2 Reyes 2:9 - Kashibo-Kakataibo Biblia

⁹ Usai anu sikátankëx kuankin ka Elíasnën Eliseo kakëxa: —Añu karana mibë ënanaxun mi ꞌaxúnti ꞌai kamina ꞌë kati ꞌain. Kakëxun ka Eliseonën kakëxa: —ꞌËxribi an bana ñuikë uni misaribi ꞌi atun kushi ꞌinun kamina ꞌë upíokin sinánxunti ꞌain.

2 Reyes 2:9 ပူးပေါင်းရင်းမြစ်များ

1 Reyes 19:16

ꞌimainun kamina Jehú kakë uni Israel Nimsí aín xuta aribi Israel unikaman ꞌapu ꞌinun anëti ꞌain; ꞌanan kamina mix chikímainua an ꞌëx kikë bana uni ñuixunun Eliseo Safatnën bëchikë, Abel-meholá ëmanua ꞌikë aribi anëti ꞌain.

1 Reyes 3:9

Usa ꞌain kamina upíokin sinánkin atun ꞌapu ꞌixun min kaisa unikama ꞌakinun ꞌë sinánmiti ꞌain, sinánmianan kamina uisa ñu kara upí ꞌikë, uisa ñux kara ꞌatima ꞌikë akamabi ꞌunánun ꞌë ꞌakinti ꞌain; usakin min ꞌakëbëma kara, ¿min unikama an tupuntisamaira ꞌinun ꞌaisamairai ꞌuakamë ꞌëokë ꞌain uix atun ꞌapu ꞌiisa uni ꞌik?”

Salmos 72:1

¡ꞌËn ꞌIbu Dios, axa ꞌapu ꞌiti uni ënë kamina, min ꞌakësarabi okin upíokin ñu ꞌanun ꞌamiti ꞌain,

Salmos 72:20

Ënushi ka David Jesénën bakë bëchikë axa Diosbë bana ënë sënënia.

Zacarías 9:12

¡Ñatanbiankin uan mitsun kamina ꞌën ꞌakinti kainin! ¡Usa ꞌain kamina amiribishi Jerusalénnu kuantëkënti ꞌain! ꞌËn kana mitsu kain, anuxun kana tëmëraimi bamai këñúkan usamaira ꞌimi ꞌuakamë ꞌëotëkënun ꞌimiti ꞌain.

Números 11:17

Anu ubútankëx kana ꞌëx mibë anuax banati ꞌain, ꞌimainun kana mi ꞌinánkë ꞌën kushi usaribi atu ꞌinánti ꞌain, ꞌinánkëxun ka atúnribi ënë unikama buánti isti mi ꞌakinti ꞌikën. Usa ꞌain kamina atun ꞌakinkëx mixi nuibakatima ꞌain.

Números 11:25

Usai kuin nëbë́tsin ubuax ka Nukën ꞌIbu Moisésbë banakëxa; banatankëxun ka Moisés ꞌinánkë aín kushi chukúmashi bitankëxun setenta unikama aturibi aín kushi chukumashiñu ꞌinun ꞌimiakëxa. Usakian ain kushi ꞌinánkëxun an Dios kikë bana uni ñuixunkë kamasa ꞌixun bana ñuixuankëxa; ꞌaínbi ka amiribishi usai ꞌitëkëanma ꞌikën.

Juan 16:7

Usai ꞌiabi cana asérabi mitsu cain, upitaxmi ꞌë cupí ꞌicanun cana ꞌëx cuanin. ꞌËx cuancëbëma ca an uni ꞌaquinti, Nucën Papa Diosan Bëru Ñunshin Upí, ax mitsubë ꞌi utima ꞌicën. Usa ꞌaínbi cana ꞌëx cuanquin a xuti ꞌain.

Hechos 1:8

Usa ꞌaínbi camina Nucën Papa Diosan Bëru Ñumshin Upí mitsunu ucëbë aín cushiñu ꞌicanti ꞌain. Aín cushiñu ꞌixun camina mitsun ꞌën bana unicama ñuixunti ꞌain, Jerusalén ëmanu, Judea mecamanu, ꞌimainun Samaria menu, ꞌimainun camabi menu cuanquin.

Hechos 8:17

Ñucáxunquian Pedrobëtan Juanën aín mëcënan ramëcëx ca atux Nucën Papa Diosan Bëru Ñunshin Upíñu ꞌicancëxa.

1 Corintios 12:31

Camabi ñu ꞌaquinmabi camina añu ꞌaquin caramina camabi unia Jesucristomi upiti sinánun ꞌaquinti ꞌai, a ñumi ꞌanúan mi ꞌaquinun Nucën Papa Dios ñucáti ꞌain. A ñucamami upí oquin ꞌaiabi cana mitsu ꞌunánmiti ꞌain, bëtsi ñu upíirami ꞌanun.

Deuteronomio 34:9

ꞌImainun ka Diosan Moisés kakësabi oi Nunnën bëchikë Josué a ain maxkánu aín mëkën nankin Moisésnën aín sinan ꞌinánkë ꞌiakëxa. Usa ꞌikë ka Israel unibunën aín bana kuakin Moisés Nukën ꞌIbun kásabiokin Israel unikaman Josuénën bana tankëxa.

1 Timoteo 5:17

Aín cushían upí oquin ꞌaquincëxun ca axa Jesucristomi catamëcë unicaman ami sinánquin nuibaquin aín bana cuati ꞌicën. Usa ꞌixun ca bëtsi ꞌacësamaira oquin an bana ñuixuanan upí oquin ꞌunánmicë, ami sinánquin nuibanan upíira oquin aín bana cuati ꞌicën.