2 Samuel 11:26 - Kashibo-Kakataibo Biblia

²⁶ Usokian aín bënë Urías ꞌakankë ka aín xanun kuakëxa, kuatankëx ka ꞌitsaira aín bënë sinani masá nuituakëxa;

2 Samuel 11:26 ပူးပေါင်းရင်းမြစ်များ

Génesis 27:41

Usakian ꞌakë ꞌain ka Esaúnën ami xuamati nishkin Jacob istisama tankëxa aín papan upíokin sinánxunkin kakë kupín, ꞌimainun ka sinánkëxa: “Ënuax basiramashi kana ꞌën papa ñukëbë ꞌitsaira masá nuituti nitë́xëti ꞌain, usai ꞌikin kana ꞌën xukë́n Jacob rëti ꞌain.”

Génesis 50:10

Usakiani kuanx ka anua Goren-ha-atad, ꞌikë Jordán baka kuainakëkë anu bëbaxun ꞌaisamaira uni timëkamë ꞌëokë ax masánuituti ini rarumakëxa. ꞌImainun ka José mapai achúshi ꞌimainun rabë́ nëtë anuax ꞌitsaira iankëxa.

2 Samuel 11:25

Usa ꞌain ka Davidnën an bana ñuikuankë uni a kakëxa: —Joab kamina kuantankëxun kai kuanti ꞌain, ꞌitsaira ka ꞌinúkë ñu a sinani masá nuitutima ꞌikën, usaibi ka suntárukama ꞌakanani kuax bamaia. Usa ꞌain kamina min sinánmikin kati ꞌain atu ꞌatankëxuan anua ꞌikankë ëma aribi ꞌaisama okin këñunun kixun.

1 Reyes 21:16

Usa ꞌain ka Ahabnën naë ꞌibu Nabot kaisa ñuaxa kixun kuabianxun an ꞌapákë uvas ainan ꞌinun biakëxa.

Deuteronomio 34:8

Usai ꞌian ka israel unikama Moisés bënini ini achúshi ꞌuxë ꞌimi anu uni ꞌikëma me Moab kakë anuax rarumakëxa, usai ꞌi ka a nëtëkama sënë́mi Moisés ñukë ꞌain masá nuituti nitë́xëti inkankëxa.

1 Samuel 31:13

Usokin ꞌaxun ka aín xokama ashi Jabés kakë ëma anua nikë i pëchiñu tëmú, anu maínkankëxa. Usokin ꞌatankëx ka mapai achúshi ꞌimainun rabë́ nëtë ꞌimikin ñu pima samákankëxa.