2 Reyes 4:12 - Kashibo-Kakataibo Biblia

¹² anuxun ka aín ñu mëëmikë uni Guehazí a kakëxa: —Xubu ꞌibun xanu sunamita a kamina ꞌë kuënxunti ꞌain, kixuan kakëx kuanxun ka an ñu mëëxunkë uni an xubu ꞌibun xanu a kuëankëxa. Kuënkëx ka anua Eliseo ꞌikë anu kuankëxa, kuankëbëtan ka Eliseonën an ñu mëëxunkë uni a kakëxa:

2 Reyes 4:12 ပူးပေါင်းရင်းမြစ်များ

1 Reyes 18:43

ꞌikin ka an ñu mëëxunkë uni kakëxa: —Parúmpapami bësukin kamina isti ꞌain. Kakëx kuanxun isëtsini ukin ka kakëxa: —Añu ñubi ka ꞌën iskëx ꞌaíma ꞌiaxa. ꞌAínbi ka Elíasnën kakëxa: —Mapai achúshi ꞌimainun rabë́okin kamina kuanx kuanx ukin isti ꞌain.

1 Reyes 19:3

Usakian kamikëxun a bana kuati ꞌitsaira rakuë́ti ka Elías ënu kana ꞌitima ꞌai kixun sinani aín uni achúshibë Beerseba kakë ëma Judá menua ꞌikë anu abati kuankëxa, kuanx anu bëbaxun ka abëa kuankë aín uni anu ëankëxa.

2 Reyes 4:11

Usokian ꞌan ka achúshi nëtën Eliseo a xanua aín xubunu mëníoxunkë anu ꞌuxi bërúakëxa,

2 Reyes 4:13

—Ënë xanu kamina an ka nu ꞌitsaira ꞌakinia usa ꞌain kananuna añu karana nunribi ꞌaxúnti ꞌai kixun ñukáti ꞌain; axa kuëënkëbëtan kananuna anun në́kin ꞌapu kanan suntárunën kushikamaribi nun kaxunti ka asábi ꞌiti ꞌikën. Kixuan kakëbi ka xanu. —ꞌËx kana ꞌën aintsikamabëbi asábi ꞌain —kakëxa kabiani ka anuax chikikiankëxa.

Hechos 13:5

Chiprenu ꞌicë ëma Salamina anu bëbatancëxun ca anu judíos unicama timë́cë xubucamanuxun Jesucristo ñuiquin Nucën Papa Diosan bana unicama ñuixuancëxa. Bana ñuixunia ca Juanënribi ꞌaquiancëxa.