2 Samuel 12:15 - Kashibo-Kakataibo Biblia

¹⁵ Ësakin kabiania Natán anua ꞌikë aín xubunu kuan ka, Diosanbi Davidnën bakë bëchikë Uríasnën xanumia bëchikë a ꞌaisamaira okin kushiira ꞌinsínmiakëxa.

2 Samuel 12:15 ပူးပေါင်းရင်းမြစ်များ

2 Samuel 12:14

ꞌAínbi kamina minbi ꞌaisamaira oí ami kuaikin Diosan kakëxun kuaisama tankin aín bana parëkin an kuëënkëma ñu ꞌan, usa ꞌain ka min bakë bëchikë bërí náchikikë ax chamara ꞌaíshbi ñuti ꞌikën.

2 Samuel 12:16

Usai ꞌikëbë ka David aín bakë bëchikë chamara anun rabanan Diosbë banakin añubi piama ꞌikën. ꞌImainun ka a imë́kama usai Diosbë banai anua ꞌuxkë anu ꞌuxima men ꞌuxnë́akëxa.

Salmos 104:29

ꞌianan ka mixmi ami kasuakëkëbë rakuëtan bamai, ꞌianan minmi anun uinti ꞌinankëmax bamai amiribishi me putu ꞌitëkënia.

Hechos 12:23

Usaía quicancëbëbi ca Herodes: ꞌËx cana diosma ꞌain, ꞌë rabixunma ca Diosëshi rabican —quiama ꞌicën. Usa ꞌain ca unicaman a rabicëbëtan, Nucën ꞌIbu Diosan bënë́nquinshi xucëxuan, aín ángelnën ꞌimicëx Herodes ꞌinsíancëxa. ꞌInsíanx ca xënan picëx bamacëxa.

Deuteronomio 32:39

ꞌËx kana asérabi Dios ira a ꞌain; usa ꞌain ka ꞌësaribi bëtsi Dioskama ꞌaíma ꞌikën. ꞌËn kana kamabi uni aín tsóti ꞌunanin, ꞌimainun kana anua ñuti nëtë aribi ꞌunanin; ꞌën kana uni ꞌaisama okin ꞌatima oxunbi aín ꞌatimakë a mëníoxunin. Uinu ꞌikë uníxbi ka ꞌëx kushiira ꞌain ꞌën ꞌatima okaskëx ënuax abáti ꞌaíma ꞌikën.