2 Samuel 1:23 - Kashibo-Kakataibo Biblia

²³ Saúl ꞌimainun Jonatán ax ka kamabi israel unikaman axa upí uni ꞌikë nuibakë ꞌiakëxa, ꞌianan ka tsókëpan ꞌaish ꞌiásabi ñuaxi atubë ënanankëma ꞌikën. ¡Ax ka tëtëkamë ꞌëo nuankësamaira ꞌianan! ¡Paru ꞌinuán kushisamaira ꞌiakëxa!

2 Samuel 1:23 ပူးပေါင်းရင်းမြစ်များ

2 Samuel 1:24

¡Israelnu ꞌikë xanukama Saúl sinani ka inkan, an ka lino ꞌakë chupa minanën mëskukin pukukë mitsu pañumiakëxa, pañumianan ka chupa kurin chëxëokin upíira okin ꞌakë mitsu ꞌinánkëxa!

Jueces 14:18

Ñuixunkëx ka mapai ꞌimainun rabë́ nëtë sënë́nkë anun bari kuabukëma ꞌaínshi filisteo unikama anu rikianxun Sansón kakëxa: “Buna rëpa batasamaira bëtsi ñu ka ꞌaíma ꞌikën, ꞌimainun ka paru ꞌinúanën kushisamaira bëtsi ñuina ꞌaíma ꞌikën.” Kia kuakin ka Sansónnën atu kakëxa: “ꞌËn kakëxuan ꞌën xanun mitsu ñuixunkë kupinshi kamina uisai kikë kara a bana ꞌikë kixun ꞌunanin.”

1 Samuel 18:1

Usa ꞌain ka David ꞌimainun Saúl banatankëx sënë́nkëbë, Jonatán upiti Davidbë ꞌunánankëxa, usai ꞌiax ka upiti nuibanairakëxa.

1 Samuel 20:2

Kixuan kakëxun ka Jonatánnën kakëxa: —¡Diosan ka mia ꞌati kuëëntima ꞌikën! ¡ꞌËn papan ka mi ꞌaisatania ꞌaínbi ka mi ꞌatima ꞌikën! Min kamina ꞌunánti ꞌain, ꞌën papan ka añu ñubi ꞌatima ꞌikë, an ka añu kara ꞌaisa tania axira cha ꞌixunbi ꞌë kaia. ¿Uisa kupín kara ꞌën papan ësakian mi ꞌakë ënë ꞌë ñuixuntima ꞌik? ¡Usa ka ꞌitima ꞌikën!