2 Reyes 4:23 - Kashibo-Kakataibo Biblia

²³ —¿Uisa kupín kaina bëríbi abë banai kuankatsi kin? —kixun ka aín bënën kakëxa—. Bërí ka ꞌuxë ió ꞌianan anun tantiti sábado nëtëma ꞌikën. —ꞌËn kana uisai karana ꞌiti ꞌai a ꞌunanin usa ꞌain kamina ꞌëmi ꞌitsaira sinántima ꞌain kixun ka —aín xanun kakëxa.

2 Reyes 4:23 ပူးပေါင်းရင်းမြစ်များ

2 Reyes 4:22

Xëpúxun ka aín bënë kamiakëxa, kamikëx aia ka ain bënë kakëxa: —Abë kuanxun an Dios kikë bana ñuixunkë a uni istánun kamina an mi ñu mëëxunkë uni achúshi ꞌëbëa kuanun xuanan achúshi burro ꞌë inánti ꞌain. Abë bana kuatsini kana amiribishi utëkënti ꞌain.

2 Reyes 4:24

Usokin aín bënë katankëxun ka xanun an ñu mëmikë uni burro mëníonun ꞌamiakëxa. ꞌAmikëxuan mëníokë ka kakëxa: —Kananuna kuani usa ꞌain kamina minpan rëkuë́nkiani nirakëtima ꞌën mi kakëx mi nirakënun kuanshiti ꞌain.

Amós 8:5

Mitsux kamina ësai kikanin: “¿Uínsaran kara nun trigo marunun ꞌuxë ió ꞌikëbëtan fiesta ꞌati nëtë ax inuti ꞌik? ¿Uínsaran kara anun ñu mëëtima nëtë sábado ax anun nun trigo bimi kupíira marukinbi anun tupúnti anun tupunkinbi mëkamanun a nëtë inuti ꞌik?

1 Samuel 20:5

Kakëxun ka Davidtan kakëxa: —Ka kuat, imë́ishi ka ꞌuxë ió ꞌikëbëtan fiesta ꞌaia, usa ꞌain kana ꞌapubëtan pinux anu ꞌiti ꞌain. Usa ꞌaínbi kana ꞌëx anu ꞌitima ꞌain, kamina imë́ishi ꞌibaitia pë́karakë a xupibutamainun unë́tanun ꞌë xuti aín,