2 Reyes 2:6 - Kashibo-Kakataibo Biblia

⁶ Usakin atu kakëbi ka Elíasnën katëkëankëxa: —Ënubi kamina mix bërúti ꞌain, ꞌë ka Diosan Jordán kakë bakanu kuantanun xutia. Kakëxunbi ka Eliseonën katëkëankëxa: —Ësokin kana Diosan kuamainun kanan minbi mi sinántiokin mi kain, ꞌËn kana mishimi kuantanun mi ëniman. Ësai kanankiani ka a rabëtaxbi kuankëxa.

2 Reyes 2:6 ပူးပေါင်းရင်းမြစ်များ

Génesis 22:6

Usakin aín uni rabë́ katankëxun ka Abrahamnën aín bëchikënën karu tëapaxun nëakë a ꞌiabiankin buámainun; Abrahamnën tsi, këñun aín manë xëtokë upiokin kuënukë bibiani abëbi kuankëxa.

Génesis 22:8

Ësokian aín bëchikënën ñukákëxun ka Abrahamnën kakëxa. —Nukën ꞌIbu Diosan ka nu achúshi ñuina ꞌinánti ꞌikën, kixun ka aín bëchikë —Abrahamnën kakëxa. Usokin kabiani ka abëbi anuxuan ñuina xaroti anu kuankëxa.

2 Reyes 2:2

Usa ꞌain ka Elíasnën ësokin Eliseo kakëxa: —Ënu kamina mix bërúti ꞌain, Diosan ka Betel ëmanu kuantanun ꞌë xuti ꞌikën. Ësokin kakëxunbi ka Eliseonën kakëxa: —Ësokin kana Diosan kuamainun kanan minbimi sinántiokin mi kain, ꞌën kana mishimi kuantanun ëniman. Ësai kanankiani ka a rabëtaxbi Betel ëmanu kuankëxa.

2 Reyes 4:30

ꞌAínbi ka tuá aín titan Eliseo kakëxa: —Ësokin kana Diosan kuamainun mi kain, mixmi ꞌëbë kuankëbëma kana ꞌëxribi ënuax kuanima. Ësokia kakëx ka Eliseo a xanubë kuankëxa.

Josué 3:15

Kuankian bunántisa a pain rëkuë́nkin biani sacerdotekama baka tapukikiankëbëshi ka aín xobukë nëtë́ti baka tëarabëakëxa. Ax ka anun ñu ꞌapákë biti ꞌuxë ꞌaia Jordán kakë baka mita ꞌain chaiira ꞌinun ꞌëkë ꞌaish kuëtsëkënkëma pan ꞌain ꞌiakëxa.

Josué 3:8

Minribi kamina sacerdote an bunántisa okin ꞌakë kurin ratakakakë a ꞌukëmëu ꞌikë a tanti banakama buannun kati ꞌain, kuani ka Jordán kakë baka aín kuëtsín amáti nirakëkëbëa ëskikëbë ꞌurira kuani anu nirakëti ꞌikën.

Rut 1:16

Kakëxunbi ka Rutnën kakëxa: —ꞌË kamina mi ëbiani mibë ënanankiani kuantanun kixun katima ꞌain. ¡Uinu karamina kuanin anubi kana ꞌëxribi mibë tsóti kuanti ꞌain! ꞌImainun ka min ëma ax ꞌën ëmaribi ꞌiti ꞌikën, min Dios axribi ka ꞌën Dios ꞌiti ꞌikën, min ëmanu tsókë unikama ax ka ꞌën aintsiribi ꞌiti ꞌikën, ꞌimainun kana min rabikë Dios aribi ꞌën Dios ꞌikë rabiti ꞌain.

1 Samuel 1:26

Buánxun ka Anan kakëxa: —ꞌËn ꞌIbu ꞌë kamina uisabi otima ꞌain, mix kamina bërí ënu ꞌain, ꞌëx kana an mi rapasunuxun Nukën ꞌIbu ñukákë xanu a ꞌain.

1 Samuel 20:3

Kakëxunbi ka Davidnën munuma banakin katëkëankëxa: —Min papan ka upíokin minmi ꞌë ꞌitsaira nuibatia ꞌunánxa, usa ꞌain ka min ꞌunánkimi an ꞌaisa tankë ñu a kuëënxuntima kuëënia. ¡ꞌAínbi kana uisaxunbi sinanatima okin Nukën ꞌIbun kuamainunbi mi kain, ꞌëx kana bamati ꞌuramashi ꞌain!