2 Reyes 19:1 - Kashibo-Kakataibo Biblia

¹ Usakian kakëxun kuabianxun atun ñuixunkëxun kuakin ka ꞌapu Ezequíasnën ain chupa tukai nishkin bëtsi chupa xëni pañuakëxa, usakin pañubiani ka anuxun Dios rabiti xubunu kuankëxa.

2 Reyes 19:1 ပူးပေါင်းရင်းမြစ်များ

Génesis 37:34

Usakin atu kai ka Jacob aín chupa tukai nitë́xëti ꞌitsaira iankëxa, aín bëchikë bamakësa sinani.

1 Reyes 21:27

Ësokia Dios kikë bana Elíasnën ñuixunkëxun a banakama kuakin ka Ahabnën aín chupa abi tukai ꞌikiani aín xubunu kuanxun chupa xënira pañutankëx añubi pima a pañukë chupa xënira añabi ꞌuxanan, masá nuitukëishi ꞌaish niakëxa.

1 Reyes 21:29

“¿Min kaina Ahab ꞌuchatankëxbia ꞌëmi sinanati usai ꞌia isin? Usa ꞌain kana aín aintsikama ꞌatima okinma upitaxa bukunun ꞌimianan, ax ñukëbëa aín bakë bëchikë ꞌapu ꞌikëbë kunia atun ꞌikënu ꞌaisama ñu ꞌinun ꞌimiti ꞌain.”

2 Reyes 18:37

Usa ꞌain ka Eliaquim an ꞌapun xubunuxun ñu bërúankë a ꞌimainun Sebná an kirika kuënëokë a ꞌianan, an ꞌapu kikëbëtan kirika kuënëokë Joah akaman ꞌatimokin sinani nishkin, atun chupa tukabiani ꞌapu Ezequías isanan usakian Asirionuax ukë suntárunën kushikaman kakë akama ñuixuni kuankëxa.

2 Reyes 5:7

Ësokin ꞌaxuan ꞌinánkëx Samarianu bëbax ka anua ꞌapu ꞌikë aín xubunu kuanxun ꞌIsraelnën ꞌapu kirika kuënëokë buánkë a ꞌinánkëxa, ꞌinánkëxun istánkëx ka Israel unikaman ꞌapu aín chupa tukai nishi kiakëxa: —¿ꞌËx karana an uni tsónun ꞌimianan bamanun ꞌimikë a ꞌain, ꞌapu ꞌitsían uni achúshi an nami chëkimikë ꞌinsin ꞌën pëxkunun ꞌënu xunun karana ꞌëx Dios ꞌain? ¡ꞌËn sinánkëxun sapi ka nubë ꞌakánanti barikin ësokin ꞌaia usa ꞌain kananuna upiti bërúankati ꞌain!

2 Reyes 6:30

Ësokian a xanun kakëxun kuati ꞌitsaira nishkin ka, ꞌapun aín chupa tukakëxa. Tukakian anun ëma bëararakin kënëkë manámixun, bëtsi chupa pañuia ka anu ꞌikë unin iskankëxa.

Jeremías 36:24

Usokin kamabi kirika iskin ꞌaia kuatíbi ka ꞌapu ꞌimainun aín unikamax rakuëanan masánuituti anun paëama ꞌikën.

Jonás 3:5

Usokian ñuixunkëxun kuati ka a ëmanu ꞌikë unikama ñuñu ꞌimainun ñuñuma unikamabë, kamabi uni axa a ëmanu tsókë akamax Diosmi sinani kamáxbi kananxun, añu ñubi pima samáti atun chupa xëni pañuanan chupan mapúkankëxa.

Jonás 3:8

ꞌIanan ka kamáxbi chupan mapuanan atun ñuinakamaribi chupan mapukanti ꞌikën, atun ñu ꞌatima ꞌakë a sinani bënë́kin chupa xëni pañuxun ka ami sinánkin Dios aín kushibëtanbi ñukákanti ꞌikën. Usakin ꞌakin ka achúshi achúshi unin bëríbia ꞌatima ñu ꞌakë akama ënkanti ꞌikën;

Mateo 11:21

—Corazín ëmanuax ucë unicama ꞌimainun Betsaidanuax ucë unicama, mitsu cana asérabi cain, mitsun ëmanuxun ꞌën cushínbi ꞌën ñu ꞌacësaribi oquin Tiro ꞌimainun Sidón anuxun ꞌën ꞌá ꞌain ca anu ꞌicë unicama aín ꞌuchacama ëni ꞌëmi sinan ꞌitsíanxa. Aín ꞌucha cupí masá nuituti sinanati ca chupa chëquicë pañuanan chimaputan mashiquia ꞌitsíanxa.

Mateo 26:65

Usai quia cuati xuamairai nishquin aín chupabi tucaquin ca judíos sacerdotenën cushicaman ꞌapun abë ꞌicë unicama cacëxa: —Nucën Papa Diosmi ca ꞌatimati banaxa. Mitsun camina Nucën Papa Dios ñuia, ꞌatimati banaia cuacan.

Apocalipsis 11:3

A unicamaxa ꞌatimati anu nimainun cana an ꞌë ñuiquin unicama canun rabë́ uni xuti ꞌain. A uni rabë́ ax ca rabë́ olivos cacë iisa ꞌimainun rabë́ anu lamparín nanti ñusa ꞌicën. An ca ꞌën xucëxun ꞌaisamaira nëtë, mil doscientos sesenta, a nëtëcama ꞌë ñuiquin bana unicama ñuixunti ꞌicën. Atux ca masá nuitucë unían pañucësaribi chupa pañucë ꞌiti ꞌicën.

1 Samuel 4:12

Usokian ꞌakëbë ka Benjamínën rëbúnkinën aintsi suntáru achúshinëx anuaxa ꞌakanankë anuax abákëxa, abátankëx ka aín aintsikama Siló kakë ëmanu bukukë a nëtënbi bëbaxun chanioi kuankëxa. Kuania iskankëxbi ka aín chupa nushi nushira ꞌianan aín maxká men chuarukë ꞌiakëxa.