2 Pedro 3:14 - Kashibo-Kakataibo Biblia

¹⁴ ꞌËn nuibacë xucë́antu, usaía ꞌiti caíncë ꞌaish camina Nucën Papa Diosan ꞌuchañumarua isanan uisa ñu ꞌatimabi ꞌacëma isti cupí ñu ꞌatima ꞌaíma unicamabë nuibananishi upitax bucuti ꞌain.

Nukën 'Ibu Diosan ain unikama 'inan ain bana

¹⁴ 'Ën nuibacë xucë́antu, usaía 'iti caíncë 'aish camina Nucën Papa Diosan 'uchañumarua isanan uisa ñu 'atimabi 'acëma isti cupí ñu 'atima 'aíma unicamabë nuibananishi upitax bucuti 'ain.

2 Pedro 3:14 ပူးပေါင်းရင်းမြစ်များ

Mateo 24:26

Usa ñucama ꞌicëbëtan unin —Cristo ca uaxa. Ca anu uni ꞌicëma menu ꞌicë —quixun mitsu cacëxbi camina isi cuantima ꞌain. ꞌIanan unin —Cristo ca uaxa, ca xubu mëu ꞌicë —quixun mitsu cacëxunbi camina —asérabi ca —quixun sinántima ꞌain.

Mateo 25:7

Quia sharatia bësuquin ca bënë́nquinshi a xanucaman aín lamparín mëníoxa.

Lucas 12:43

Cuanx anu ꞌitancëx utëcënquin ca, an ñu mëëxuncë unin cara an cacësabi oquin ꞌaia quixun isti ꞌicën. Isquinbi an cabiancësabi oquin ꞌaia ꞌiscëx ca an a uni ñu mëëxuncë uni ax chuámarua tani cuëënti ꞌicën.

Lucas 2:29

ꞌËn ꞌIbu Dios, a ñuiquinmi ꞌë cacë a cana isan. Usa ꞌain ca ꞌëx bamati asábi ꞌicën.

1 Corintios 1:8

Nucën ꞌIbu Jesucristo utëcëncëbëtan uinu ꞌicë unínbi mitsu ñuiquin —a unix ca ꞌatima ñu ꞌacë ꞌicë —quixun canúnma ca Nucën Papa Diosan mitsúnmi ami catamëquin ꞌatima ñu ꞌaxunma ꞌanun ënquinma mitsu bërúanti ꞌicën.

1 Corintios 15:58

ꞌËn nuibacë xucë́antu, uisa ñu cara ꞌicëbëbi camina ëníma ami catamëti Nucën ꞌIbu Jesucristo cuëëncësabi oi ꞌiquin aín bana unicama ñuixunti ꞌain. Camina ꞌunanin, usaquinmi Cristonëan cushiocëxun ꞌacë ax ca ñancábimi ꞌacëma ꞌicën. Usaquin ꞌunánquin camina ënquinma mitsun ꞌacësamaira oquin nëtë camabi ꞌati ꞌain.

Filipenses 1:10

An ꞌunánmicëxunmi ñu ꞌatima ꞌaquinma ñu upíshi ꞌati ꞌunánun cana Nucën Papa Dios mitsu ñucáxunin. Usai ꞌiquinmi ax cuëëncësa oquinshi ꞌacë ꞌicë ca Cristonën utëcë́nquin mitsu ꞌuchoquinma upíshi isti ꞌicën.

Filipenses 2:15

bëtsi unicaman, mitsúxmi ñu ꞌaisama ꞌaíma Nucën Papa Dios cuëëncësabi oíshi ꞌia isnun. Usai ꞌia ca ꞌaisama ꞌaísha ax ami sináncëma unicaman, Nucën Papa Diosan bëchicë ꞌaíshmi mitsun nuitu upí ꞌicë isti ꞌicën. Usa ꞌaish camina mitsux ꞌispacaman bëánquibucë ꞌicëbi pëcacë usaribi ꞌain,

Filipenses 3:20

Atúxa usai ꞌimainunbi cananuna nux Nucën Papa Diosan nëtënu abë ꞌiti ꞌain. Usa ꞌain cananuna a nëtënuaxa Nucën ꞌIbu Jesucristo, an nun ꞌucha tërë́nquin Nucën Papa Diosnan ꞌinun nu ië́micë, axa uti cuëënquin cainin.

1 Tesalonicenses 3:13

Usoquian an ꞌaquincëxmi asérabi a ꞌinamëcë ꞌaish ami cushicë ꞌicëa, Cristo aín unicamabë utëcëncëbëtan, Nucën Papa Diosan añu ꞌuchañumabi ꞌicë mitsu isti cananuna cuëënin.

1 Tesalonicenses 5:23

Nucën Papa Dios, an nu bënëtima chuámarua ꞌimiti, an mitsu upíshi ꞌinun ꞌimianan mitsun sinan, mitsun nuitu ꞌimainun mitsun namíxbia uisa ꞌuchañumabi ꞌinun mitsu ꞌimiti cana cuëënin, utëcënquian Nucën ꞌIbu Jesucristonën usa ꞌicë mitsu isti cupí.

1 Timoteo 6:14

Nucën ꞌIbu Jesucristo utëcënti nëtë ꞌitámainuan xënibua ꞌaínbi uínbi min camina ñu ꞌatima ꞌacë quixun sinánti rabanan camina ñu ꞌaisama ꞌaquinma, ꞌën mi cacë bana bëtsi oquinma ax quicësabi oquinshi ꞌati ꞌain.

Hebreos 9:28

Usaribiti ca Cristo ënë menuax achúshitishi bamacëxa. Ax ꞌuchañuma ꞌaíshbi ca camabi unin ꞌucha ainansa ꞌaish tërë́ncë ꞌinun bamacëxa. Bamatancëx baísquitancëx ca aín Papa Diosnu cuan ꞌaish amiribishi ënë nëtënu utëcënti ꞌicën. Camabi unin ꞌucha cupí bamatëcëni aima ca an aín uti caíncë unicama abëa ꞌinun bitsi utëcënuxun ꞌaia.

Santiago 1:27

An Nucën Papa Dios cuëëncësabi oquin ꞌacë unin ca ësaquin ꞌati ꞌicën: Papañuma titañuma tuácama ꞌimainun casunamëcë xanucamaribi ꞌaquinsa ꞌianan masá nuitutia isquin ca ꞌaquinti ꞌicën. ꞌAquianan ca an Nucën Papa Diosmi sinánquinma ënë menu ꞌicë ñuishi sináncë unin ꞌacësaribi oquin ñu ꞌaisama ꞌatima ꞌicën.

1 Pedro 1:7

Ënëx ca ësa ꞌicën. Asérabi cara curishi ꞌicë isnuxun ca unin curi tsi rëquirucënu xaroquin tania. Usaribiti camina mitsux caramina ami catamëcë ꞌai quixun isnuxun Nucën Papa Diosan tancë ꞌiti ꞌain. Curi ꞌaíshbi ca cëñúti ꞌicën. Usa ꞌaínbi camina tëmëraquinbi Nucën Papa Diosmi catamëquin ëncëma ꞌaish curisamaira ꞌiti ꞌain. Usaquin tancëxbimi asérabi ami catamëti ꞌain ca utëcënquin Jesucristonën —asérabi ꞌënan ꞌaish camina ꞌëbë ꞌaish cuëënti ꞌai —quixun mitsu cati ꞌicën.

2 Pedro 3:1

ꞌËn nuibacë xucë́antu, bëtsi quirica pan buánmixunbi cana ënë quiricaribi mitsu buánmin. Quirica buánmiquin cana asérabi Jesucristomi sináncë ꞌixunmi aín banacama manuquinma upí oquin sinánun mitsu ꞌësëan.

2 Pedro 3:16

A mitsu buánmicë quiricacamanu ca Pablonënribi ꞌën cacësa ësaribi oquin mitsu caxa. A bana raírinëx ca unían upí oquin cuaisama ꞌicën. Usa ꞌain ca an Nucën Papa Diosan bana upí oquin ꞌunáncëma uni ꞌimainun axa upiti ami catamëcëma unin, uisai quicë cara a bana ꞌicë quixun upí oquin sinánquinma bëtsi oquin sinania. Pablonëan cuënëocë quiricaishima, bëtsi banaribi upí oquin sináncëma ꞌixun bëtsi oquin sinani ca upiti Jesucristomi catamëti ꞌunanima.

1 Juan 3:3

Uicaman cara —asaribi cana ꞌiti ꞌai —quixun sinania, a unicamax ca Jesucristosaribi ꞌiti cupí, aín ꞌuchacama ëni upí ꞌia.