2 Reyes 4:8 - Kashibo-Kakataibo Biblia

⁸ Achúshi nëtën ka Eliseo Sunem kakë ëmanu kuankëxa, kuankë ka anuxun achúshi xanu unin uisokinbi kakëma an ain xubunuxun isa pikuanun kixun karaishiakëxa. Usa ꞌain ka Eliseonën a ëmanu kuankëtibi a xanun xubunuxun piakëxa.

2 Reyes 4:8 ပူးပေါင်းရင်းမြစ်များ

Génesis 19:3

Kixun kakëxunbi ka, Lotnën amiribishi katëkëankëxa usama ka kamina kuantima ꞌain usakian ꞌuran kakëxun ka a rabëtan aín xubunu abë kuanti sinánkëxa. Usakin kabiani kuantankëx aín xubunu nukuxun ka Lotnën piti ꞌitsa ꞌanan pánribi anun chamiti ñu këñuma ꞌaxun a isia kuankë unikama a pikiankëxa.

2 Samuel 19:32

Ax ka kaniakëkë ꞌaish, ochenta baritia ñu ꞌiakëxa, an ka ꞌapu David Mahanaim, kakë ëma anu tsotia kamabi aín piti ꞌakinkin ꞌinánkëxa, usa ꞌaish ka ax ñu ñuira uni ꞌiakëxa.

1 Reyes 1:3

Ësakin kaxun ka kamabi Israel me kamanua xanu upíira barixuankëxa, barikin ka achúshi xanu chipash Abisag kakin anëkë Sunem kakë ëmanua bibiankin a ꞌapunu buánkankëxa.

2 Reyes 4:18

Usakian ꞌain titan tuakëx ka a tuá kaniakëxa. Usai kani ka achúshi nëtën anua aín papa aín unikama ñu ꞌapákë bimikë naë anu kuankëxa,

Job 1:3

ꞌimainun ka ax siete mil ovejakama ꞌianan tres mil camello, ꞌimainun a ñu mëëmikë vaca bënë rabë́, rabë́ ax quinientas ꞌiakëxa, ꞌimainun ka burro aín xanu kamañuribi ꞌiakëxa. ꞌIanan ka an ñu mëëxunkë unikama ꞌimainun xanukama an ñu ꞌaxunkë kamañuribi ꞌiakëxa. Usa ꞌaish ka ax ñuñuira uni a menu ꞌiakëxa.

Proverbios 7:21

Usokin bana upitan kakëx, kuëënkin ka uni bëna kana ꞌati ꞌai kixun sinánbiani,

Mateo 25:17

Usaribi oquin ca an ꞌitsatani, rabë́ mil curíqui bicë uni an bëtsi rabë́ mil curíquiribi biaxa.

Lucas 1:15

Ax ca Nucën Papa Diosan iscëx uni itsisama ꞌiti ꞌicën. ꞌIanan ca an vino ꞌimainun ñu cachacë xëatima ꞌicën. Aín titaxa bacë́ncëma pain ꞌaíshbi ca Nucën Papa Diosan Bëru Ñunshin Upíñu ꞌiti ꞌicën, usabi ꞌinux.

Lucas 14:23

Usaquin cacëxun ca an a ñu mëëmicë unin caxa: Bai chacamanu cuanan a rapasu ꞌicë mecamanu cuanquin camina uisa uni caramina isi, a camabi pi unun quixun cati ꞌain, ꞌitsa unia ꞌën xubunu atsini buáquiti cana cuëënin.

Lucas 24:29

Isquin ca cacëxa: —Bari ca xupíbutia, ca baquishia, usa ꞌain camina nun xubunu nubë ꞌi cuanti ꞌain. Cacëx ca atubë cuanx aín xubunu ꞌi Jesús atsíancëxa.

Hechos 16:15

Sinánmicëx Jesucristomi catamëti ca Lidia, aín xubunu ꞌicëcamabë, nashimicë ꞌiacëxa. Nashimicë ꞌixun ca nu cacëxa: —Mitsun, ꞌëx cana asérabi Jesucristonan ꞌain quixun sinani camina ꞌën xubunu ꞌiti ꞌain. Usaquin nu caía nux anu ꞌiti cuëëncëbë cananuna anu ꞌiacën.

1 Samuel 28:4

Usa ꞌain ka filisteo unikama timëkiani kuanx Sunem kakë anu atun ꞌiti ꞌax anu ꞌikankëxa, ꞌimainun ka Saúlnëxribi aín suntárukama timëbiani kuanx Guilboa kakë anu atúxribi timë́akëxa.