2 Pedro 3:10 - Kashibo-Kakataibo Biblia

¹⁰ Usaquin caíntancëx ca unin sinánmabi, an ñu mëcamacë uni imë́ ucë usaribiti unían sinánmabi Jesucristo uti ꞌicën. A nëtë ucëbë ca canacamëꞌëo ꞌicësaía anuax banacëbë naíu ꞌicë ꞌuxë, bari, ꞌispa acama, manë tsin cëñumainun anu ax ꞌiti ꞌaíma ꞌiti ꞌicën. Usaribiquin ca camabi mecëñun anua ꞌicë ñucamaribi tsin cëñuti ꞌicën.

Nukën 'Ibu Diosan ain unikama 'inan ain bana

¹⁰ Usaquin caíntancëx ca unin sinánmabi, an ñu mëcamacë uni imë́ ucë usaribiti unían sinánmabi Jesucristo uti 'icën. A nëtë ucëbë ca canacamë'ëo 'icësaía anuax banacëbë naíu 'icë 'uxë, bari, 'ispa acama, manë tsin cëñumainun anu ax 'iti 'aíma 'iti 'icën. Usaribiquin ca camabi mecëñun anua 'icë ñucamaribi tsin cëñuti 'icën.

2 Pedro 3:10 ပူးပေါင်းရင်းမြစ်များ

Salmos 46:6

Uinsaran kara Diosan bëtsi bëtsi menu ꞌikë uni aín bana kuanun ꞌimia anun ka ratuti bëtsi ëmanu ꞌikë ꞌapukama me shaíkikë anunbi rakuë́ti ꞌikën.

Joel 1:15

¡Bërí karanuna añu ꞌati ꞌain, anúan Dios kushiñuira an nun tënëtisamaira ñu ꞌatimaira ꞌimiti nëtë ka ꞌurama kuatsinia!

Joel 2:1

Aín bashi Sión kakë anuxun ka manë banañu banokanti ꞌikën, ꞌanan ka Nukën ꞌIbun kaisa bashi upíira anuxun uisai ñu ꞌikëbëtan a banamiti aribi banamiti ꞌikën. Kamabi unikama Judá menu tsókë akamax ka bërëti ꞌikën, Nukën ꞌIbun nëtë ka ꞌuramaxa usa ꞌain:

Joel 2:31

Usa ꞌain ka bari pë́kaima bënamainun ꞌuxën pëkakë axribi imi ꞌiti ꞌikën, usai ka Diosan nëtë chaiira ax ami rakuë́ti ꞌiti ꞌikën.”

Joel 3:14

ꞌItsaira unika anuxun uisakin kara ꞌati ꞌikë kixun sinánkë me sapan anu, Diosan nëtë ka ꞌurama ꞌikë usa ain.

Amós 9:13

“ꞌIanan ka anun trigo bimi bikin këñúkë ꞌaímabi anu ñu ꞌapáti me tukati nëtë ꞌiti ꞌikën, ꞌianan ka anun uvas aín baka biti chakakin sënë́onkë ꞌaímabi anun trigo ꞌapáti nëtëribi ꞌiti ꞌikën. Usai ꞌikëbë ka aín bashikama ꞌimainun matákamanu ꞌumpax chikutia iskësaira uvas baka ꞌiti ꞌikën.

Amós 9:5

Diosan ka ax kushiira ꞌixun, me axa tukibuti pankabunun ꞌimia usai ꞌikëbë ka kamabi unikama anu ꞌikë ax inia. Usai ꞌikëbë ka mex kuaruanan kuabutia, Nilo kakë baka ax ꞌë tankëx kuabúkë usaribiti ꞌia.

Miqueas 1:4

Aín taë shimuküax ka aín bashikamax unin xara tsinu ꞌarukëx charákësa usaribiti ꞌinun ꞌiti ꞌikën, ꞌimainun ka me sapankamaxribi bakan kushiira ꞌëkin panarabëtanun tukakësa usaribiti ꞌiti ꞌikën.

Malaquías 4:5

Mitsun kamina ꞌunánti ꞌain: ꞌËn kana an ꞌën bana ñuikë Elías ꞌëx anun uti nëtë ꞌikëmapan ꞌain xuti ꞌain, a nëtëx ka achúshi nëtë chaiira ꞌaish ami rakuë́ti ꞌiti ꞌikën.”

Mateo 24:35

Naí, me, acamax ca cëñúti ꞌicën, ꞌaínbi ca ꞌën banaxa nëtë́imoi usabi ꞌain camabi ñu ꞌëx quicësabi oi asérabi ꞌiti ꞌicën.

Marcos 13:31

Naí, me acamax ca cëñúti ꞌicën, ꞌaínbi ca ꞌën banaxa nëtë́timoi usabi ꞌain camabi ñu ꞌëx quicësabi oi asérabi ꞌiti ꞌicën.

Lucas 12:39

Camina ꞌunanin, uínsaran cara aia quixun ꞌunáncë ꞌixun ca xubuñu unin ꞌuxquinma an ñu mëcamacë uni caíntsianxa. Caíncëx uáxa ñu mëcamanux atsíntisa taniabi ca ꞌuxcëma ꞌixun xubu ꞌibun atsínmitsianma.

1 Corintios 1:8

Nucën ꞌIbu Jesucristo utëcëncëbëtan uinu ꞌicë unínbi mitsu ñuiquin —a unix ca ꞌatima ñu ꞌacë ꞌicë —quixun canúnma ca Nucën Papa Diosan mitsúnmi ami catamëquin ꞌatima ñu ꞌaxunma ꞌanun ënquinma mitsu bërúanti ꞌicën.

1 Corintios 5:5

Timë́xun camina a uni ñunshin ꞌatimanën ꞌapun uisoquin cara ꞌati ꞌicë usoquian ꞌanun ënti ꞌain. Usaquian ꞌacë́xa sinanacë ca a uni bamacëbi aín bëru ñunshin Nucën ꞌIbu Jesusan utëcënquin upí isti ꞌicën.

1 Tesalonicenses 5:2

Mitsun camina upí oquin ꞌunanin, unían sinánmabia an ñu mëcamacë uni imë́ ucësa usaribi ca anúan Nucën ꞌIbu Jesucristo uti nëtë ꞌiti ꞌicën.

1 Tesalonicenses 5:4

Usa ꞌaínbi camina mitsux axa Jesucristomi sináncëma unicama ꞌicësai ꞌima. Usa ꞌaish camina mitsux aín nëtë sënë́ncëbëa Nucën ꞌIbu Jesucristo ucëbë ratútima ꞌain, an mëcamacë unían aín ñu mëcamaquin ratucëxa uni ꞌicësai camina ꞌicantima ꞌain.

2 Pedro 3:11

Usai ca ñucama cëñúti ꞌicë quixun sinani camina Nucën Papa Dios quicësabi oi ꞌi uisaíbi ꞌuchaima bucuti ꞌain.

2 Pedro 3:12

Usa ꞌain camina Jesucristo Nucën Papa Diosan mëníosabi oi uti caínquin unicama sinanatia ami catamënun ꞌaquinti ꞌain. A nëtën ca naíu ꞌicë ꞌuxë, bari, ꞌispa acama manë tsin rëquiruquin tsatsacacësa ꞌiti ꞌicën. Usai ꞌicëbë ca anua usa ñucama ꞌicë axribi manë tsin cëñucë ꞌiti ꞌicën.

2 Pedro 3:7

Usa ꞌaínbi ca naí ꞌimainun mecama anúan Nucën Papa Dios quicëbëtainshi tsin cëñuti nëtë utámainun usabi ꞌiti ꞌicën. A nëtën ca an ñu ꞌatima ꞌacë unicama Nucën Papa Diosan uisa cara oti ꞌicë usoquin ꞌati ꞌicën.

Judas 1:6

Angelcama raíri, axa Nucën Papa Diosan nëtënubi ꞌiti ꞌaíshbi anu ꞌiisama tancë cupí chiquía, ax ca anúan an camabi uni isti nëtë utámainuan bëánquibucënu uisatima manë risin tëcërëcacësa ꞌaish, anubi ꞌinun Nucën Papa Diosan ëan ꞌicën.

Apocalipsis 16:15

“Ësai ca ꞌiti ꞌicën: An ñu mëcamacë uníxa unin sináncëma ꞌaínbi ꞌicësaribicuatsini cana ꞌëx uti ꞌain. ꞌËx ucëbë ca an upí ñu ꞌaquin ꞌëx uti caíncë uni, ax cuëënti ꞌicën. Ax ca chupa upí pañucësa ꞌaish rabíntima ꞌicën. Usa ꞌaish ca chupañuma ꞌicëa uni raírinën iscë́xa uni rabíncësaribi ꞌitima ꞌicën”.

Apocalipsis 20:11

Usaquin istancëxun cana anua ꞌapu tsóti uxua chaira isan, anu tsócë aribi cana isan. Iscëxbi ca ax anu ꞌain, me ꞌimainun naícama ꞌimainun anu ꞌicë ñucama nëtë́axa, nëtëti ca anua ax ꞌiti ꞌaíma ꞌiaxa.

Apocalipsis 21:1

Usaquin istancëxun cana a pain unio naí, me, parúnpapa, acamaxa nëtë́cë ꞌaish ꞌaíma ꞌain, naí ió ꞌimainun me ióribi isan.

Apocalipsis 3:3

Usoquin ꞌaquin camina mitsua ꞌën sinánmicëxun ꞌën unicaman ñuixuncë bana a sinánti ꞌain. A sinánquin camina a bana quicësabi oquin ꞌanan sinanaquin mitsun ñu ꞌatima ꞌacëcama ënti ꞌain. Usai ꞌicëbëma cana an ñu mëcamacë uníxa, unin sináncëbëmabi ucësaribicuatsini, ꞌëx mitsun ꞌunáncëma nëtën uisoquin carana ꞌati ꞌai usoquin mitsu ꞌai uti ꞌain.

Apocalipsis 6:14

Quirica taráncësa ꞌinun taramëti ca naicamëꞌëo nëtë́axa. ꞌImainun ca aín bashicama ꞌimainun nasícama anua ꞌicënuax tacúaxa.