2 Reyes 5:25 - Kashibo-Kakataibo Biblia

²⁵ Usokin ꞌatankëx ka an ñu mëëxunkë uni Eliseonu kuankëxa kuankë ka ñukákëxa: —¿Uinuax kaina mix aín Guehazí? —Kixuan ñukákëxun ka ꞌëx kana uinubi kuankëma ꞌai —kixun Guehazínën kakëxa.

2 Reyes 5:25 ပူးပေါင်းရင်းမြစ်များ

2 Reyes 5:22

—Uisa ñubi ka ꞌikëma ꞌikë —kixun ka Guehazínën kakëxa—. ꞌAínbi ka ꞌën a ñu mëëxunkë uni an ësokin mi kanun ꞌë xuaxa, an Dios kikë bana ñuixunkë uni bëna rabë́ ka bëríbi Efraín menu ꞌikë bashi anuax uax bëbaxa, kixun mi kanun ka ꞌë xuaxa, usa ꞌain mi tres mil kuríki manë uxua ꞌakë ꞌimainun rabë́ ñusuti chupa a rabë́ ꞌinánun buánminun ka kiaxa.

Mateo 26:21

Bucubuxuan abëtan piia ca Jesusan cacëxa: —Asérabi cana ꞌën mitsu cain, micama achúshinën camina axa ꞌëmi nishcë unicama ꞌë ꞌinánuxun ꞌain.

Ezequiel 33:31

Usakin min kakëx ka ꞌën unikama utankëx atux ꞌikësabi min bana kuati mi bëtánain tsóbukanti ꞌikën. ꞌAínbi ka atun mix kikë bana tankin usakinbi ꞌatima ꞌikën. Usa ꞌixun ka mix kikë banakama a tania, ꞌaínbi ka a banakama uníxa xanu ñui katakësokinshi ꞌaia, usai ꞌianan ka atun ꞌitsaira kuríkishi kuëënia.

Génesis 16:8

anua mërakin ka ñukákëxa: —Agar, mix kamina Sarainën ñu mëëmikë aín, ¿uinuax kaina aín, ꞌimainun kaina uinu kuanin? —ꞌËx kana an ꞌë ñumëmikë xanu Sarai anuax abatin —kixun ka an kakëxa.

Génesis 4:9

Usokin ꞌakë ka Nukën ꞌIbun Caín ñukákin kakëxa: —¿Uinu kara min xukë́n Abel ꞌit? Kakëxunbi ka Caínën kakëxa: —Kana ꞌunániman. ¿ꞌËn karana ꞌën xukë́n nitsia bërúanti ꞌain?

Juan 13:2

ꞌUramacëbëtan ca ñunshin ꞌatimanën ꞌapun Judas Iscariote, Simonan bëchicë, a Jesús uni ꞌinánti sinánmiacëxa. Usoquian sinánmicë ꞌain ca a ñantan Jesusan aín ꞌunánmicë unicamabëtan piacëxa.

1 Samuel 10:14

Usaia bëbakë ꞌikë ka ain kukun an ñu mëëxunkë uni akëñunbi ñukákin kakëxa: —¿Uinu kaina kuankan? Kakëxun ka Saúlnën kakëxa: —Burro aín xanukama nëtë́kë bari kananuna kuan. ꞌAínbi kananuna mërákëbëma, Samuel isanan abë banakuatsini ain.