2 Reyes 4:14 - Kashibo-Kakataibo Biblia

¹⁴ Usai ki chikíkiania kuankëbëtan ka an ñu mëmikë uni kakëxa, —¿Usaía ꞌia karanuna nunribi uisaxun a xanu ꞌakinti ꞌain? —ꞌËnribi kana uisakin karanuna ꞌakinti ꞌai —ꞌunanima kixun ka Guehazínën kakëxa—. A xanux ka tuáñuma ꞌimainun aín bënë kaniakëkë ꞌikën.

2 Reyes 4:14 ပူးပေါင်းရင်းမြစ်များ

Génesis 17:17

Usakian Nukën ꞌIbu Diosan kakëx ka Abraham rantipuruni memi bëtiki tsóbuti, ësokin sinani kuaiakëxa: ¿Achúshi unin kara cien baritiañu ꞌixun bëchiti ꞌik? ¿ꞌImainun kara Saran noventa baritiañu ꞌixun achúshi tuá ꞌati ꞌik? Ësakin ka Abrahamnën sinánkëxa.

Génesis 25:21

Usa ꞌain ka Rebeca tuakëma xanu ꞌiakëxa, usa ꞌain Isaac an ami bëchikaskin ꞌain xanu ꞌitsaira ñukáxuankëxa. Usakian ñukákëxun ka Nukën ꞌIbun an ñukákë a kuakin Rebeca tuuñu ꞌinun ꞌimiakëxa.

Génesis 30:1

Usa ꞌain ka Raquel ax ꞌën kana Jacob tuá xunima kixun sinani aín xukë́n Líami ꞌitsaira nishakëxa, nishkin ka aín bënë kakëxa: —ꞌËmiribi kamina bëchiti ꞌain, min ꞌëmi bëchikëmax kana ñuti ꞌain.

2 Reyes 4:13

—Ënë xanu kamina an ka nu ꞌitsaira ꞌakinia usa ꞌain kananuna añu karana nunribi ꞌaxúnti ꞌai kixun ñukáti ꞌain; axa kuëënkëbëtan kananuna anun në́kin ꞌapu kanan suntárunën kushikamaribi nun kaxunti ka asábi ꞌiti ꞌikën. Kixuan kakëbi ka xanu. —ꞌËx kana ꞌën aintsikamabëbi asábi ꞌain —kakëxa kabiani ka anuax chikikiankëxa.

2 Reyes 4:15

—Xanu akamina ënua unun ꞌë kuënxuntëkënti ꞌain —kixun ka Eliseonën an ñu mëëxunkë uni kakëxa—. Kakëx kuanxuan an ñu mëëmikë uni an kakëx kuanxi ka xanu ax anua Eliseo ꞌikë aín xëkuënushi bërúakëxa.

Lucas 1:7

Usa ꞌain ca Elisabet tuáñuma xanu ꞌianan a rabëtaxbi xëniira ꞌiacëxa.

Jueces 13:2

Sorá kakë ëma anua Dannën rëbúnkinën me ꞌikë anu ka achúshi uni Manoa kakë ꞌiakëxa. Aín xanu ax ka uínsaranbi tuama ꞌiakëxa.

1 Samuel 1:2

Elcaná ax ka rabë́ xanuñu ꞌiakëxa. Bëtsíxa Ana kakin anëkë ꞌimainun ka bëtsiribi Peniná kakin anëkë ꞌiakëxa. Usa ꞌain ka Peniná kakë an tuamainun Ana kakë ax tuakëma xanu ꞌiakëxa.

1 Samuel 1:8

Usai ꞌia iskin ka aín bënë Elcanánën kakëxa: Ana, ¿uisa kupín kaina inin? ¿uisa kupín kaina masá nuitukin piisamatanin? ¿ꞌËx karana mapai rabë́ bakë tuá bëbu kamasamaira minan ꞌain?