2 Reyes 4:13 - Kashibo-Kakataibo Biblia

¹³ —Ënë xanu kamina an ka nu ꞌitsaira ꞌakinia usa ꞌain kananuna añu karana nunribi ꞌaxúnti ꞌai kixun ñukáti ꞌain; axa kuëënkëbëtan kananuna anun në́kin ꞌapu kanan suntárunën kushikamaribi nun kaxunti ka asábi ꞌiti ꞌikën. Kixuan kakëbi ka xanu. —ꞌËx kana ꞌën aintsikamabëbi asábi ꞌain —kakëxa kabiani ka anuax chikikiankëxa.

2 Reyes 4:13 ပူးပေါင်းရင်းမြစ်များ

Génesis 14:24

ꞌËn kana añu ñubi ꞌënan ꞌiti bitsiman, usa ꞌain ka ꞌëx abë kuankë unikama atun pikë ax kuni ꞌásabi ꞌiti ꞌikën. Usa ꞌain ka ax ꞌëbë kuankë unikama Aner, Escol ꞌimainun Manré, akaman ainan ꞌinun ñu biti ꞌikën, ësakin ka Abramnën Sodomanu ꞌikë ꞌapu kakëxa.

2 Samuel 19:13

Kanan ka Amasá aribi ësokin katánun kakëxa: “Mix kamina ꞌën ꞌaintsi ꞌIbu ꞌain, usa ꞌaish kamina bërí ꞌën suntárukaman kushi ꞌiti ꞌain, mix ꞌimainun ka Joab ax chikíkë ꞌiti ꞌikë kixun ka kamiakëxa. ꞌËn mi kakësokin ꞌaiama ka Diosan uisakin kara ꞌaisa tania usakin ꞌë ꞌatimoti ꞌikën.”

2 Reyes 4:12

anuxun ka aín ñu mëëmikë uni Guehazí a kakëxa: —Xubu ꞌibun xanu sunamita a kamina ꞌë kuënxunti ꞌain, kixuan kakëx kuanxun ka an ñu mëëxunkë uni an xubu ꞌibun xanu a kuëankëxa. Kuënkëx ka anua Eliseo ꞌikë anu kuankëxa, kuankëbëtan ka Eliseonën an ñu mëëxunkë uni a kakëxa:

2 Reyes 4:14

Usai ki chikíkiania kuankëbëtan ka an ñu mëmikë uni kakëxa, —¿Usaía ꞌia karanuna nunribi uisaxun a xanu ꞌakinti ꞌain? —ꞌËnribi kana uisakin karanuna ꞌakinti ꞌai —ꞌunanima kixun ka Guehazínën kakëxa—. A xanux ka tuáñuma ꞌimainun aín bënë kaniakëkë ꞌikën.

Salmos 37:3

Nukën ꞌIbumi katamëkin kamina upí ñuishi ꞌati ꞌain, usai ꞌi kamina ënë menu tsóti Dios kuëënkësabi oi ꞌiti ꞌain.

Romanos 16:2

Usa ꞌicë camina mitsúxmi Nucën ꞌIbu Jesucristonan ꞌaish bëtsibë bëtsibë ꞌaquianancësabi oquin Feberibi upí oquin bixun ax cuëëncësabi oquin ꞌaquinti ꞌain, an ꞌitsa xanu ꞌaquianan ꞌëribi ꞌaquincë cupí.

Romanos 16:6

María an mitsu ꞌitsa oquin ꞌaquincë, aribi camina bërúanxa ꞌinu ꞌë caxunti ꞌain.

Hebreos 13:5

ꞌAisamaira curíquiñu ꞌiti camina sinántima ꞌain. Nucën Papa Diosan “ꞌËn cana mi ꞌaquinquin ëntima ꞌai” quixun cacë a sinani camina mitsux ꞌaisamaira ñuñuma ꞌaíshbi masá nuituti bënëtima cuëënti ꞌain.

Hebreos 6:10

Nucën Papa Dios, an ca aín sinan upí ꞌixun, mitsúnmi aín unicama nuibaquin upiti bucunun ꞌaquianan bëríribi usoquin mitsun ꞌaia, manuquinma sinania.