2 Samuel 11:15 - Kashibo-Kakataibo Biblia

¹⁵ A kirikanu ka ësokin kuënëoxuankëxa: “Urías kamina axira paian ꞌakanani rëkuë́nkiani anpan kuanti suntárukama akëñun xuti ꞌain, usokin ꞌaxun kamina abë ꞌakanankian ꞌakanun ënti ꞌain.”

2 Samuel 11:15 ပူးပေါင်းရင်းမြစ်များ

2 Samuel 11:16

Usokin kuënëoxunkë kirika a istankëxun ka an kakësabiokin Joabnën anua ꞌakánanti nëtë ꞌikëbëtan axa atumi nishkë amonita unikamabë ꞌakananuxun atun ëma suntárukama bëaramikin, Urías uinu kara suntáru ꞌakánanti ꞌunáinrabu ꞌikë anu atubë kuanun xuakëxa,

2 Samuel 11:17

usokin ꞌan ka atubë ꞌakananux a ëmanu ꞌikë unikamax Joabnën suntárukamabë ꞌakanankëxa, ꞌakanankin ka Davidnën suntárunën kushikamakëñunbi Urías aribi ꞌakankëxa.

2 Samuel 12:9

¿Uisa ꞌixun kaina ꞌën kakësabiokin ꞌakinma ꞌën kuëënkëma ñu ꞌan? Min kamina hitita uni Urías a amonita suntárukama këmëxun ꞌamiakën, ꞌaxun kamina aín xanu ꞌikëbi min xanu ꞌinun biakën.

Salmos 51:14

An uni ꞌakë uni ꞌisataniabi kamina a sinánua ꞌë mëníoti ꞌain, mix kamina ꞌën Dios an ꞌë ië́miti a ꞌain, usa ꞌixun kana mi rabi kantakin mix kamina usa ꞌai kixun ꞌën ñuiti ꞌain.

Salmos 51:4

Mimi kana ꞌëx ꞌuchan, usai ꞌikin kana, a ꞌaia min uni ꞌaisama iskë ñu a ꞌan, usa ꞌain ka min bana usakin ñu ꞌakatsimi kikë ax asérabi ꞌikën.

Jeremías 20:13

¡Nukën ꞌIbumi ka kantakan Nukën ꞌIbu ka rabikan!, an ka ꞌatima ñu ꞌakë unikaman tëmëramikëx bënëtiabi uni ië́mia.

1 Samuel 18:17

Achúshi nëtën ka Saúlnën David kakëxa: —ꞌËn ꞌini bëchikë apan Merab kakë a kana min xanu ꞌinun mi ꞌinánti ꞌain, usa ꞌain kamina mix ꞌakanantimi rakuë́tima Nukën ꞌIbu mi ꞌakinkëx ꞌakánanti ꞌai kixun kakëxa. ꞌAínbi ka Saúlnën anbi ꞌakinma, këmëxun filisteo suntárukama ꞌamiti sinánxun usakin kakëxa.

1 Samuel 18:21

kuëënkin ka David aín xanu ꞌixun ka an paránxun filisteo suntárukama ꞌamiti ꞌikë kixun sinánkëxa. Usakin sinánxun ka amiribishi David katëkëankëxa: —Bëríra kamina ꞌën piaka ꞌinuxun ꞌain.

1 Samuel 18:25

Usakin ñuixunkëxun ka Saúlnën an ñu ꞌakinkë unikama David filisteo unikama ꞌamiti sinánkin ësakin kakëxa: —David kamina ꞌën ꞌini bëchikë aínan ꞌiti bikian, añubi ꞌë ꞌinanxuma ꞌanun kati ꞌain, ꞌëx kana ꞌapu ꞌaish kuëënin ꞌëa cien filisteo uni ꞌaxun aín nëtokë ñu rëbu maxaka tëakin bixun bëxunun kati ꞌain, usakin ꞌakëbëtan kana ꞌëmi nishkë unikama ꞌatima oti ꞌain. Asérabi ka Saúl filisteo unikaman ꞌati kuëëankëxa.