2 Reyes 2:8 - Kashibo-Kakataibo Biblia

⁸ Usai anu bëbaxun ka Elíasnën aín tari bikin tarankin anun baka rishkiakëxa, rishkikëxa baka panárabëti ë́ski me rakakëbë ka anun a rabëtax ꞌukëmanan sikákëxa.

2 Reyes 2:8 ပူးပေါင်းရင်းမြစ်များ

1 Reyes 19:13

Usai ꞌia kuati ka Elías aín pañukë tari anunbi bëmápukukiani kuanx, anua ꞌuxkë kini aín xëkuë anu nirakëakëxa. Anu nixunbi ka achúshitia ësai Dios kia kuakëxa. ¿Añu kaina ënuxun ꞌain Elías?

1 Reyes 19:19

Usa ꞌain ka Elías anu uni ꞌikëma me anuax kuantankëx anua Safatnën bakë bëchikë Eliseo an aín vaca bënëkama mapai rabë́ ꞌimainun rabë́ a manë paránën me tukamikë anu bëbakëxa, anuxun iskëxunbi ka aín unikaman ꞌamainun Eliseonënribi atu kaxú tsiánkiankin rabë́ vaca bënë me tukamiakëxa. Usakian ꞌakëbë a ꞌurama okinshi ka Elíasnën aín tarin Eliseo mapuakëxa.

2 Reyes 2:14

Nirakëkin tari tarankë anun baka rishki ka munuma kuënkëni kiakëxa: “¿Uinu kara Elíasnëa rabia Dios ꞌik, an kara a ꞌaxuansa okin ꞌëribi ꞌaxúntima ꞌik?” Ësai kikin baka rishkikëbëishi ka amo rabë́bi baka bërúti nirakëakëxa, usai ꞌikëbë ka Eliseo anun sikátëkëankëxa.

Éxodo 14:29

Usai ꞌikëbëbi ka israel unikama anun kuanun parúmpapa tëarabëti me ꞌinun ëskikë anun sikarakëakëxa usai ꞌi ka ꞌumpax kuëtú ꞌikësai amorabë́ chairui bëtsi mëmiu ꞌimainun bëtsi mëkëu ꞌiakëxa.

Hebreos 11:29

Egipto menuax cuani ca judíos unicama —Nucën Papa Diosan ca ax quicësabi oquin nu ꞌaquinia —quixun sinani parúnpapa Xonsa cacë, a nëbë́tsi me racácëbë sicaracëacëxa, me ësquicënu cuancësabiquiani. Atúxa usai cuancëbë ca axa atu catícabiani cuancë Egiptonu ꞌicë suntárucamax —nuxribi cananuna usai sicaracëti ꞌai —quixun sinanx cuanibi, ꞌunpax anu racátëcëncëbë bacamiquiacëxa.

Hebreos 11:37

Nucën Papa Diosmi catamëcë uni raíri ca unin maxaxan rëacëxa. Raíri ca Nucën Papa Diosmi sinánxma ꞌinun quixun unin bëtsi bëtsi ocëxa. Raíri ca unin tëarabëocëxa. Raíri ca manë xëtocën ꞌacëxa. Raírinëx ca chupañuma ꞌixun carnero rani pañuanan chivo rani pañuax cuaínbëquini niacëxa. Ñuñuma ꞌaish nuibacacë ꞌianan ca bëtsi bëtsi ocë ꞌiacëxa.

Apocalipsis 16:12

Usai ꞌicëbëtan ca bëtsi ángelnënribi aín xanpanu ꞌicë ñu Eufrates bacanu tutucaxa. Tutucacëbë ca aín ꞌunpax ësquiaxa, aucüaxa bari urucë menu ꞌicë ꞌapucamaxa anun unun.

1 Samuel 28:14

—¿Añu ñu iskësa kara min iskëx ꞌiax? —kixun ka Saúlnën kakëxa. Kakëxun ka —Achúshi uni kaniakëkë ꞌaish, chupan rakukë ꞌiaxa —xanun kakëxa. Kakëxun ka Saúlnën ax ka Samuel ꞌikë kixun bënë́kinshi ꞌunánkëxa, ꞌunani ka ñanati aín bëmánan memi bëtiki ꞌiakëxa.