2 Samuel 1:1 - Kashibo-Kakataibo Biblia

¹ Usa ꞌain ka Saúl ñukë ꞌain David aín unikamabëtan amalecita suntárukama abámikin ꞌabiani Siclag kakë ëmanu kuantëkëankëxa, kuanx ka anu rabë́ nëtën bërúakëxa.

2 Samuel 1:1 ပူးပေါင်းရင်းမြစ်များ

Génesis 14:7

Usokin ꞌatankëx baitsin amirbishi utëkënkin ka Quedorlaómer ꞌimainun aín suntárukama, ꞌimainun abëa kuankë ꞌapu raíri akamabë En-Mispat, ꞌikëbia Cadés kakë anu bëbakëxa, bëbakiani kuankin ka añu kara bainua mëraia abi ꞌatimonan këñuakëxa, usokin ꞌanan ka kuankinshi anu ꞌikë amalecita aribi ꞌakëxa, ꞌanan ka amorreokamaribi raíri ëmakama ꞌakësaribi okin ꞌabiani kuankëxa, ax ka Hasesón-tamar me ꞌikë anu ꞌiakëxa.

1 Samuel 31:4

Usokia ꞌakankëxun ka Saúlnën an manë pará tuixunkë uni a kakëxa: —Min manë xëtokë bikin kamina anun bëríbi ꞌë ꞌati ꞌain, ꞌëx kana filisteo unikama an Dios rabikëma kamaxa ꞌë ꞌatankëx ꞌëmi kuaiti kuëëniman. Usokian kakëxunbi ka an aín manë pará tuinxukë uni an usokin ꞌaisama tani ꞌitsaira rakuë́akëxa. Usai ꞌikëbëtan ka Saúlnën aín manë xëtokë bitsi anun abi tarókati bamakëxa.

1 Samuel 31:6

Usai ka a nëtënbi Saúl ꞌimainun aín bakë bëchikë rabë́ ꞌimainun achúshi akama ꞌianan an aín manë pará tuinxukë uni ꞌimainun kamabi abëa abákë suntárukama atúxribi bamakëxa.