2 Reyes 5:20 - Kashibo-Kakataibo Biblia

²⁰ Guehazí an Dios kikë bana ñuikë uni, Eliseo ñu mëëxunkë an sinánkëxa: “ꞌËn ñu mëëxunkë uni Eliseonën ka Naamán sirio uni an ñu bëxun ꞌinánkaskëxunbi añu ñubi bisamatanxa. Usa ꞌain kana Diosan ismainunbi ꞌishtuinshi nuibiani kuanxun, añu karana anua biti ꞌai isikuanti ꞌain.”

2 Reyes 5:20 ပူးပေါင်းရင်းမြစ်များ

1 Reyes 17:1

Aín bana unikama ñuixunua Diosan kaískë Elías, Tisbé kakë ëma Galaad, menua ꞌikë anu tsókë an ka ësokin Ahab kakëxa: “¡Diosan kuamainunbi kana ami sinánun mi kain, Israel unibunën Dios an kakësabiokin aín bana tankin ꞌën ñu ꞌaxunkë ax ka ꞌëx kikëbë ꞌibunux ka ënë barikaman ꞌuí ꞌibutíma ꞌimainun imë́bi nibí ꞌibutima ꞌikën!”

2 Reyes 13:19

Usakin ꞌaia anubi nirakëtia ka an Dios kikë bana ñuikë unin nishkin ꞌapu kakëxa: —Mapai achúshi okin ꞌanan achúshi okin me rishkixun kamina min sirio unikama kamabi këñukin ꞌatsían; ꞌaínbi kamina rabë́ ꞌimainun achúshi okinshi min atu ꞌanuxun ꞌain.

2 Reyes 4:12

anuxun ka aín ñu mëëmikë uni Guehazí a kakëxa: —Xubu ꞌibun xanu sunamita a kamina ꞌë kuënxunti ꞌain, kixuan kakëx kuanxun ka an ñu mëëxunkë uni an xubu ꞌibun xanu a kuëankëxa. Kuënkëx ka anua Eliseo ꞌikë anu kuankëxa, kuankëbëtan ka Eliseonën an ñu mëëxunkë uni a kakëxa:

2 Reyes 4:25

Usakin kabiani kuantankëx ka a xanu Carmelo kakë aín bashi anua an Dios kikë bana ñuixunkë uni ꞌikë anu nuküakëxa. Usaia kuania ka Eliseonën ꞌuranxunbi xanu a isakëxa, iskin ka an ñu mëëxunkë uni Guehazí a kakëxa: —Ka kuat, sunamita xanu bënuñu an ꞌain xubunu nu ꞌimikë aka aia.

2 Reyes 4:31

Usai banamainun ka Guehazí ax pain rëkuë́nkiani kuanx xanu aín xubunu bëbakëxa bëbaxun ka tuákën bëmánanu Eliseonën tatsi buánkë a nankëxa, ꞌaínbi ka tuá ax uisaibi ka uinakëtia kixun istisari ꞌiama ꞌikën; usokëxa uisaibi ꞌikëbëtama ka Guehazí na aia mërakin Eliseo ësokin kakëxa: —ꞌËn kana minmi usakin ꞌanun kakësabiokin tuá a ꞌan, ꞌaínbi ka shaikiananbi ubikëma ꞌikën.

2 Reyes 4:36

Usai ꞌikëbëtan ka Eliseonën Guehazí kakë uni a kuënxun kakëxa: —Xubu ꞌibu sunamita xanu akamina kuënti ꞌain. Kixun kakëxua Guehazínën kuënkëx ka xanu ax anu uakëxa, ukë ka Eliseonën xanu a kakëxa: —Min tuá ka baískiaxa kamina biti ꞌain.

2 Reyes 5:16

ꞌAínbi ka Eliseonën kakëxa: —A ꞌën rabikë Dios an ismainunbi kana ꞌën mi kain, usa ꞌain kana min ꞌinánkaskë ñu a bitima ꞌain. Usakin Naamánnën karaishikëxunbi ka Eliseonën kana min ñu bitsima kixun kakëxa.

2 Reyes 5:21

Kixun sinánbiani ka Guehazí Naamán kuankëbë a kaxú kuankëxa; kuania kaxú bësukin iskinbi mërai ka, caballonën nirinkë anuax ꞌibúkin ñukákëxa: —¿Uisa ñu ꞌatima kara inuax?

2 Reyes 6:31

Usakin ꞌai ka ꞌapu munuma kuënkëni kiakëxa: “¡Diosan ka Eliseo Safatnën bakë bëchikë a ënë nëtënbi aín maxká tëbískaiama ꞌaisamaira okin ꞌë tëmëramiti ꞌikën!”

Éxodo 20:17

Bëtsi unin xubu ꞌimainun anu ꞌikë aín ñukama kamina minan ꞌinun bisatantima ꞌain: usa ꞌixun kamina aín xanu an ñu mëëxunkë uni ꞌimainun an ñu ꞌaxunkë xanu aribi kuëëntima ꞌain, ꞌimainun kamina an ꞌarakakë ñuinakama, vaca ain asno akamaribi bisatantima ꞌain.

Éxodo 20:7

Min Dios ꞌikë min rabiti ꞌikë ꞌë sinanimabi kamina ꞌën anë ñui kitima ꞌain. Ax ꞌën anë ñui ꞌatimati banakë ax ka ꞌatima okë ꞌiti ꞌikën.

Habacuc 2:9

¡Uisa kupí kaina mëkamakë ñun mitsun aintsi ꞌibukama ñuñuira ꞌimikanin, usakin kamina mitsux ñu ꞌatima inuanan, tëmëraima isa ꞌinun kixun mitsun aintsi ꞌakanin!

Mateo 10:4

ꞌImainunribi ca Simón axa judíos unibun rabanan nëëti banacë, a ꞌimainun Judas Iscariote, an Jesús uni ꞌinan, a ꞌiacëxa.

Mateo 26:9

Anun ñuñuma uni ꞌaquinti ënë ro ꞌitsaira curíqui cupí maruti ca ꞌiaxa.

Lucas 12:15

Usaquin caxun ca anu ꞌicë unicama Jesusan cacëxa: —Ñu ꞌitsa ꞌain cana Nucën Papa Diosan iscëx upí ꞌianan upitax ꞌi cuëënti ꞌai quixun camina sinántima ꞌain. Usaquin sinanima camina ꞌitsa ñuñu ꞌiti sinánan uni itsin ñuribi cuëënti rabanan bërúancati ꞌain.

Lucas 16:8

Usaquin ca an a ñu mëëxuncë unin ꞌaxa quixun ꞌunánquin ca an a uni ñu mëëmicë unin sinánxa: An ꞌë ñu mëëxuncë unin ca uisai cara curíquiñuma ꞌaíshbi ꞌiti ꞌicë quixun sinánxun ñu ꞌaquin ꞌë paránti sinánxa quixun. Ësaquin catancëxun ca Jesusan cacëxa: —An ënë menushi upitax bucuti sináncë unin ca aín cuëëncësari ꞌiti upí oquin ꞌunania, Nucën Papa Diosmi sináncë unían ꞌacësamaira oquin.

Juan 13:2

ꞌUramacëbëtan ca ñunshin ꞌatimanën ꞌapun Judas Iscariote, Simonan bëchicë, a Jesús uni ꞌinánti sinánmiacëxa. Usoquian sinánmicë ꞌain ca a ñantan Jesusan aín ꞌunánmicë unicamabëtan piacëxa.

Juan 6:70

Cacëxun ca Jesusan cacëxa: —¿ꞌËn carana ꞌën ꞌunánmicë uni ꞌinun micama mëcën rabë́ ꞌimainun rabë́ caísama ꞌain? Usai ꞌinun caísa ꞌaíshbi camina micama achúshinëx ñunshin ꞌatimanën ꞌapun sinánmicë ꞌain.

Hechos 5:2

Bixunbi ca aín xanúan ꞌunáncëbi, naë cupí bicë curíqui mësú ainanbi ꞌinun nanan acamaishi isa biaxa quixun paránquin mësúishi buánxun Jesusan caíscë unicama ꞌináncëxa.

2 Timoteo 4:10

Demas ax ca ënë menu ꞌicë ñuishi ꞌaisamaira cuëëni, ꞌë ëbiani Tesalónica ëmanu cuanxa. Crescente axribi ca Galacia menu cuanxa. Cuanmainun ca Titoxribishi Dalmacia menu cuanxa.

Tito 1:7

Usa ꞌicëmi mitsun caíscë unicaman ca atun cushi ꞌixun aín unicama Nucën Papa Dios cuëëncësabi oquin bërúanti ꞌicën. Usa ꞌaish ca upí ñuishi ꞌai —ñu ꞌaisama ca ꞌaia —quixuan unin ñuicëma ꞌiti ꞌicën. ꞌIanan ca bëtsi uni ñuuma ca quixun sinánquin ashi ñu ꞌaxunun cacë ꞌitima ꞌicën. ꞌIanan ca bënëtishi masáquin sinani nishtima ꞌicën. ꞌIanan ca paë́ntima ꞌicën. ꞌIanan ca unibë mëëananti sinánñu ꞌitima ꞌicën. ꞌIanan ca curíquiñu ꞌinuxun uni paránti sinántima ꞌicën.

1 Pedro 5:2

Atun cushicama ꞌixun camina Nucën Papa Diosan unicama bana ñuixunquin, atúxa upí nuituñu ꞌaish chuámarua bucunun ꞌaquinti ꞌain. An carnero bërúancë unin aín carnero ꞌacësaribi oquin camina a unicama upía ꞌinun bërúanti ꞌain. Usoquinmi ꞌanúan mitsu unin caíscë cupíshima camina asérabi ꞌaisa tanquin ꞌati ꞌain. ꞌAnan camina curíqui biti sinánxuinshima minbi asérabi ꞌaquinsa tanquin ꞌati ꞌain.

1 Samuel 14:39

¡ꞌËx kana manutima okin sinánun an ira Israelkama ꞌikë nukama ië́mikë Nukën ꞌIbun kuamainunbi kin, ꞌën bakë bëchikë Jonatánnëx ꞌuchakë ꞌain ka ax ꞌakë ꞌiti ꞌikën! Ësai kia kuakin ka suntárukaman uisa bananbi káma ꞌikën;