2 Reyes 4:32 - Kashibo-Kakataibo Biblia

³² Usakian kakëx xubunu atsínkin Eliseonën iskëxbi ka tuá ñukë anua ax ꞌuxkë anu rakankë ꞌiakëxa.

2 Reyes 4:32 ပူးပေါင်းရင်းမြစ်များ

1 Reyes 17:17

Usai ꞌia ꞌitsa nëtë inúkëbë ka raëmëkë xanu aín tuá ꞌinsínan kushiira uin bitsi ꞌinsínkë ꞌiakëxa.

2 Reyes 4:21

Usai ꞌia aín titan tuá anua an Dios kikë bana ñuikë ꞌuxkënu buánxun rakankëxa, rakanbëtsini chikíkin ka aín xëputi upíokin xëpúakëxa.

2 Reyes 4:31

Usai banamainun ka Guehazí ax pain rëkuë́nkiani kuanx xanu aín xubunu bëbakëxa bëbaxun ka tuákën bëmánanu Eliseonën tatsi buánkë a nankëxa, ꞌaínbi ka tuá ax uisaibi ka uinakëtia kixun istisari ꞌiama ꞌikën; usokëxa uisaibi ꞌikëbëtama ka Guehazí na aia mërakin Eliseo ësokin kakëxa: —ꞌËn kana minmi usakin ꞌanun kakësabiokin tuá a ꞌan, ꞌaínbi ka shaikiananbi ubikëma ꞌikën.

2 Reyes 4:33

Usa ꞌain ka anu atsínkin anua ꞌuxkë a xëpúax Eliseo Diosbë banakëxa. Usa ꞌain ka tuá ñukë a ꞌimainun Eliseo ashi anua ꞌuxkë ꞌukëmëu anu ꞌiakëxa.

Juan 11:17

Usai quiquiani cuani bëbaquinshi ca Jesusan, matá tëmú naëcënu mëníoëxancë ꞌaish Lázaro rabë́ ꞌimainun rabë́ nëtë ꞌicë ocëxa.