2 Samuel 12:10 - Kashibo-Kakataibo Biblia

¹⁰ Usa ꞌixun kamina min ꞌën kakëxunbi ꞌën bana kuaisama tankin hitita uni Urías ꞌamixun aín xanu min xanu ꞌiti bian, usa ꞌain ka uínsarabi mix ñukëma pain ꞌain min bakë bëchikëkama atuxi ꞌatimati bukui upitax tsótima ꞌikën.

2 Samuel 12:10 ပူးပေါင်းရင်းမြစ်များ

Génesis 20:3

ꞌaínbi ka a imë́bi ꞌapu Abimélec namámikin, Nukën ꞌIbu Diosan kakëxa: Mix kamina bamati ꞌain, xanumi bikë ax ka bënëñu ꞌikën.

2 Samuel 18:33

Ësokin kakëx ka ꞌapu ratuakëxa, ratúkiani ka xubu manámi kuaruax xëkuë manámi anua ꞌuxkë anu atsíanx anuax iankëxa. Usai masá nuituti ini kuain bëkini nitsi ka kiakëxa: “¡ꞌËn bakë bëchikë Absalón! ¡ꞌËn bakë bëchikë Absalón! ¡ꞌËn bakë bëchikë Absalónnëxma ꞌëx pain kana ꞌën bakë bëchikë Absalón ꞌinun ꞌëx pain ira bamati ꞌian! ¡ꞌËn bakë bëchikë ꞌibu Absalón ax ka ꞌën bakë bëchikë ꞌikën!” (Ësai ki ka iankëxa.)

Amós 7:9

Usokin ꞌanan kana anuxun Israelnën rëbúnkikaman ñu tankin ꞌaxun rabiakama masókin rurupanan, anuxua Israel unikama ñu tankin unioxun rabia xubukama axribi ka rurupakë ꞌiti ꞌikën: ¡Usakin ꞌanan kana axa ami nishkë unikama Jeroboamnën aintsikama manë xëtokën anun ꞌamiti ꞌain!

Números 11:20

Usokin ꞌinánkëxun ka unikaman achúshi ꞌuxë ꞌimikin nami piti ꞌikën, a nami pikëxuan aín rëkinanbi chikíkin namin tënankëx ami kuinsati anábukin istisamatankin ka timati ꞌikën, atúnbi ka ꞌën ꞌakinkëxunbi Nukën ꞌIbu ka nubë ꞌikë kixun sinanima ꞌën kuamainunbi ꞌatimati banai ini kikanxa: ¿Uisakatsi karanuna Egipto menuax chikían?

Mateo 26:52

Pabíscaiabi ca Jesusan cacëxa: —Min manë xëtocë a ca aín xacánu ꞌarutëcën. Axa manë xëtocën ꞌacanancë unicama ax ca anúnribi ꞌacë ꞌiti ꞌicën.

Mateo 6:24

Ësa ca: Achúshi unin ca rabë́ uni ñu mëëxuntima ꞌicën. Rabë́ uni ñu mëëxuncë ꞌixun ca bëtsishi nuibaquin upí oquin ñu ꞌaxuanan bëtsi nuibatima ꞌicën. Usa ꞌixun achúshinën bana cuaquin bëtsían cacëxun aín bana parë́ti ꞌicën. Usaribiti ca uni curíqui ꞌimainun bëtsi bëtsi ñumishi sináncë ꞌaish Nucën Papa Diosmi upiti sinanima.

Romanos 2:4

Camina ꞌunánti ꞌain, Nucën Papa Diosan ca mi nuibaíranan, mi ꞌatima ñu ꞌacë ꞌicëbi ꞌatimoquinma mix sinanati ami sinánun cainia. ¿Axa usa ꞌaínbi caramina min ꞌatima ñu ꞌacë ëni ami sinántisama tanin?

1 Tesalonicenses 4:8

Usa ꞌain ca, ui unin cara nun mitsu ꞌunánmicë banacama ënë cuaisama tania an, unin banama, Nucën Papa Dios, an aín Bëru Ñunshin Upí nu ꞌináncë, aín bana timaia.

1 Samuel 2:30

Usa ꞌain ka Israel unibunën Dios an mi ꞌimainun min aintsi aín ñu mëëti ꞌaxúnun ꞌinánkë ax bërí kiaxa: Uinsaranbi kana atun ësokin, ꞌë ñu ꞌaxúnun ꞌamitima ꞌain, ꞌakinma kana an ꞌë nuibakë aribi nuibati ꞌain, ꞌanan kana ꞌëmi kuaikin ñu ꞌakë a nuibatima ꞌain. ꞌËx min ꞌIbuira ꞌaish kana ësai kin.