2 Samuel 12:22 - Kashibo-Kakataibo Biblia

²² Kixuan kakëxun ka Davidnën kakëxa: —ꞌËn kana ꞌën bakë bëchikë ñukëma ꞌaínbi pima samáti ꞌian, ꞌën sinánkëx ka ꞌiaxa Diosanbia ꞌë nuibakin ꞌëbëbia ꞌinun ꞌë pëxkuxuinsa kana sinan.

2 Samuel 12:22 ပူးပေါင်းရင်းမြစ်များ

2 Samuel 12:21

Usakian ꞌaia ka aín suntárunën kushikaman ñukákin kakëxa: —¿Uisa ꞌixun kaina mix nun ꞌapu ꞌixunbi usakin ꞌain? Min bakë bëchikë ñukëma ꞌain kamina, mix ꞌapu ꞌaínbi samáti anun rabanan ꞌianan usaibu ꞌikëma ꞌain; bërí ka min bakë bëchikë ñukë ꞌikën. ¡Usa ꞌain kamina mix nun ꞌapu ꞌaíshbi bëríra pi nirua!

Joel 1:14

Usa ꞌain kamina kamabi unikama pima samákanun kati ꞌain; usai ꞌixun kamina anuxun Dios rabiti xubunu uni aín tukurikubu ꞌimainun kamabi unikama a menu ꞌikë timë́ti ꞌikën, anuxun ka Dios atun ꞌuchakëkama ñuixunti ꞌikën.

Joel 2:14

Usa ꞌain ka Diosan mitsu ꞌatima otima ꞌikën, ꞌakinma ka sinanatia okin ꞌakinkin mitsu: ñu bimikama ꞌimainun uvas chakaxun aín baka bikë ꞌianan a ꞌinaínshiti ñukama Dios ꞌinánti ꞌikën.

Amós 5:15

¡ꞌAtima ñu a timakin kamina! ¡Upí ñuishi ꞌati ꞌain! anuxun bana mëníoti anuxun kamabi upíokin ꞌakinkëbë; sapi ka Dios, kamabi kushiñu ax mitsubë ꞌiti ꞌikën, usai ꞌikin ka axa raíri këñumainun tsókëpan Israel unikama a nuibati ꞌikën.

Jonás 1:6

Usai ꞌikëbëtan ka manë nuntinu ꞌikë aín kushi an, anu kuanxun Jonás kakëxa: —¿ꞌUxkënan tapun min kaina añu ënuxun ꞌain? ¡Nirukin kamina min Dios munuma banakin ñukati ꞌain! Usakin mi ñukákëxun ka numi sinánkin nu ꞌakinti ꞌikën.