2 Reyes 5:13 - Kashibo-Kakataibo Biblia

¹³ ꞌAínbi ka an ñu mëëxunkë unikaman a ꞌurama okin kakëxa: —ꞌËn ꞌIbu, an Dios kikë bana ñuikë unían, ñu tëira ꞌanun kakëxun kaina, ¿min ꞌakë ꞌitsían? Usa ꞌain kamina an kakësabi oi nashi min ꞌinsínkëkama pëxkúti ꞌain.

2 Reyes 5:13 ပူးပေါင်းရင်းမြစ်များ

Génesis 41:43

Usakin aín ñukama pañumitankëxun ka anúan ax nikë caballonën nikinkë bëtsi a kaxu ꞌikë bëtsi anu José ꞌaruakëxa, ꞌarutankëx ka kiakëxa, bërí ka kamabi unix aín bëmánanuax sharati rantinpurunkin kamina anúan kuanti bai bëaratima ꞌain, usa ꞌain ka Josénëx kamabi Egiptonu ꞌikë unikaman ꞌapu ꞌiakëxa.

2 Reyes 13:14

Eliseo axa ꞌinsínkë ꞌaish ñutisa rakatan ka, Joás Israel unikaman ꞌapu ax a isi anu kuankëxa, kuanxun ka ꞌikúkin bitsi inkin kakëxa: —¡ꞌËn papa ꞌibusa ꞌikë kana mi nuibakin kain, mix kamina Israel suntárukamasamaira kushiira ꞌiakën ꞌia ꞌaíshbi kamina ësaira rakatan!

2 Reyes 2:12

Usai ꞌia isi ka Eliseo munuma kuënkëni kiakëxa: “¡Mix kamina ꞌën papasa ꞌianan Israelnën suntárukama kushiira usarabi ꞌian!” Usai kuania nëtëtia ka amiribishi Eliseonën Elías istëkëanma ꞌikën. Usa ꞌain ka aín pañukë tari a bikin masá nuitukin Eliseonën rabë́okin tukakëxa.

2 Reyes 5:10

Usai anu kuankë ꞌaínbi ka Eliseonën ax kai chikikima an kati uni achúshi xuakëxa: “Xukëx kuanxun istankëxun ka a unin mapai achúshi ꞌimainun rabë́ oi kamina Jordán kakë bakanu nashiti ꞌain, usaími ꞌikëbë ka an nami chëkimikë min naminu ꞌikë ꞌinsin ax pëxkúti ꞌikë kixun kakëxa.”

2 Reyes 5:3

A xanu xuntakunën ka a ñu mëëxunkë xanu kakëxa: —Min bënën kara Samarianu ꞌikë an Dios kikë bana uni ñuixunkë unin kara an nami chëkimikë aín ꞌinsín pëxkunun ꞌakintima ꞌikë ñukati kuantima ꞌikën.

2 Reyes 6:21

Usai anu sirionën suntárukama bëbakë iskin ka Israel unikaman ꞌapun Eliseo ñukákëxa: —¿Ënë unikama kamabi rëtënun ꞌën suntárukama ꞌamiti kara uisa ꞌiti ꞌik?

Salmos 51:2

¡ꞌËn ñu ꞌatima ꞌakë a kamina ꞌë mëníoxunti ꞌain! ¡ꞌAnan kamina ꞌëx ꞌuchakëkama a ꞌë tërënxunti ꞌain!

Salmos 51:7

ꞌËn ꞌuchakë ꞌë mënioxunkin hisopo kakë i pëñan anun ꞌakësa ꞌitánun ꞌë mëniokëx kana upíira bërúti ꞌain; usokin min ꞌë mëniokëx kana matsi uxua iskësamaira ꞌimainun xapu tunkikë usaribi ꞌinun ꞌën nuitu mëniokati upíira ꞌiti ꞌain.

Isaías 1:16

¡Mitsúnmi ꞌuchakin ꞌakë ñukama a ëni kamina mëníokakanti ꞌain! ¡Mitsúnmi ꞌakë ꞌatima ñukama a kamina, ꞌën istisabi okin ënti ꞌain! ¡ꞌAisama ñumi ꞌakankë akamina ënkanti ꞌain!

Malaquías 1:6

Ësokin ka Dios kamabi kushiñu an sacerdote unikama kaia: Aín bakë bëchikë bëbukaman ka aín papakaman kakëxun kuati ꞌikën, ꞌimainun ka an ñu mëmikë uni aín banakama an ñu mëëxunkë atúnribi kuati ꞌikën. Usaribiti kana ꞌëx mitsun papa ꞌain, ¿Uisa kupín kaina mitsun ꞌën kakëxun kuaisamatankanin? ꞌËx kana an mitsu ñumëmikë uni asa ꞌain, ¿uisa kupín kaina ꞌën kakësokin mitsun ꞌaisamatankanin? Mitsun kamina ꞌë istisama tankanin, usai ꞌibi kamina mitsux ësai kikanin: ¿Añu ꞌaxunkima karanuna mi timan?

Mateo 23:9

Uinu ꞌicë unibi camina ënë menua Nucën Papa caquin anëtima ꞌain, Nucën Papa Dios naínu ꞌicë, ax cuni ca asérabi mitsun Papa ꞌicë, usa ꞌain.

Juan 13:8

Cacëxun ca Pedronën cacëxa: —ꞌËx mi meuira ꞌicë camina uisa nëtë́nbi min ꞌë tachucatima ꞌain. Ësoquian cacëxun ca Jesusan catëcëancëxa: —ꞌËn mi chucacëma ꞌaish camina ꞌënan ꞌitima ꞌai —quixun.

Juan 9:7

bëshíquin ca cacëxa: —ꞌIan cha, Siloé cacë, anu cuanx ca anuax bëchucatan. Siloé quicë bana ax ca cuanun xucë qui quicë bana ꞌicën. Cacëxëshi cuanx bëchucacuatsini ca bëpë́xcüax uacëxa.

Hechos 22:16

Usaími ꞌinúan caíscë ꞌaish camina bënëtishi nirui min ꞌuchacama tërë́nun Nucën ꞌIbu Jesúsmi catamëti nashimicë ꞌiti ꞌain.

1 Corintios 1:21

Nucën Papa Diosan upí oquin sinánquin mëníosabi oi ca uni anbi aín sinanënbi sinani Nucën Papa Diosnan ꞌitima ꞌicën. Usa ꞌaínbi ca aín bana cuati ami catamëcë unicama ainan ꞌinun ꞌimia, raírinëxa —a bana ca ñancáishi ꞌicë —quicëbëtanbi.

1 Corintios 1:27

Nucën Papa Diosan ca unían sináncëxa ñu ꞌunánma unicama ainan ꞌinun caísaxa. Caísun anbi atu ꞌunánmia isi ca an ñu ꞌunáncë unicama ax rabinia. Usaribi oquin ca unin iscëxa cushima unibu Nucën Papa Diosan ainan ꞌinun caísaxa. Caísuan anbi atu sinánmicëbë ca unin iscëx cushi unicama ax —nun sináncësamaira oquin ca atun sinania —quixun ꞌunani rabinia.

1 Corintios 4:15

ꞌItsa unin Cristo ñuiquin mitsu ñuixununbi cana ꞌën pain Jesucristo mitsu ñuixuancën. ꞌËn ñuixuncëxun cuati camina ami catamëacën. Usa ꞌain cana ꞌëxëshi mitsun papasa ꞌain.

Tito 3:5

Usoquin ca nun ñu upí ꞌacë cupíma, nuibaquinshi nu ainan ꞌinun ië́miacëxa. Ië́miquin ca bacë́ntëcëncësa ꞌinun nun ꞌuchacama tërë́nquin aín Bëru Ñunshin Upitan nu bëtsi ocëxa.

Hebreos 10:22

A cupí nun ꞌuchacama tërë́ncë ꞌaish cananuna uisa ñu cara ꞌaisama ꞌicë quixunu ꞌunánquin mëníocë ꞌaish asérabi ax cuëëncësabi oi ꞌiisa tani Nucën Papa Diosbë banati ꞌain, an ca cuati ꞌicë quixun ꞌunani. Ax Nucën Papa Diosbë banai tabernáculo xubunu atsínux ca sacerdote aín ꞌucha tërë́ncë ꞌianan upiti nashi mëníocacëxa. Usaribiti cananuna Jesucristo cupí chucacësa ꞌaísha nun nuitu, nun sinan upí ꞌain Nucën Papa Diosbë banain.

1 Pedro 3:21

Nucën Papa Diosan sinánmicëxa Noé manë nuntinu ꞌiruax ië́asa, usaribiti cananuna nuxribi Nucën Papa Diosmi catamëti ꞌunpaxan nashimicë ꞌaish iëtin. Nun namia chuañuma ꞌinun cananuna nashimicë ꞌitima ꞌain. Usai ꞌíma cananuna —Jesucristo baísquia cupía Nucën Papa Diosan nu upí ꞌimicë ꞌaish cananuna nun ꞌuchacama tërë́nce ꞌaish an iscëx upí ꞌai —quixun sinani nashimicë ꞌain.

Apocalipsis 7:14

Cacëxun cana can: —ꞌËn cana ꞌunaniman. Min camina ꞌunanin. Cacëxun ca ꞌë caxa: —ꞌËnë unicaman ca ami sináncë cupí ꞌaisamaira tëmëraquinbi Nucën Papa Diosmi catamëti ëncëma ꞌicën. Atux ca Carnero ꞌicësaribitia unin ꞌucha cupí aín imi ꞌapati bama, ami catamëti aín ꞌuchacama tërë́ncë ꞌaish aín nuitu upí ꞌaish chucacësa ꞌicën, aín chupa uxuira axa chuañumasa ꞌinun.

1 Samuel 24:11

“Min ka upíokin is ꞌën ꞌapu añu karana tuian kixun kakëxa: Ënëx ka min pañukë tari aín kuëbí tukakin ꞌën bikë ꞌikën, ësokin ꞌakin kana mi ꞌakë ꞌitsían. Usa ꞌain kamina ꞌunánti ꞌain ꞌën kana mi uisabi oisamatan kixun, ꞌianan kana këmëxun mi ꞌati kuëënkëma ꞌain. ꞌAínbi kamina mix ꞌapu ꞌixunbi ꞌakatsi kixun ꞌë barin.

1 Samuel 28:23

Kaxúan ꞌinánkëxunbi ka Saúlnën piisama tankëxa, ꞌaínbi ka aín suntárunën kushikama ꞌimainun xanu anbi ubíokin urainra kakëxun kana piti ꞌai kixun kakëxa. Usakin kaíshi menuax nirui ka anua ꞌuxkënuax tsórakëakëxa.

1 Samuel 9:10

—Asabi ka kixun ka —Saúlnën kakëxa—. Anu kananuna kuanti ꞌain. Kanantankëx ka a rabëtabi anua an Dios kikë bana uni ñuixunkë uni ꞌikë ëma anu kuankëxa,