2 Reyes 19:4 - Kashibo-Kakataibo Biblia

⁴ ꞌËn sinánkëxun sapika min Diosan aín ꞌapúan xukëx Asirianu ꞌikë suntárunën kushikama ꞌatimai banai kikë atun banakama kuakë ꞌiti ꞌikën atux ka Israel unikaman Dios ñui ꞌatimati banaxa usa ꞌain sapi ka a kuaxun Diosanbi a ñuia kikë akama ꞌaisama okin tëmëramiti ꞌikën. Usa ꞌain kamina axa bërúkë nukama achúshi okin Dios ñukáxunti ꞌain.

2 Reyes 19:4 ပူးပေါင်းရင်းမြစ်များ

Génesis 22:14

Usokin ꞌatankëxun ka Abrahamnën anuxuan usakin ꞌakë matá me anëkin: Nukën ꞌIbun ka nun sinánkëma ñu nu ꞌinania kixun anëakëxa, usa ꞌain ka bërí uni kia: Nukën ꞌIbun ka a matánuxun ꞌasaribiokin ꞌakinia kiax kikania.

2 Samuel 16:12

Usa ꞌain ka Diosan tëmërakin ꞌatimokin sinania okin ꞌë upíokin sinánxunti ꞌikën, usa ꞌaínbi kana bërí ꞌatimokin ñuikin ꞌë ꞌichákëxun kuatin.

2 Reyes 18:13

Anuan Ezequías catorce baritia ꞌapu ꞌikë anun ka Senaquerib Asiriakaman ꞌapun aín suntárukamabëtan, Judá menu ꞌikë ëmakama upíokin aín kënë ꞌakë ëmakama a anu atsínkin bikankëxa.

2 Reyes 19:16

ꞌËn mi ñukákëxun kamina upíokin kuati ꞌain. Min kamina ësaia ñu ꞌia isin nun ꞌIbu Dios. Senaqueribnën ka ꞌatima banakama mi ñuikin kuënëoxun ꞌë kirika bëmiaxa, mix Dios ꞌaish këñutima oi unia ꞌaínbi ka.

2 Reyes 19:22

¿Ui kaina min ꞌatimakin ñuikin ꞌichan? ¿Uimi ꞌatimai banai kianan karamina mix ismina usaira ꞌai kiax manámia isi kian? ¡Uimima Israel unikaman Dios upíira a ñui ka usai kiaxa!

2 Reyes 19:23

Min unikamax ka kuanx Dios ꞌichakin ñui ësai kia. “ꞌËx anuax ꞌakánanti caballonën nirinkëkama nun tupuntisamaira anun kuani kana aín bashi mapë́rakëan, ꞌianan kana Líbano anu ꞌikë aín bashi nun mapërakëtisamaira abi mapë́rakëan. Anuxun kana atun kunxan chaxkë́irabu a tëapanan pino kakë i upíirabu aribi ꞌakën. ꞌAi kana aín bashi rëbu aín manainra anu nukuanan, anua ñu ꞌapákësa kian ꞌaish ni rakákë anubi nukuakën.

2 Reyes 19:3

xukin ka ësai ka ꞌapu kiaxa katánun kixun kakëxa: Bërí kananuna tëmëramikë ꞌiti ꞌain, usa ꞌaish kananuna bakënuxa aín nëtë ꞌikëbë xanu paëtani bënëtibi aín nami bamax kushima ꞌaish ꞌikasmakësa usaribi ꞌiti ꞌain.

2 Reyes 19:30

Axa ñukëma ꞌaish Judá menu utëkënkë akamax ka: ꞌapákëxa ñu tapuni ꞌikësaribiti bakë bëchipati kaikamë ꞌëoti ꞌikën.

2 Reyes 19:31

Usa ꞌain ka Jerusalénnu ꞌitsama unishi bërúmainun aín bashi Sión kakë anuribi axa ñukëmakama axribi anu tsóti ꞌikën. Ësokin kana ꞌën atu nuibakin Dios kamabi kushiñuira ꞌixun ꞌëx kiásabiokin ꞌati ꞌain.

2 Reyes 19:5

Ësakin kaxúan xukëx ka suntárunën kushikama an bana ñuikë Isaías isi kuankëxa,

Isaías 1:9

Nukën ꞌIbu Dios ax kamabi kushiñu ꞌixun ka nun chaitiokëkama ië́miama ꞌain sapi kananuna, nukamax bëríbi Sodoma ꞌimainun Gomorra ꞌiásai ꞌaíma ꞌitánun këñúkë ꞌitsían.

Ezequiel 36:37

ꞌËx Min ꞌIbu ꞌaish kana ësai kian: Usa ꞌixun kana ꞌëx kikësabiokin bëtsi ñukamaribi ꞌaxunti ꞌain. ꞌAxunkin kana Israel unikama añu ꞌaxúnun kara ꞌë ñukatia a ñukama ꞌaxunkin; aín unikamaxa ꞌaisamaira ꞌia ñuina ꞌarakakëx ꞌikësai, kaikamë ꞌëonun ꞌimiti ꞌain.

Romanos 11:5

Usaía bëráma uni ꞌiásaribiti ca bëríribi judíos unicama aín patsan Nucën Papa Diosmi sináncëma ꞌaínbi raírinëx ainan ꞌinúan caíscë ꞌaish Nucën Papa Diosmi sinania.

Romanos 9:27

Isaíasnënribi ca Nucën Papa Diosan ꞌamicëxun judíos unibu ñuiquin ësaquin cacëxa: “Israelnën rëbúnqui ꞌaisamaira, parúnpapa cuëbí ꞌicë masisa, ꞌaíshbi ca acama ꞌitsamanëxëshi asérabi Nucën Papa Diosnan ꞌinux ië́ti ꞌicën.

Deuteronomio 32:36

Usai ka Nukën ꞌIbu an kaisa unikama bëtsi bëtsi okin ñu mëëmikëxa kushiñumasa ꞌia iskin ꞌakinti ꞌikën; usakin ka Nukën ꞌIbun uniñumasa ꞌinua atubë ꞌikë unikama ꞌimainun aín kushibu akama nëtë́ti ꞌaisamai ꞌiabi atu ꞌakinti ꞌikën.

Josué 3:10

Ax ka nubë ꞌikë kixun nukaman ꞌunánun ka Diosan aín kushínbi aín menu bëbakin nun cananeo, hititas, heveos, ferezeos, gergeseos, amorreos ꞌimainun jebuseos akamabi aín me bikuanti ꞌikën.

1 Samuel 14:6

Anuxun ka Jonatánnën abëa kuankë aín uni kakëxa: —ꞌUkëmanan kananuna kuanti ꞌain, uinua karanuna uni ꞌaisama kamanuaxa ukë suntárukama a mërai anuishi kananuna bërúti ꞌain. Nux anun ꞌakamati ñu ka ꞌaíma ꞌikën, usa ꞌain ka Nukën ꞌIbun ꞌitsa unibëtanmabi, ꞌitsamara ꞌixunbi ꞌanun nu ꞌamiti ꞌikën.

1 Samuel 17:10

Bërí kana ꞌëx Israel kaman suntárukamabë ꞌakanainsairatani: ¡Usa ꞌain kamina achúshi uni ꞌëbë ꞌakanani unun xuti ꞌain!

1 Samuel 17:26

Usa ꞌain ka Davidnën usai kia kuakëma ꞌixun a rapasu ꞌikë suntárukama ñukákëxa: —¿Añu kara an filisteo uni axa Israelkama ꞌakatsikiax xuamati banakë a nëtë́tanun ꞌaia an ꞌakë uni a ꞌinánti ꞌik? ¿Ax añuira ꞌixun kara a filisteo uni upíma ꞌixun an Diosan kaískë unikama usokin ꞌakatsikixun ñuiti ꞌik?

1 Samuel 17:45

Kixuan kakëxunbi ka Davidnën ribi kakëxa: —Mix kamina ꞌë ꞌakatsikiax min manë xëtokë bëanan min masibu kamabëi aín, usa ꞌaínbi kana ꞌëx mi ꞌai kuani uisa ñubi buaniman ꞌën ꞌIbu kamabi kushiñuira Israel kaman suntárunën Dios a kamina ꞌakatsikixun kain.