama minan ꞌinun ꞌimia.

Mateo 14:14

Usaía ꞌitsa unia riquiancëbë manë nuntinuax ꞌibúquianquin ca unicama timë́cë isquin Jesusan atu nuibacëxa. Nuibaquin ca ꞌinsíncë unicama pëxcüacëxa.

1 Samuel 13:13

Kakëxunbi ka Samuelnën kakëxa: —¡Usakin mi ꞌakë ax ka ñunshin bakë́kin ꞌakë ꞌikën! ꞌËn kana mi kan, ꞌëx kana basikëbë pain Guilgalnu mibë timë́ti ꞌian, usa ꞌain kamina Nukën ꞌIbun ꞌë kakësokin ꞌanuxun kaínti ꞌian, usa ꞌain ka xënibua ꞌaínbi Diosan mi ꞌimainun min rëbúnkikama Israel kaman ꞌapu ꞌimitsianxa.

1 Samuel 15:17

Usa ꞌain ka Samuelnën kakëxa: —Minbi kamina ꞌapu ꞌisama ꞌixun ꞌëx kana añubi ꞌisama ꞌai kixun sinánkën, ꞌaínbi kamina bërí israel unibunën ꞌapu ꞌain, usaími ꞌinun ka Nukën ꞌIbun mi ꞌimiaxa.

1 Samuel 16:13

Kakëxunshi ka ñuina manchanua ꞌarukë xëni bikin aín xukë́n apankama ismainunbi David kakë uni bëná aín maxkánu axa ꞌapu ꞌinun anëkin xëni tutukaxa. Usokëbëshi ka Nukën ꞌIbun bëru ñunshin anu uax ꞌiruakëxa. Usokin ꞌabiani ka Samuel kana kuanin kixun atu kabiani Ramánu ꞌikë aín xubunu kuantëkëankëxa.

1 Samuel 18:11

Usa ꞌain ka Saúlnën kënëkëñunbi amibi takáshkakin ꞌati sinánxun aín manë xëtokën ꞌakëxunbi Davidtan rabë́okin ñanákin ꞌamiakëxa.

1 Samuel 18:21

kuëënkin ka David aín xanu ꞌixun ka an paránxun filisteo suntárukama ꞌamiti ꞌikë kixun sinánkëxa. Usakin sinánxun ka amiribishi David katëkëankëxa: —Bëríra kamina ꞌën piaka ꞌinuxun ꞌain.