2 Samuel 11:10 - Kashibo-Kakataibo Biblia

¹⁰ Usai anu pë́karakë ꞌain ka Urías ka aín xubunu kuankëma ꞌikë kixun David ñuixunkankëxa, ñuixunkëxun ka Davidnën anua kuantëkënun kixun Urías kamiakëxa, kamikëxa kuankë ka ñukákëxa: —¿Uisa kupín kaina min xubunu nibaixaxbi tanti kuankëma ꞌain?

2 Samuel 11:10 ပူးပေါင်းရင်းမြစ်များ

2 Samuel 11:11

Kixuan ñukákëxun ka Uríasnën kakëxa: —Bunántisa okin ꞌakë anu Diosan banakama kuënëoxun nan akama ꞌimainun Israel suntárukamaxa Judánën rëbúnkikamabë anu atux ꞌiti mapanatira uisokinbi kara ꞌatankëx anu ꞌikania; usaribiti ka Joab ꞌën ꞌapu a ꞌimainun min suntárukamabëbi ëmanbi ꞌuxkania; ¿Usaia atux ꞌimainun karana ꞌëxëshi upitax ꞌën xubunu kuantankëxun upíokin pianan xëanan kai ꞌianan ꞌën xanun nami ꞌanan usaibu ꞌiti ꞌain? ¡ꞌËn kana asérabi ꞌapu ikë mi kain ꞌën kana usa ñu ꞌatima ꞌain!

2 Samuel 11:9

Usai anuax kuanxbi ka Urías aín xubunu kuanima, ꞌapun xubu chaiira aín xëkuë an bërúankë suntárukamabë imë́ anu ꞌi bërúakëxa.

2 Samuel 12:1

Nukën ꞌIbun ka an ꞌain bana uni ñuixunkë Natán David istánun xuakëxa. Kuanx bëbaxun ka ësakin kakëxa: —Achúshi ëmanu ka rabë́ uni ꞌiakëxa. Achúshinëxa ñuñuira ꞌimainun ka bëtsix ñuñuma uni ꞌiakëxa.