2 Reyes 7:7 - Kashibo-Kakataibo Biblia

⁷ Usakin sinani ka bari xupibuti bë́anki kuankëbë, atux anu ꞌitia chupa xubusa okin ꞌakë a ëbianan aín caballo ꞌimainun aín burro akamabi anua ꞌikankë anubi uisabi okinma atu ꞌaisa sinani abákin ëbiankankëxa.

2 Reyes 7:7 ပူးပေါင်းရင်းမြစ်များ

1 Reyes 10:29

Achúshi caballonën nirinkë upíokin Egipto menuxun ꞌakë marukë ax ka seiscientos manë kuríki kupíakëxa, ꞌimainun ka caballo achúshi ciento cincuenta manë kuríki ꞌakë kupíakëxa. Usakian ꞌaia ka hititanu ꞌikë ꞌapu ꞌimainun Sirionu ꞌikë ꞌapukamanribi Salomónnën suntárunën kushikaman ꞌamikëxun atumi ꞌixun aín ñukama maruakëxa.

Salmos 33:17

caballokaman ka uibi ië́mitima ꞌikën; atux kushiira ꞌixunbi ka uibi ië́mitima ꞌikën.

Hebreos 6:18

Usa ꞌain cananuna an ca ax quicësabi oquin ꞌaia quixun ꞌunánan, axa —sinanatëcëntimoquin cana mitsu cai —quicë cupí ca an asérabi usoquin ꞌati ꞌicë quixun ꞌunanin. Usaquin ꞌunánquin cananuna ꞌunanin, nun nu an nu ꞌaquinun ñucácë ꞌixun ca nu asérabi ꞌaquinti ꞌicë quixun. ꞌUnánan cananuna ami catamëquin —aín bana quicësabi oi cana asérabi ainan ꞌaish aín nëtënu abë ꞌiti ꞌai —quixun ꞌunanin.

Jueces 7:21

Usai sharati kitankëxa israel unikama anuaxa sharákë anuax nëtë́ti bukubukëbëshi ka madianita suntárukamax atumi rakuë́ti sharákiani kuani anua ꞌikë anuax abákankëxa,

1 Samuel 14:15

Usakin ꞌan ka aín xubunu ꞌikë unikama ꞌimainun suntáru ëmanu ꞌikë filisteokama rakuë́akëxa. Rakuë́mainun ka aín patsan axa ꞌakanani mëkó unikama a kamaxribi rakuë́akëxa. ꞌAínbi ka Diosan ꞌimikëx ꞌaisamairai me shaíkikëbë ꞌitsaira unikama rakuëaxa.