2 Reyes 5:7 - Kashibo-Kakataibo Biblia

⁷ Ësokin ꞌaxuan ꞌinánkëx Samarianu bëbax ka anua ꞌapu ꞌikë aín xubunu kuanxun ꞌIsraelnën ꞌapu kirika kuënëokë buánkë a ꞌinánkëxa, ꞌinánkëxun istánkëx ka Israel unikaman ꞌapu aín chupa tukai nishi kiakëxa: —¿ꞌËx karana an uni tsónun ꞌimianan bamanun ꞌimikë a ꞌain, ꞌapu ꞌitsían uni achúshi an nami chëkimikë ꞌinsin ꞌën pëxkunun ꞌënu xunun karana ꞌëx Dios ꞌain? ¡ꞌËn sinánkëxun sapi ka nubë ꞌakánanti barikin ësokin ꞌaia usa ꞌain kananuna upiti bërúankati ꞌain!

2 Reyes 5:7 ပူးပေါင်းရင်းမြစ်များ

Génesis 30:2

ꞌAínbi ka Jacobnën nishkin kakëxa: —¿ꞌËx kana Diosma ꞌain? Nukën ꞌIbu ax ka mix tuáñu ꞌiti kuëënima.

Génesis 37:29

Usa ꞌain ka Rubén ax aín xukë́n José chikínti sinanx ꞌuxunbi kini ꞌukëmëuküa ꞌaíma okëxa, ꞌaíma oika ratuti sinánkasmai nitë́xëti bëríkarana uisai ꞌiti ꞌai kixun sinani aín chupa tukai masá nuituakëxa.

Génesis 50:19

ꞌAínbi ka Josénën atu kakëxa: —Kamina rakuënkantima ꞌain. ꞌËx kana Diosma ꞌain.

2 Samuel 1:11

Usokin kakëxun kuati ka David ꞌimainun abë ꞌikë unikama atun chupa anun paëkin tukai,

2 Reyes 18:37

Usa ꞌain ka Eliaquim an ꞌapun xubunuxun ñu bërúankë a ꞌimainun Sebná an kirika kuënëokë a ꞌianan, an ꞌapu kikëbëtan kirika kuënëokë Joah akaman ꞌatimokin sinani nishkin, atun chupa tukabiani ꞌapu Ezequías isanan usakian Asirionuax ukë suntárunën kushikaman kakë akama ñuixuni kuankëxa.

2 Reyes 5:6

bibiani kuankin ka Israelnu ꞌikë ꞌapu kuënëoxunkë kirika anua ësai kikë a biakëxa: bixun ka ësai kinun kuënëokë a Israelnu ꞌikë ꞌapu buánxuankëxa: “Ënë kirika bikin kamina sinánti ꞌain ꞌën kana ꞌën suntárukaman kushi Naamán an nami chëkimikë ꞌinsín pëxkúnun xuti ꞌain kixun ꞌunánti ꞌain.”

Jeremías 36:24

Usokin kamabi kirika iskin ꞌaia kuatíbi ka ꞌapu ꞌimainun aín unikamax rakuëanan masánuituti anun paëama ꞌikën.

Daniel 2:11

Usa ꞌain ka min ꞌapu ꞌixun nu ñukákë ënëx tëira ꞌikën, usa ꞌain ka uínbi min namákë a ñuikin uisakin kaina namá kixun mi katima ꞌikën, anu sapi ka dioskama achúshi ꞌiti ꞌikën; ¡ꞌaínbi ka anu uni ꞌikë anu ꞌima!

Oseas 6:1

Kamaxi Diosmi sinanatëkënti kamina ukanti ꞌain. An ka ꞌatimo ꞌixunbi nux ñu ꞌatima ꞌai ꞌuchakëkama nu mëníoxunti ꞌikën; usokin ꞌatimo ꞌixunbi mëníotëkënkin ka chuámarua tanun nu ꞌimiti ꞌikën.

Números 14:6

usaía ꞌikëbë ka Josué ꞌimainun Caleb, an me ñachai kuankë a rabëtax aín sinan xuamatani nishkin aín pañukë chupa tukakin

Mateo 26:65

Usai quia cuati xuamairai nishquin aín chupabi tucaquin ca judíos sacerdotenën cushicaman ꞌapun abë ꞌicë unicama cacëxa: —Nucën Papa Diosmi ca ꞌatimati banaxa. Mitsun camina Nucën Papa Dios ñuia, ꞌatimati banaia cuacan.

Hechos 14:14

Usaquian ꞌaisa tancëxunbi ꞌunani ca Pablobë Bernabé ratúacëxa. Ratuti atu nëbë́tsi cuanquin ca aín chupabi tucai munuma banaquin cacëxa:

Deuteronomio 32:29

Bana kuakë ꞌixun ka, atun kuatsianxa; ꞌianan ka uisai kara atux ꞌiti ꞌikë kixun unántsianxa.

Deuteronomio 32:39

ꞌËx kana asérabi Dios ira a ꞌain; usa ꞌain ka ꞌësaribi bëtsi Dioskama ꞌaíma ꞌikën. ꞌËn kana kamabi uni aín tsóti ꞌunanin, ꞌimainun kana anua ñuti nëtë aribi ꞌunanin; ꞌën kana uni ꞌaisama okin ꞌatima oxunbi aín ꞌatimakë a mëníoxunin. Uinu ꞌikë uníxbi ka ꞌëx kushiira ꞌain ꞌën ꞌatima okaskëx ënuax abáti ꞌaíma ꞌikën.

1 Samuel 2:6

Usa ꞌain ka Diosan uni tsónun ꞌimianan bamanun ꞌimia; ꞌimianan ka anu uni mainkënu ꞌimixunbi, anuabi uni baískimi tëkënia.