2 Reyes 5:14 - Kashibo-Kakataibo Biblia

¹⁴ Ësokian kakëx kuanx ka Naamán mapai achúshi ꞌimainun rabëti Jordán kakë bakanu an Dios kikë bana ñuikë unin kakësabi oi nashi nanëakëxa. Usaía ꞌikëbëshi ka aín nami bërí kanikë unin nami iskësa upíira ꞌinun pëxküakëxa.

2 Reyes 5:14 ပူးပေါင်းရင်းမြစ်များ

1 Reyes 17:16

Usa ꞌain ka ñutënu ꞌaruxun nankë harina ꞌimainun xëni ñunu ꞌaruxun nankë ax këñuama ꞌikën, Diosan usai ka ꞌiti ꞌikë Elías kakësabi oi ka usai ꞌiakëxa.

2 Reyes 4:35

Usai ꞌikëbë nirui ka Eliseo anua ꞌuxkë anuax kuaínbëkini niakëxa; usai ꞌitankëx ka amiribishi anua ꞌuxkë anu ꞌirutëkënkin tuá ñukë a ꞌikútëkëankëxa. Usokin ꞌikúkëx uinakëti mapai achúshi ꞌimainun rabë́ oi kushikin uin bitsi ka bëpëkiakëxa.

2 Reyes 5:10

Usai anu kuankë ꞌaínbi ka Eliseonën ax kai chikikima an kati uni achúshi xuakëxa: “Xukëx kuanxun istankëxun ka a unin mapai achúshi ꞌimainun rabë́ oi kamina Jordán kakë bakanu nashiti ꞌain, usaími ꞌikëbë ka an nami chëkimikë min naminu ꞌikë ꞌinsin ax pëxkúti ꞌikë kixun kakëxa.”

Job 31:13

An ꞌë ñu mëëxunkë unikama ꞌimainun xanukamañu pain ꞌixun kana añu ꞌaxúnun kara ꞌë kaia, usakinbi ꞌaxuankën.

Éxodo 4:7

Usa ꞌain ka Diosan kakëxa: —Min mëkën kamina amiribishi min kutun mëu atsímitëkënti aín. Kakëxun ka Moisésnën amiribishi aín mëkën aín kutun mëu atsímitëkëankëxa, atsínmixun bitëkënkin iskëxbi ka aín mëkën aín namikama iskësabi ꞌaish upí ꞌiakëxa.

Lucas 4:27

ꞌImainun ca Eliseonëxribi an Nucën Papa Dios quicë bana unicama ñuixuncë ꞌiacëxa. Axa anu ꞌain ca an nami chëquímicë ꞌinsínñu uni ꞌitsa a nëtënu ꞌiacëxa. ꞌItsa ꞌaínbi ca Siria cacë menu ꞌicë uni achúshi, Naamán cacë, ashi Nucën Papa Diosan ꞌamicëxun Eliseonën aín nami upí ꞌitëcënun ꞌimiacëxa.

Lucas 5:13

Cacëxun aín mëcënan ramëquin ca Jesusan ꞌinsíncë uni cacëxa: —Cana mi ꞌati ꞌain. Min nami ca upí ꞌitëcëni motia. Usaquian cacëxëshi moti ca aín ñucë nëtë́acëxa.

Juan 2:5

Cacëxun ca aín titan an piti ꞌináncë unicama cacëxa: —ꞌËn tuacëan mitsu cacësabi oquin ca ꞌat.

Tito 2:14

Jesucristo ca ꞌitsianxmabi nu cupí bamacëxa, nun ꞌuchacama tërë́nxunquin Nucën Papa Diosbë upí ꞌinun ië́mianan nun sinan upí ꞌixúnu bëtsi ñu sinántëcënquinma ax cuëëncësabi oquinshi ꞌanun.

Josué 6:4

Usai ꞌikëbë ka mapai achúshi ꞌimainun rabë́ sacerdotekama atúnribi bunántisa okin ꞌakë, kurin ratakakakë anua Diosan bana kuënëokë ꞌarukë a buani kuankin achúshi achúshi unin a banoti ꞌakë carnero manchan, buámainun ka mapai achúshi ꞌimainun rabë́ nëtë sënë́nkëbë ëma ratanarati mapai achúshi ꞌimainun rabë́ oí kuainakëti ꞌikën, usaía ꞌimainun ka sacerdotekaman aín carnero manchan a banoti ꞌikën.