2 Pedro 2:6 - Kashibo-Kakataibo Biblia

⁶ Usonan ca Nucën Papa Diosan ëma rabë́, Sodoma ꞌimainun Gomorra cacë, ꞌimainun anu ꞌicë unicamaribi atun ñu ꞌaisama ꞌacë cupí aín chimapuishi ꞌitánun nëancëxa. A bana cuatía an ñu ꞌatima ꞌacë unicama ñu ꞌatima ꞌatimi racuë́ti oquin ca Nucën Papa Diosan usoquin Sodoma ꞌimainun Gomorra ꞌacëxa.

Nukën 'Ibu Diosan ain unikama 'inan ain bana

⁶ Usonan ca Nucën Papa Diosan ëma rabë́, Sodoma 'imainun Gomorra cacë, 'imainun anu 'icë unicamaribi atun ñu 'aisama 'acë cupí aín chimapuishi 'itánun nëancëxa. A bana cuatía an ñu 'atima 'acë unicama ñu 'atima 'atimi racuë́ti oquin ca Nucën Papa Diosan usoquin Sodoma 'imainun Gomorra 'acëxa.

2 Pedro 2:6 ပူးပေါင်းရင်းမြစ်များ

Génesis 19:28

kuantankëx nirakëkin ka Abrahamnën Sodoma ꞌimainun Gomorra, kakë ëma aubësukin isakëxa, iskin ka kamabi me kuainakëkë amiaxa naë nënkësa ꞌinun kuin chaiira, chikitia isakëxa.

Isaías 1:9

Nukën ꞌIbu Dios ax kamabi kushiñu ꞌixun ka nun chaitiokëkama ië́miama ꞌain sapi kananuna, nukamax bëríbi Sodoma ꞌimainun Gomorra ꞌiásai ꞌaíma ꞌitánun këñúkë ꞌitsían.

Oseas 11:8

“¿Uisa ꞌixun karana ꞌën Efraín ënti ꞌain? ¿Uisa ꞌaish karana ꞌëx Israel unikamami manuti ꞌain? ¿Admá kakë ëma ꞌásaribiokin karana mi masókin ꞌati ꞌain, ꞌanan karana mi Seboím ꞌasaribiokin ꞌati ꞌain? ¡ꞌËn mitsumi ꞌitsaira sinánkë an ka ꞌitsaira mitsu nuibanun ꞌë ꞌimia!

Amós 4:11

“ꞌAnan kana atu ꞌatimaira okin achúshi ñun Sodoma ꞌimainun Gomorra ꞌasaribiokin ꞌakën; ax ka tsi ënxaira anua aín ëxku ënxaira bikësa ꞌiakëxa, ¡usa ꞌaínbi kamina mitsux ꞌëmi sinanatëkëinsama tankankën!” Usai ka Dios kiaxa.

Mateo 10:15

Asérabi cana ꞌën mitsu cain, Sodoma ëmanu ꞌicë unicama ꞌimainun Gomorra ëmanu ꞌicë unicama ca aín bana cuaisama tancë cupí Nucën Papa Diosan castícancëxa. Usamaira oquin castícancë ca an a ëmanu ꞌicë unicama mitsu bicëma cupí ax ꞌiti ꞌicën.

Mateo 11:23

Capernaúmnuax ucë unicama, ¿mitsun caramina sinanin, camina Nucën Papa Diosan nëtënu ꞌiti ꞌai quixun? Camina anuma, anua uni ꞌaisamacama bamatancëx cuancë, anu ꞌiti ꞌain. Mitsun ëmanuxun ꞌën cushínbi ꞌën ñu ꞌacësaribi oquian Sodomanuxunribi ꞌacë ꞌain ca aín ꞌuchacama ëni anu ꞌicë unicama nëëncëma ꞌiá ꞌitsíanxa.

Romanos 9:29

Ësairibi ca Isaíasnën cuënëo bana quia: Nucën ꞌIbu Dios, ax ꞌApuira ꞌixun, Israelnën rëbúnquicama aín raíri ië́micëma ꞌain cananuna Sodoma ꞌimainun Gomorra anu ꞌicë unicama ꞌiásaribiti camáxbi ꞌaíma ꞌitsían.

1 Corintios 10:11

Nucën raracama usai ꞌiá, anu nun Jesucristomi catamëti ainan ꞌixun ꞌunánun ca Nucën Papa Diosan Moisés cuënëomiacëxa.

Hebreos 4:11

Nucën Papa Diosan atu ñuixuncë menu bëbáma unicama usaribiti nuxribi ami catamëcëma ꞌitin rabanan cananuna ainan ꞌaish upí oquin sinani ami catamëquin ëníma bërúancati ꞌain.

Judas 1:15

Uxun ca camabi uni uisa cara oti ꞌicë quixun isaxa, atúan ñu ꞌacëcama ꞌunánquin. An ñu ꞌatima ꞌacë unicama atun ñu ꞌatima ꞌacë cupí ꞌimainun atun a ñui ꞌatimati banacë a cupíribi, ca Nucën ꞌIbu Diosan ꞌuchoquin uisa cara oti ꞌicë quixun isaxa”.

Judas 1:7

A ángelcamaxa abë ꞌiisama tanan Nucën Papa Dios cuëëncësabi oi ꞌiisama tani ꞌiásaribiti ca Sodoma ꞌimainun Gomorra ꞌimainun a ꞌurama ꞌicë ëmacamanu ꞌicë unicamaxribi ꞌiacëxa. Nucën Papa Diosan ca aín xanubëishia ꞌiti uni ꞌanan xanuribi aín bënëbëishia ꞌiti uniocëxa. Usa ꞌaínbi ca a ëmacamanu ꞌicë unicama aín xanuma ꞌaínbi bëtsi xanubë ꞌimainun xanúxribi aín bënëma ꞌaínbi bëtsi unibë ꞌimainun uníxribi xanúxmabi bëtsi unibë ꞌi, ꞌaisamairai ꞌuchacëxa. Usaía ꞌicë ca Nucën Papa Diosan aín ꞌucha cupíbi, manë tsin nëancëxa, xënibua ꞌaínbi ainanma ꞌinun. Usaía ꞌiá a sinani cananuna nuxribi usai ꞌitin rabanan bërúancati ꞌain.