2 Samuel 12:13 - Kashibo-Kakataibo Biblia

¹³ Ësakian Dios kikë bana ñuikin kakëxun ka. Aín ꞌuchakë ñuixunkin Davidtan Natán kakëxa: —Asérabi kana ꞌëx Diosmi ꞌuchan. Kakëxun ka Natánën amiribishi katëkëankëxa: Diosan ka ꞌuchakë ꞌikëbi ꞌatimonan tëmëramikin mi bamamitima ꞌikën.

2 Samuel 12:13 ပူးပေါင်းရင်းမြစ်များ

Génesis 39:9

Ënë xubunu ka ꞌësaribi uni ꞌaíma ꞌikën; usa ꞌain ka ꞌën ñu mëëxunkë unin a ñu kamina ꞌatima ꞌain kixun kakëma ꞌikën, mix kamina ꞌain xanu ꞌain; ¿usa ꞌain karana ꞌëx ꞌatima ñuira ꞌai Nukën ꞌIbu Diosmi ꞌuchati ꞌain?

1 Reyes 21:20

Usokin katanua kakëx ka Elías kuankëxa. Kuanxun ka anua uvas ꞌapákë naë anua mërakëxun ami Ahabnën Elías nishkin kakëxa: —¿Mix ꞌëbë nishanankë uni ꞌaíshbi kaina ꞌë baribëtsini uax ꞌëbë mëranan? Kakëxun ka Elíasnën kakëxa: —Mibë bananuxun mi bari kana uan, min kamina Diosan upí iskëma ñuishi ꞌain.

1 Reyes 22:8

Kixun kakëxun ka Israel kaman ꞌapun Josafat kakëxa: —Anu ka achúshi aribi uisai kara Nukën ꞌIbu kia ñukátisa ꞌikën. Ax ka Micaías Imlá aín bakë bëchikë ꞌikën. ꞌAínbi kana ꞌën a uni istisama tanin an ka uínsaranbi upí bana kakinma, ꞌatima bana ishi ñuikin ꞌë kaia. Kakëxunbi ka Josafatnën kakëxa: —Usai kamina banatima ꞌain.

Salmos 103:12

ꞌIanan ka nux ꞌuchakëkamaribi; nunua ꞌuramikin, bëtsibëa me kuainakëti ꞌurakë usaribi ꞌinun ꞌimiaxa.

Salmos 51:16

ꞌËn kana kuëënkin ñuina rëtankëxun mi xaroxuanan a mi ꞌinaínshiti ñukama mi ꞌinánti ꞌain, ꞌaínbi kamina min a ñukama ꞌaxunti kuëëniman.

Salmos 51:4

Mimi kana ꞌëx ꞌuchan, usai ꞌikin kana, a ꞌaia min uni ꞌaisama iskë ñu a ꞌan, usa ꞌain ka min bana usakin ñu ꞌakatsimi kikë ax asérabi ꞌikën.

Salmos 51:6

Min kamina asérabi sinan mëninñushi uni a nuibatin, usa ꞌixun kamina ꞌëribi sinan ñuira ꞌinun ꞌimia.

Éxodo 9:27

Usaia ꞌikëbë ratúkin ka faraónën Moisés ꞌimainun Aarón kamiakëxa, kamikëxa aia ka ësokin kakëxa: —ꞌËx kana ꞌucha kixun kana ꞌunanin. ꞌËn ꞌucha ꞌimainun ꞌën unibu ꞌuchakë kupín ka ësai ñu ꞌia, Nukën ꞌIbux ka ꞌuchakëma ꞌikën.

Isaías 43:24

ꞌIanan kamina kuríkinën tutish sanuira a maruama ꞌain, ꞌë ꞌinainshiti bëkësa obëtsinkin bënuxun, ꞌianan kamina ñuina rëxun xarokë aín xëni bikë anunbi mitsun ꞌë kuëëmiama ꞌain. Usokin ꞌakinma kamina ꞌitsaira mitsux ꞌuchakë anun ꞌë atsamiakën; usokëx kana mitsun ñu ꞌatima ꞌaimi ꞌuchakë anun ꞌëx nishakën.

Isaías 44:22

ꞌËn kana ꞌatima ñu ꞌaimi mitsux ꞌuchakëkama a nëtënxuan mitsun ꞌuchakama tërënxunkin naínu ꞌikë nëtë kuin ꞌikësaia nëtë́nun ꞌimian. Usa ꞌain kamina ꞌëmi sinanatëkënti ꞌain ꞌën kana mi ië́mian.”

Mateo 14:10

Caquin ca sipunuabia Juan tëbíscanun quixun aín unicama xuacëxa.

Lucas 15:21

Usaquian bicëxun ca aín papa caxa: Papan, cana Nucën Papa Diosmi ꞌuchanan mimiribi ꞌuchan. Usa ꞌain camina ꞌëx cana min bëchicë ꞌai quiax quitima ꞌain.

Lucas 18:13

Fariseo uníxa usai quimainun ca an ꞌapu buánmiti curíqui bicë unin, ꞌuri niracëti manámi bësuima meuishi bësui, masá nuituquin aín nuitu mëëi abë banaquin, —Nucën Papa Dios, ꞌëx ꞌuchañu ꞌicë camina ꞌë nuibaquin ꞌën ꞌuchacama ꞌë tërë́nxunti ꞌai —quixun caxa.

Hechos 2:37

Ësoquian cacëxun cuati —ꞌatimabi cananuna ꞌa —quixun sinani ratúquin ca Pedrocëñun abëa ꞌicë unicama ñucáquin cacancëxa: —ꞌËn xucë́antu, ꞌatimabi cananuna usoquin a ꞌan. ¿Upí ꞌinux caranuna bërí uisai ꞌiti ꞌain?

Hebreos 9:26

ꞌItsai atsínux ca ꞌitsai bama ꞌitsíanxa. Usa ꞌaínbi ca Cristo aín uti nëtë sënë́ncëbë uni ꞌinux uá ꞌaish bamatsianxmabi achúshitishi unin ꞌucha cupí bamacëxa.

1 Juan 1:7

Usa ꞌaínbi cananuna axa ꞌicësaribiti ñu ꞌatima ꞌati sináncëma ꞌianan Nucën Papa Diosbë upí ꞌaish, axa ami catamëcë unicamabëribi upiti nuibananin. Usaínu ꞌia ca an, aín Bëchicë Jesucristo aín imi ꞌapati bama cupí, uisa ñu ꞌai caranuna ꞌuchai, abi nu tërë́nxunia.

Apocalipsis 1:5

An uisaira cara Nucën Papa Dios ꞌicë quixun uni ꞌunánmicë, Jesucristonënribia nuibaquin ꞌaquincëxmi mitsux chuámarua ꞌiti cana cuëënin. Ax utëcëncëbë aín unicamaxribi bama ꞌaíshbi baísquinun, ca ax pain bamatancëx baísquiacëxa. Ax ca ënë nëtënu ꞌicë ꞌapucaman ꞌapu a ꞌicën. An ca nu nuibanan nun ꞌucha cupí aín imi ꞌapati bama ꞌixun nun ꞌuchacama tërë́anan,

1 Samuel 15:20

Kixuan kakëxun ka Saúlnën kakëxa: —ꞌËn kana añu ꞌanun kara Nukën ꞌIbun ꞌë kaxa a kamabi ꞌaxuan: ꞌAkin kana Amalecita unikama këñukin ꞌanan atun ꞌapu Agag ashi ꞌakinma bitsínkin usabi bëan.

1 Samuel 15:30

—ꞌËx kana ꞌuchan —kiax ka Saúl amiribishi kítëkëankëxa—. Usa ꞌaínbi kana mi amiribishi katëkënin Israel kaman kushi ꞌimainun kamabi unikaman, ax ka asérabi nun ꞌapu ꞌikë kixun mi sinánun kamina ꞌëbë kuanti ꞌain. Usa ꞌain kamina ꞌëbë kuantëkëntankëxun Nukën ꞌIbu rabi kuanti ꞌain kixun ka katëkëankëxa.