2 Reyes 6:16 - Kashibo-Kakataibo Biblia

¹⁶ Kixuan kakëxun ka Eliseonën kakëxa: —Kamina rakuë́tima ꞌain, axa nubë ꞌikë ax ka ꞌitsaira ꞌaish atubëa ꞌikë abëtan sënë́nmaira ꞌikën.

2 Reyes 6:16 ပူးပေါင်းရင်းမြစ်များ

Génesis 32:1

Usai anuax aín kuku ꞌimainun abëa ukë unikama kuankëbëbi ka Jacob anuax kuankëxa, kuankëbëbi Nukën ꞌIbu Diosan ángelkamax ami chikirakëti anúan kuankë bai anu mërakëxa.

2 Reyes 6:15

Usakin bëarakë a pëkarakëma ꞌaínshi ka Eliseonën ñu mëmikë uni niruakëxa, nirui ëman chikikinbi ka ꞌaisamaira suntáru ꞌimainun caballonuax ꞌakanankëkama ꞌimainun caballonën nirinkë anuax ꞌakanankë suntárukaman ëma bëararakë mërakëxa, mërabiani kuanxun ka Eliseo kakëxa: —ꞌAisamaira unin ka nu bëarabuianxa, ¿a ñu karanuna bërí nun ꞌati ꞌain?

Salmos 27:3

Suntárukaman ka ꞌë bëarabuinti ꞌikën, ꞌaínbi kana ꞌën nuitu kushiokin sinani rakuëtima ꞌain; ꞌë ꞌanux ꞌëmi ꞌikuatsinuxa mëníokakëbëbi kana chuámashirua ꞌiti ꞌain.

Salmos 46:11

¡Kamabi kushiiñu Nukën ꞌIbu ax ka nubë ꞌikën! ¡Usa ꞌaish ka Jacobnën Dios ꞌiá ꞌaish nun Diosribi ꞌixun nu ꞌakinia!

Salmos 46:7

¡Nukën ꞌlbu kamabi kushiñuira ax ka nukamabë ꞌikën! ¡Jacobnën rabia Dios ax ka aminu katamëkë ꞌikën!

Éxodo 14:13

Usai kikaniabi ka Moisésnën kakëxa: —Kamina rakuë́kantima ꞌain. Mitsun kamina ꞌatima okin sinánkima chuámashirua tankin bëría Nukën ꞌIbun mitsu ꞌiëminuxun ñu ꞌaia isti ꞌain, uínsaranbi kamina egipcio unikama amiribishi bërími iskankësa okin istëkënxuma ꞌain.

Isaías 8:10

ꞌIanan ka usakin kananuna ñu ꞌati ꞌai kixun atun sinaniabi, usakian ꞌanun ꞌamitima ꞌikën, Dios ax ka nubë ꞌikë usa ꞌixun.

Mateo 26:53

¿Caramina ꞌunaniman, ꞌën cana ꞌën Papa aín ángelcama ꞌë ꞌaquinun xunun ñucáquin cati ꞌain? ꞌËn ñucácëxun ca aín ángelcama uitishi cara ꞌë ꞌaquinun bëríbi xuti ꞌicën.

Marcos 16:6

Ratutiabi ca cacëxa: —Ratúaxma ca ꞌit. Mitsun camina i curúsocënua matásëxancë Jesús, Nazaretnu ꞌicë, a barin. Ca ënuma ꞌicën, ca baísquiaxa. Anua unin racáënxancë ca is.

Romanos 8:31

¿A ñucama sinánquin cananuna ꞌunanin, Nucën Papa Diosan bërúancë ꞌicë ca an ëncëma ꞌicë uínbi uisashi cara oquinbi a nubë ënanamima.

Filipenses 1:28

Cuanan cana mitsumi nishquian unin ꞌatimocëxunbi camina racuë́quin a ëníma Jesucristomi catamëti quixuan unin ñuia cuaisa tanin. Mitsúxmi usai ꞌicëbëtan ca Nucën Papa Diosan sinánmicëxun axa mimi nishcë unicaman ꞌunánti ꞌicën, ainanma ꞌaish ca atux nëtë́timoi usabi ꞌinux bamati ꞌicë quixun. ꞌUnánan ca mitsux camina ainan ꞌinux ië́cë ꞌaish Nucën Papa Diosbë ꞌiti ꞌai quixun ꞌunánti ꞌicën.

1 Juan 4:4

ꞌËn bëchicësa unicama, mitsux camina Nucën Papa Diosnan ꞌain. Nucën Papa Dios axa mitsubë ꞌicë aín cushibëtan sënë́nma ca an ënë nëtënu ꞌicë ñuishi sináncë unicaman cushi ꞌicën. Usa ꞌain ca an Cristo ꞌatimaquin ñuicë unicaman sinanëx mitsun sinánbëtan sënë́nmara ꞌicën.