2 Reyes 5:23 - Kashibo-Kakataibo Biblia

²³ Kixuan kakëxun ka Naamánnën kakëxa: —Usama ka mi ꞌinámainun kamina seis mil kuríki manë uxua ꞌakë ënë timakima min biti ꞌain. Kixun kakin ka Naamánën ñusuti rabë́nu ꞌarukin chupa ió rabë́ aribi ꞌaruakëxa, ꞌarutankëxun ka aín uni rabë́ an Guehazín buánxuntanun kixun xuakëxa.

2 Reyes 5:23 ပူးပေါင်းရင်းမြစ်များ

Génesis 33:11

ꞌËn kana mi ꞌinaishiti ñukama bëkë ënëmi binun mi kain Nukën ꞌIbu Diosan ka ꞌitsaira ñuñuira ꞌinun ꞌë ꞌimiaxa, usa ꞌain kana ñuñumama ꞌain. Ësakian Jacobnën ꞌuran kakëxun ka Esaúnën an ꞌinánkë ñuinakama biakëxa.

2 Reyes 2:17

Usa ꞌaínbi ka ꞌurainra ubíokin kakëxun na baritanun a cincuenta unikama xuakëxa, xukëxun ka rabë́ ꞌimainun achúshi nëtë ꞌimikin Elías barikankëxa, barikinbi ka Elías atun mërama ꞌikën.

2 Reyes 5:16

ꞌAínbi ka Eliseonën kakëxa: —A ꞌën rabikë Dios an ismainunbi kana ꞌën mi kain, usa ꞌain kana min ꞌinánkaskë ñu a bitima ꞌain. Usakin Naamánnën karaishikëxunbi ka Eliseonën kana min ñu bitsima kixun kakëxa.

2 Reyes 5:5

Kuanxua ñuixunkëxun ka Sirianu ꞌikë ꞌapun kakëxa: —Asabi ka ꞌën kana mi xutin usa ꞌain kana achúshi kirika kuënëokë Israelnu ꞌikë ꞌapu buámiti ꞌain. Usokin kakëx ka Naamán kuankëxa. Kuankin ka treinta mil kuríki manë uxua ꞌakë bianan, seis mil kuríki kuri ꞌakë bianan mapai rabë́ chupa aribi anúan an bana ñuikë uni pëxkukëxun kupíoi kuanti akama biakëxa,

2 Reyes 6:3

Kakëxunbi ka atu achúshinën kakëxa —mixribi karamina nubë kuantima ꞌai kixun. Kakëxun ka —Asábi ka kana mitsubë kuanti ꞌai —kixun Eliseonën kakëxa.

Isaías 30:6

Bërí kana ñuinakama Négueb menu ꞌikë akama ñui kin: a mex ꞌatimaira ꞌain ka anu paru ꞌinúankama axa kuëëkë, ꞌimainun runukama ꞌianan kapë́sa ñuina taëñu axa nuánkë akama ꞌikën. Burro ꞌimainun camello kaxunu puruxun ka ñu kupíkë Egipto me anua upa unikama ꞌikë anu buánti ꞌikën,