2 Reyes 4:20 - Kashibo-Kakataibo Biblia

²⁰ Usokian kakëxun ka an ñu mëëxunkë uni an aín titanu buánkëxa, buánxunkëxun ka aín titan bari xamarutamainun makaxun tsókiankëxa. Tsókinkëxi ka a tuá ñuakëxa.

2 Reyes 4:20 ပူးပေါင်းရင်းမြစ်များ

Génesis 22:2

Ësokian kakëxun ka Nukën ꞌIbu Diosan kakëxa: —Min bëchikë Isaac, ami asérabi nuibairakë, a buani kamina kuanti ꞌain matán me Moria kakë anu. Buánxun kamina anu bëbakin, min bëchikë ꞌatankëxun ꞌë rabikin ñuina ꞌakësaribi okin xaroti ꞌain, ꞌën mi uinu ꞌikë matánuxun kaina ꞌati ꞌai kixun ismimainun.

Génesis 37:3

Usa ꞌain ka Jacobnën aín bëchikë José ꞌitsaira nuibakin kuëëankëxa, aín xukë́nkama ꞌakësamaira okin, ax kaniakëkë ꞌixun bëchikë kupin ka usakin ꞌakëxa, usa ꞌikë ka aín tari achúshi upíira upíokin kuënëokin ꞌaxun ꞌinánkëxa, usakian aín papan ꞌakëx ka ꞌitsaira kuëëankëxa.

Génesis 37:5

Usakin aín xukë́nkaman ꞌakëxun ka Josénën achúshi ñantan namákëxa, namáxun ka aín xukënkama ñuixuankëxa ñuixunkëxbi ka atiaira xuamati ami nishakëxa,

1 Reyes 17:17

Usai ꞌia ꞌitsa nëtë inúkëbë ka raëmëkë xanu aín tuá ꞌinsínan kushiira uin bitsi ꞌinsínkë ꞌiakëxa.

2 Reyes 4:19

kuanxbi ka ꞌain maxkátan paëokëx munuma kuënkëni kiakëxa: —¡Uisakaskin kara maxkátan ꞌë paëoia! ¡ꞌËn maxkátan ka ꞌë paëoia! Usai kia kuakin ka aín papan an ñu mëmikë uni achúshi kakëxa: —Ënë tuá kamina aín titanubi buánti ꞌain.

2 Reyes 4:21

Usai ꞌia aín titan tuá anua an Dios kikë bana ñuikë ꞌuxkënu buánxun rakankëxa, rakanbëtsini chikíkin ka aín xëputi upíokin xëpúakëxa.

Isaías 49:15

ꞌAínbi kara ¿achúshi titan aín tuá ꞌibubi nuibakë ꞌixunbi ënti ꞌik? ꞌAisatankin ka xanun aín tuá manuti ꞌikën, ꞌaínbi kana ꞌën mitsu uínsaranbi manutima ꞌain.

Lucas 2:35

Usai ꞌia isquin ca an uisoquin cara aín nuitu mëu sinania quixun Nucën Papa Dios ꞌimainun unicamanribi ꞌunánti ꞌicën. Usaía ꞌimainun camina mixribi, María, a sinánxuni masá nuituirati ꞌain. Usaquin ca Simeonën María cacëxa.

Lucas 7:12

Cuanx Naín ëmanu bëbaquin ca uni bamacëa, chupan rabúncë, bacë́tinën buáncania isacëxa. A unin titax ca tuá itsiñuma ꞌianan casunamëcë xanu ꞌiacëxa. Abë ca ꞌaisamaira uni Naín ëmanuax a catícabiani cuancëxa.

Juan 11:14

Usai quia ca Jesusan atúan upí oquin ꞌunánun cacëxa: —Lázaro ca bamaxa, ca ꞌaíma ꞌicën.

Juan 11:3

Usa ꞌixun ca aín chirabacë rabëtan —axa mibë nuibanancë uni ca ꞌinsíanxa —quixuan Jesús catánun uni xuacëxa.

Juan 11:5

Usa ꞌain ca —Lázaro ca ꞌinsíanxa —quixun ñuia cuaxbi Jesús, ax Marta, María, Lázaro acama nuibacë ꞌaíshbi, anua unin usaquin cacë ëma, anu rabë́ nëtën pain ꞌiacëxa.