2 Samuel 12:1 - Kashibo-Kakataibo Biblia

¹ Nukën ꞌIbun ka an ꞌain bana uni ñuixunkë Natán David istánun xuakëxa. Kuanx bëbaxun ka ësakin kakëxa: —Achúshi ëmanu ka rabë́ uni ꞌiakëxa. Achúshinëxa ñuñuira ꞌimainun ka bëtsix ñuñuma uni ꞌiakëxa.

2 Samuel 12:1 ပူးပေါင်းရင်းမြစ်များ

2 Samuel 11:25

Usa ꞌain ka Davidnën an bana ñuikuankë uni a kakëxa: —Joab kamina kuantankëxun kai kuanti ꞌain, ꞌitsaira ka ꞌinúkë ñu a sinani masá nuitutima ꞌikën, usaibi ka suntárukama ꞌakanani kuax bamaia. Usa ꞌain kamina min sinánmikin kati ꞌain atu ꞌatankëxuan anua ꞌikankë ëma aribi ꞌaisama okin këñunun kixun.

2 Samuel 12:2

Ñuñuira uni an ka ꞌitsaira carneroñu ꞌianan vaca ꞌarakakëñu ꞌiakëxa,

2 Samuel 7:17

Usokin ka Natánnën kamabi ënë banakama David ñuixuankëxa, upíokin ka an namákian kuakësabi okin ñuiakëxa.

1 Reyes 1:8

ꞌAínbi ka sacerdote Sadoc, Benaías Joiadá kakë aín bakë bëchikë a ꞌimainun an Dios kikë bana ñuixunkë uni Natán ꞌimainun Simí abëira ꞌapu nuibanankë a ꞌianan an ꞌapu bërúankë suntárukamaxbi Adonías ꞌakinti sinánma ꞌikankëxa.

1 Reyes 18:1

Nëtë itsin ka rabë́ ꞌimainun achúshi baritia inúkëbëtan Diosan Elías ësokin kakëxa: “Anu kuanxun kamina Ahab isi kuanti ꞌain, ꞌën kana amiribishi ꞌuí an me chabóti ꞌibúmitëkënti ꞌain.”

1 Reyes 21:18

“Bënëkiani anu kuanxun kamina abë banakin Ahab Israel unikaman ꞌapu, Samaria menua tsókë a isi kuanti ꞌain. Bëríbi ka Nabotnan ꞌikëbi ainan ꞌiti binuxun uvas ꞌapákë a isi naënu kuanxa.