2 Samuel 12:20 - Kashibo-Kakataibo Biblia

²⁰ Usakian kakëx ratuti ka anua rakákë menuax, nirutankëx nashixun aín chupa pañutankëx David ro sanuira anun ꞌiakëxa, usai ro sanuiran ꞌitankëx ka anua abë banati ꞌakë xubunu Dios rabi atsíankëxa. Atsíanx anuax chikíkiani aín xubunu kuanxun ka anuxun, pananxun piti an ñu ꞌaxunkëkama ñukákëxa, ñukákëxuan ꞌinánkëxun ka piti piakëxa.

2 Samuel 12:20 ပူးပေါင်းရင်းမြစ်များ

2 Samuel 12:19

Usai kanania aín suntárunën kushikaman atúnbi aín bakë bëchikë ñukë unë́xun ñuia kuakin ꞌunánkin ka Davidnën. Ñukákin kakëxa: —¿ꞌËn bëchikë kara ñuax? —Kixun ñukákëxun —atun ka ñuaxa kixun kakëxa.

2 Samuel 12:21

Usakian ꞌaia ka aín suntárunën kushikaman ñukákin kakëxa: —¿Uisa ꞌixun kaina mix nun ꞌapu ꞌixunbi usakin ꞌain? Min bakë bëchikë ñukëma ꞌain kamina, mix ꞌapu ꞌaínbi samáti anun rabanan ꞌianan usaibu ꞌikëma ꞌain; bërí ka min bakë bëchikë ñukë ꞌikën. ¡Usa ꞌain kamina mix nun ꞌapu ꞌaíshbi bëríra pi nirua!

2 Samuel 19:24

Usakin ꞌaxun ka Mefi-bóset kakë uni Saúlnën xuta aribi aia biakëxa. A nëtëan ꞌapu David Jerusalénnuax abati kuankë a nëtëkaman ka nitsibi uisaibi ꞌikëma asábi utëkëni, aín taë chukaima ꞌianan nashimabi ꞌiakëxa, usai ꞌianan ka aín kuëni kuëtërëkianan, ain chupabi chukaxun pañuima David ꞌikë ñu a sinanima ꞌiakëxa.

2 Samuel 6:17

Usokin buánxun ka anu nantia aín unikama xubusa okin chupa ꞌamikë a mëu nanun ꞌamiakëxa. Usokin anu nantankëxun ka Davidnën ñuina rëtankëxun ꞌaímai këñutanun Dios xaroxuanan anun mëníonanti aribi xarokëxa,

2 Samuel 7:18

Usakian ñuixunkë anu atsíanx abë banati ꞌakë anu atsíanx abë banakin ka, Davidtan Dios kakëxa: ꞌËn ꞌIbu Dios kushiira, ¿ui karana ꞌëx ꞌain, ꞌën aintsi ꞌibukamaribi ka ñuma ꞌikë unin isia, usa ꞌaínbi kaina uisaxun ꞌë ꞌapu ꞌinun ꞌimian?

Job 1:20

Usakian kakëx ka Job anua ꞌikë anuax ratuti ꞌitsaira a bana kuati anun paëi niruakëxa, niruxun ka aín tari nitë́xëkin tukakëxa, usokin ꞌanan ka ain bu tëai maxkutankëx Dios rabia ꞌikësabi masá nuituti memi bëtiki ꞌiakëxa.

Job 2:10

Ësakian kakëxun ka Jobnën aín xanu kakëxa: —¡ꞌËn xanu usai kamina ꞌatimai banatima ꞌain! Kamabi ñunu Diosan ꞌinánkëxun bikë ax ka asábi ꞌikën, ¿usaribi okin karanuna nua kamabi ñu ꞌatima inúnun ꞌimikëx inúkin tënëtima ꞌain? Usai kamabi ñu inutibi ka Job ꞌuchanan achúshi banabi Dios ñui ꞌatimati ami banama ꞌikën.

Salmos 103:1

ꞌËn kana Nukën ꞌIbu Dios ꞌën kushibëtanbi rabiti ꞌain; ꞌanan kana ꞌën kushibëtanbi aín anë upíira a rabiti ꞌain.

Salmos 103:8

Dios an ka nuibanairakë ꞌixun; bënëtishi nishkima munu ñu ꞌaia.

Salmos 95:6

Usa ꞌain kananuna rantinpuruni ꞌikin a rabiti ukanti ꞌain; a rabi kananuna Diosan ismainunbi rantinpuruni ꞌiti ꞌain, an ka nuribi uniokëxa.

Proverbios 3:7

Min sinanën kamina ꞌëx kana ñu ꞌunainra ꞌai kiax kitima ꞌain; usai ꞌikima kamina Diosmishi katamëkin ñu ꞌatima ꞌatimi sinánkë a manuti ꞌain:

Eclesiastés 9:8

ꞌIanan kamina nëtë kamabi chupa mëníokakin pañuanan, ꞌiníntisa ron ꞌiti ꞌain.

Mateo 6:17

A unicama usai ꞌicëbëbi camina mitsux Nucën Papa Diosmi sinani samatibi mëníocati min bu mëníonan bëchucati ꞌain.

Lucas 7:46

Minmi xënin ꞌën maxcá ꞌacëmabi ca an ꞌiníntisa xënin ꞌën taë ꞌaxa.

Rut 3:3

Usa ꞌain kamina ꞌën mi kakë ësoibi ꞌiti ꞌain: —Nashitankëx ro sanuira anun ꞌianan min chupa upíira pañubiani kamina anu kuanti ꞌain. ꞌAínbi kamina pianan xëai sënë́nkëma pain ꞌikë mia unánun ꞌunánmitima ꞌain.

1 Samuel 15:25

ꞌAínbi kamina usai ꞌuchakë ꞌikëbi ꞌë mëníoti ꞌain, ꞌianan kana ꞌëbë mix Nukën ꞌIbu rabi kuanti kuëënin.

1 Samuel 15:31

Usai kanankiani ka Samuel ꞌimainun Saúl anua ꞌikë anuax kuankëxa, kuanxun ka Dios rabiakëxa.