2 Samuel 11:11 - Kashibo-Kakataibo Biblia

¹¹ Kixuan ñukákëxun ka Uríasnën kakëxa: —Bunántisa okin ꞌakë anu Diosan banakama kuënëoxun nan akama ꞌimainun Israel suntárukamaxa Judánën rëbúnkikamabë anu atux ꞌiti mapanatira uisokinbi kara ꞌatankëx anu ꞌikania; usaribiti ka Joab ꞌën ꞌapu a ꞌimainun min suntárukamabëbi ëmanbi ꞌuxkania; ¿Usaia atux ꞌimainun karana ꞌëxëshi upitax ꞌën xubunu kuantankëxun upíokin pianan xëanan kai ꞌianan ꞌën xanun nami ꞌanan usaibu ꞌiti ꞌain? ¡ꞌËn kana asérabi ꞌapu ikë mi kain ꞌën kana usa ñu ꞌatima ꞌain!

2 Samuel 11:11 ပူးပေါင်းရင်းမြစ်များ

2 Samuel 11:10

Usai anu pë́karakë ꞌain ka Urías ka aín xubunu kuankëma ꞌikë kixun David ñuixunkankëxa, ñuixunkëxun ka Davidnën anua kuantëkënun kixun Urías kamiakëxa, kamikëxa kuankë ka ñukákëxa: —¿Uisa kupín kaina min xubunu nibaixaxbi tanti kuankëma ꞌain?

2 Samuel 7:2

an Dios kikë bana uni ñuixunkë Natán kakëxa: —Uisa ꞌixun karana ꞌën anu ꞌapu ꞌiti xubu kunxan tukapaxun upíokin ꞌakënu ꞌixun, Dios bunántisa okin ꞌaxunkë axa chupaishi ꞌakë xubu ꞌukëmëu nankë ꞌikë isti ꞌain, ax ka ꞌën iskëx upíma ꞌikën.

2 Samuel 7:6

Anun ꞌën Egipto menua Israel unibu chikía, a nëtëkamanbi ꞌiama ꞌaish kana bëríbi usabi ꞌaish, uínsarabi anuxun ꞌë rabiti xubunu ꞌikëma ꞌain, usa ꞌain kana xubusa okin chupaishi ꞌakë anu kuanx ꞌën unibëshi banakën.

Juan 13:14

ꞌËx mitsun ꞌIbu ꞌianan an mitsu ꞌunánmicë ꞌixunbi cana mitsu tachucan. Usaribiti camina micamax bëtsibë bëtsibë tachucananti ꞌain.

2 Timoteo 2:12

Nucën Papa Dios ainan cupí tëmëraquinbi ëncëma ꞌaish cananuna abë ꞌapusa ꞌiti ꞌain. Usa ꞌaínbi ca nuxnu —ꞌëx cana Jesucristonën unima ꞌai —quicëbë axribi nu ñui —ax ca ꞌën unima ꞌicë —quiti ꞌicën.

1 Samuel 1:26

Buánxun ka Anan kakëxa: —ꞌËn ꞌIbu ꞌë kamina uisabi otima ꞌain, mix kamina bërí ënu ꞌain, ꞌëx kana an mi rapasunuxun Nukën ꞌIbu ñukákë xanu a ꞌain.

1 Samuel 14:18

ꞌImainun ka a nëtën lino ꞌakë chupa efod kakë Diosnan an uankë sacerdote Ahías ax anua Israelnën suntárukama ꞌikë anubi ꞌiakëxa, anu ꞌikë ka Saúlnën kakëxa: —Ënu kamina efod kakë chupa Diosnan a bëti ꞌain kixun kakëxa.

1 Samuel 17:55

Bërámabi ka Saúlnën aín suntárunën kushi comandante Abner a ñukákë ꞌiakëxa, David axa filisteo uni Goliat a ꞌanux kuania iskin: —Abner ¿Uin bëchikë kara uni bëna ux ꞌik?

1 Samuel 20:3

Kakëxunbi ka Davidnën munuma banakin katëkëankëxa: —Min papan ka upíokin minmi ꞌë ꞌitsaira nuibatia ꞌunánxa, usa ꞌain ka min ꞌunánkimi an ꞌaisa tankë ñu a kuëënxuntima kuëënia. ¡ꞌAínbi kana uisaxunbi sinanatima okin Nukën ꞌIbun kuamainunbi mi kain, ꞌëx kana bamati ꞌuramashi ꞌain!

1 Samuel 4:4

Usai kitankëxun ka Israel ꞌapukaman an biti suntáru raíri Siló kakë ëmanu xuakëxa, xukëx kuanxun ka bunántisa okin ꞌakë kurin ratakakakë anua Dios kamabi kushiñu Querubin samaira ainan a bëakëxa. Bëkëbë ka Elínën bëchikë Hofní ꞌimainun Finees a rabëtaxribi atubë uakëxa, ukin ka anua Diosan bana kuënëokë ꞌarukë bunántisa okin ꞌakë a bëakëxa.