2 Reyes 5:8 - Kashibo-Kakataibo Biblia

⁸ Ësaia ꞌapu an buámikë kirika a istánkëx aín chupa tukai kikë ꞌunánkin ka an Dios kikë bana ñuixunkë uni Eliseonën, ësokin ꞌapu katánun kamiakëxa: “¿ꞌËx Eliseo ꞌixun kana ësokin mi kain uisoti kaina min chupa tukan? A unix ka ꞌë isi uti ꞌikën, uxun ka Israel menu ka an Dios kikë bana uni ñuixunkë ꞌikë kixun ꞌunánti ꞌikën.”

2 Reyes 5:8 ပူးပေါင်းရင်းမြစ်များ

1 Reyes 12:22

ꞌAínbi ka an bana ñuikë Semaías aín uni a Diosan ësakian ꞌanun kakëxa:

1 Reyes 17:24

Ësakin kakëxun ka xanuxunribi Elías kakëxa: —Bërí kana ꞌën mix kamina asérabi këmëima Diosan uni ꞌai kixun ꞌunanin, ꞌimainun ka mixmi asérabi këmëima banaia Diosan kuatia.

2 Reyes 5:15

Usai ꞌi pëxkukiani ka abëa kuankë unikamabë an bana ñuikë Eliseo isi anu kuankëxa. Kuanx anu bëbakin ka Naamánnën kakëxa: —¡Bërí kana ꞌën upíokin ꞌunanin kamabi menu ka Dios ꞌaíma ꞌikën, ꞌaínbi ka Israel menushi achúshi Dios ꞌikën! Usa ꞌain kamina an mi ñu ꞌaxúnti uni ënën mi ñu ꞌinaishikaskëxun ꞌëmi pëxkukë kupí bishiti ꞌain.

2 Reyes 5:3

A xanu xuntakunën ka a ñu mëëxunkë xanu kakëxa: —Min bënën kara Samarianu ꞌikë an Dios kikë bana uni ñuixunkë unin kara an nami chëkimikë aín ꞌinsín pëxkunun ꞌakintima ꞌikë ñukati kuantima ꞌikën.

2 Reyes 5:7

Ësokin ꞌaxuan ꞌinánkëx Samarianu bëbax ka anua ꞌapu ꞌikë aín xubunu kuanxun ꞌIsraelnën ꞌapu kirika kuënëokë buánkë a ꞌinánkëxa, ꞌinánkëxun istánkëx ka Israel unikaman ꞌapu aín chupa tukai nishi kiakëxa: —¿ꞌËx karana an uni tsónun ꞌimianan bamanun ꞌimikë a ꞌain, ꞌapu ꞌitsían uni achúshi an nami chëkimikë ꞌinsin ꞌën pëxkunun ꞌënu xunun karana ꞌëx Dios ꞌain? ¡ꞌËn sinánkëxun sapi ka nubë ꞌakánanti barikin ësokin ꞌaia usa ꞌain kananuna upiti bërúankati ꞌain!

2 Reyes 5:9

Usakian kamikëxun ꞌapun xukëx ka Naamán caballonën nikinkë anu ꞌirukiani kuanx, Eliseo anu ꞌikë aín xubu xëkuënubi nirakëakëxa.

Éxodo 11:8

Usai ꞌikëbë ka an mi ñu ꞌaxunkë min unikama ënu uti ꞌikën, usa aín ka rantinpuruni tsóbukin aín ꞌapu ꞌakësokin ꞌë ñukákanti ꞌikën: Ënuax kuankin, kamina min unikama buánti ꞌain. ꞌUsakin ꞌë ꞌakëma ꞌaish kana kuantima pan ꞌain. Usakin katankëx ka Moisés faraónën xubunuax nishkë ꞌaish chikíakëxa.

Ezequiel 2:5

Atun min kakëxun kuananbi min bana kuatima ꞌikën, atux ka bana kuakëma unibuira ꞌikën, usa ꞌixunbi ka nunu ka an Dios kikë bana ñuikë uni ꞌikë kixun ꞌunánkanti ꞌikën.

Romanos 11:13

Anu ꞌicë judíosma unicama, cana mitsu cain, ꞌën judíosma unicama aín bana ñuixunun Jesucristonën cacë ꞌixun cana usaquin chiquíshquinma cuëënquin ꞌain.

1 Samuel 9:6

Kakëxun ka an ñu mëëxunkë uni abëa kuankë an kakëxa: —Ënë ëmanu ka uni achúshi an Dios kikë bana uni ñuixunkë kamabi unían aín bana tankë ꞌikën, usa ꞌain ka ax kikësabi oi ñu ꞌia. Anu kananuna kuanti ꞌain, an sapi ka anun a bari kuanti bai nu ñuixunti ꞌikën.