2 Reyes 19:3 - Kashibo-Kakataibo Biblia

³ xukin ka ësai ka ꞌapu kiaxa katánun kixun kakëxa: Bërí kananuna tëmëramikë ꞌiti ꞌain, usa ꞌaish kananuna bakënuxa aín nëtë ꞌikëbë xanu paëtani bënëtibi aín nami bamax kushima ꞌaish ꞌikasmakësa usaribi ꞌiti ꞌain.

2 Reyes 19:3 ပူးပေါင်းရင်းမြစ်များ

2 Reyes 18:29

Ezequíasnën mitsu paránun kamina ꞌamitima ꞌain; an ka ꞌën suntárukamabëtan ꞌaia mitsu ꞌakinkasmati ꞌikënꞌ

2 Reyes 19:2

Kuanx Diosbë banatankëxun ka Eliaquim an ꞌapun xubunu ꞌikë ñukama bërúankë a ꞌimainun an kirika kuënëokë Sebná akëñun, kamabi sacerdotekama ꞌimainun uni ꞌain tukurikubukama aturibi ꞌitsaira paëkin bëtsi chupa pañubiania, an Dios kikë bana ñuikë Isaías Amósnën bakë bëchikë abë banatanun kixun xuakëxa,

2 Reyes 19:4

ꞌËn sinánkëxun sapika min Diosan aín ꞌapúan xukëx Asirianu ꞌikë suntárunën kushikama ꞌatimai banai kikë atun banakama kuakë ꞌiti ꞌikën atux ka Israel unikaman Dios ñui ꞌatimati banaxa usa ꞌain sapi ka a kuaxun Diosanbi a ñuia kikë akama ꞌaisama okin tëmëramiti ꞌikën. Usa ꞌain kamina axa bërúkë nukama achúshi okin Dios ñukáxunti ꞌain.

Salmos 95:8

mitsun nuitu kamina Meribá kakë menuxun ꞌasaribiokin iruatima ꞌain; a nëtëkaman mi anu uni ꞌikëma me Masá kakë anuxun ꞌakansaribi okin,

Oseas 13:13

Xanu aín tuákën paëokëx upiti bakënkë, ꞌaínbi túa bana kuakëma usarabi ka Israel unikama ꞌikën,

Oseas 5:15

Usakin ꞌatankëx kana anu ꞌëx ꞌikë anu, atunbia sinanakin kana ꞌucha kixun ꞌë baritamainun kuanti ꞌain. Tëmërai bënë́kin ka atun ꞌë bariti ꞌikën.”