2 Samuel 12:16 - Kashibo-Kakataibo Biblia

¹⁶ Usai ꞌikëbë ka David aín bakë bëchikë chamara anun rabanan Diosbë banakin añubi piama ꞌikën. ꞌImainun ka a imë́kama usai Diosbë banai anua ꞌuxkë anu ꞌuxima men ꞌuxnë́akëxa.

2 Samuel 12:16 ပူးပေါင်းရင်းမြစ်များ

2 Samuel 12:15

Ësakin kabiania Natán anua ꞌikë aín xubunu kuan ka, Diosanbi Davidnën bakë bëchikë Uríasnën xanumia bëchikë a ꞌaisamaira okin kushiira ꞌinsínmiakëxa.

2 Samuel 12:22

Kixuan kakëxun ka Davidnën kakëxa: —ꞌËn kana ꞌën bakë bëchikë ñukëma ꞌaínbi pima samáti ꞌian, ꞌën sinánkëx ka ꞌiaxa Diosanbia ꞌë nuibakin ꞌëbëbia ꞌinun ꞌë pëxkuxuinsa kana sinan.

1 Reyes 21:27

Ësokia Dios kikë bana Elíasnën ñuixunkëxun a banakama kuakin ka Ahabnën aín chupa abi tukai ꞌikiani aín xubunu kuanxun chupa xënira pañutankëx añubi pima a pañukë chupa xënira añabi ꞌuxanan, masá nuitukëishi ꞌaish niakëxa.

Nehemías 1:4

Ësokin ꞌë kakëxun a banakama kuatankëx kana tsótax iankën uiti nëtë ꞌitsaira masánuituti ꞌiakën, usai ꞌi pikëmëanan abë banakin kana naínu ꞌikë Nukën ꞌIbu Dios ñukákën.

Salmos 69:10

Usa ꞌain ꞌëx pima ꞌianan inia isi unikama ꞌëmi kuaikania;

Daniel 6:18

Usokin ꞌabiani ka ꞌapu aín xubunu kuankëxa, kuantankëx ka xupinbukëbëtanbi pianan ax ꞌikësabi kuaianan, ꞌima ꞌuxi rakabuakëxa usai rakabuaxi ka a imë́ uxima ꞌinëakëxa.

Daniel 9:3

Usa ꞌain kana añu ñubi pima chupa xëni pañuax chimapunu tsókin ësokin Dios ñukákën.

Jonás 3:9

usakin nun ꞌakëbë sapi ka Diosan nukamami ꞌatimakin sinania nishkë a tupubuti ꞌikën, usai ꞌikin sapi ka nu bamamitima ꞌikën.

Hechos 9:9

Buáncëxunbi ca rabë́ ꞌimainun achúshi nëtë bëxuñu ꞌixun pima ꞌianan xëama ꞌicën.