2 Reyes 5:9 - Kashibo-Kakataibo Biblia

⁹ Usakian kamikëxun ꞌapun xukëx ka Naamán caballonën nikinkë anu ꞌirukiani kuanx, Eliseo anu ꞌikë aín xubu xëkuënubi nirakëakëxa.

2 Reyes 5:9 ပူးပေါင်းရင်းမြစ်များ

2 Reyes 5:10

Usai anu kuankë ꞌaínbi ka Eliseonën ax kai chikikima an kati uni achúshi xuakëxa: “Xukëx kuanxun istankëxun ka a unin mapai achúshi ꞌimainun rabë́ oi kamina Jordán kakë bakanu nashiti ꞌain, usaími ꞌikëbë ka an nami chëkimikë min naminu ꞌikë ꞌinsin ax pëxkúti ꞌikë kixun kakëxa.”

2 Reyes 5:8

Ësaia ꞌapu an buámikë kirika a istánkëx aín chupa tukai kikë ꞌunánkin ka an Dios kikë bana ñuixunkë uni Eliseonën, ësokin ꞌapu katánun kamiakëxa: “¿ꞌËx Eliseo ꞌixun kana ësokin mi kain uisoti kaina min chupa tukan? A unix ka ꞌë isi uti ꞌikën, uxun ka Israel menu ka an Dios kikë bana uni ñuixunkë ꞌikë kixun ꞌunánti ꞌikën.”

2 Reyes 6:32

Usai ꞌimainun ka Eliseo aín xubunu uni aín tukurikukamabë timë́ax bukukë ꞌiakëxa. Anu bukumainun ka ꞌapun aín uni achúshi xuakëxa. Xukëx kuanxa aín xubunu bëbakëma pain ꞌain ka, Eliseonën aín tukurikubukama a kakë ꞌiakëxa: —ꞌApun ka an uni ꞌakë ꞌixunbi ꞌë isa ꞌanun kixun uni xuaxa. Usa ꞌain kamina, atúxa bëbakëbëtan xubu xëputi xëpukin ꞌaimakin kushiokin tuinti ꞌain, usa ꞌain kana atu kaxú aia nikuatsinia aín ꞌapu kuati ꞌain.

Isaías 60:14

An mitsu tëmëramia unikaman bakë bëchikë atux ka aí ñuumara ꞌianan, kushiñuma mitsun iskëx ꞌiti ꞌikën, ꞌimainun ka an mi tima unikama atúxribi mitsu bëtanain rantipuruni tsóbukin, mi anëi kikanti ꞌikën. Mix kamina Nukën ꞌIbun ëma ꞌai kixun kati ꞌikën. ꞌImainun ka Jerusalén Dios upíira aín ëma kakin anëti ꞌikën.”