2 Reyes 25:3 - Kashibo-Kakataibo Biblia

³ Usokin bëararatankëxa Babilonianu ꞌikë suntárukamax basipain anu ꞌikëbë ka a piti këñuakëxa, usai ꞌikëbëa bari rabë́ ꞌimainun rabë́ ꞌuxë ꞌirukë anun nueve nëtë ꞌikëbë ka anun a piti ñu këñuakëxa usa ꞌain ka numi chaiira a ëmanu ꞌiakëxa.

2 Reyes 25:3 ပူးပေါင်းရင်းမြစ်များ

Jeremías 52:6

Usai ꞌikë ꞌain ka rabë́ ꞌimainun rabë́ ꞌuxë ꞌirukëbë nueve nëtë ꞌikë anun Babilonianu ꞌikë suntárukamax basipain ꞌikëbë anun a piti ñukama këñuakëxa, usai ꞌikëbëa a piti ñu ꞌaimaira ꞌain ka uni numin ꞌitsaira a ëmanuax ꞌikankëxa.

Jeremías 38:2

“Nukën ꞌIbu Dios ka ësai kiaxa: Uix kara ënë ëmanu bërútia atux ka ꞌakanani ꞌianan numin ꞌiananbi ꞌinsinan ꞌi këñuti ꞌikën. ꞌAínbi ka uikamax kara Babilonio unikamanu chikiti ꞌinamëtia akamax kuni bamatima ꞌikën.

Jeremías 37:21

Usa ꞌain ka ꞌapu Sedequíasnën ꞌain suntárukama anua atux ꞌikë me mëníokë anua Jeremías ꞌiminun kixun kakëxa, usakin ꞌakë ꞌikë ka kamabi nëtën pán ëmanua bixun uanxuankëxa. Usakin ka a ëmanua ꞌikë bai anuxun pán ꞌakë kakin anëkë anua bixun ꞌinánkëxa. Usakin ka a ëmanua pán këñutisama pain ꞌain kamabi nëtën achúshi pánra ꞌinánkëxa, usai ꞌika Jeremías anua ëmanu ꞌikë suntárukama ꞌikë me mëníokë anu bërúakëxa.

2 Reyes 6:24

Usai ꞌikë basikëbëtan ka, Ben-hadad Sirianu ꞌikë ꞌapu an aín suntárukama timëakëxa, timëbiani atubë kuanxun ka Samaria kakë ëma ꞌati sinánxun bëararákëxa.

2 Reyes 6:25

Usakin ꞌan ka Samaria ëma xëkuë anun kuainti ꞌaíma ꞌinun upíokin xëpukë ꞌain numin ꞌitsaira ꞌikankëxa, usa ꞌain ka a piti këñúkëbëtan achúshi burro maxká ochenta kuríki manë ꞌakë sënën aín kupí ꞌiakëxa, ꞌianan ka ñumakuru pui achúshi litro chukúma ꞌinun bikë ax, mapai achúshi kuríki manë ꞌakë sënën kupíakëxa.

2 Reyes 25:2

Usokin ëma bëararakë ꞌain ka Sedequías mapai rabë́ ꞌimainun achúshi bari anun ꞌapu ꞌikë ꞌiruakëxa.

Jeremías 19:9

ꞌAnan kana axa aminishkë unikama atun ëma bëarabuinkë ꞌaia, panankin a piti ꞌaíma ꞌain bënë́kin unikaman atun bakë bëchikë bëbukama ꞌimainun ꞌini bëchikëkamaribi piti ꞌikën, ꞌimainun ka unínribi uni itsi piti ꞌikën kixun kakëxa.