2 Pedro 1:8 - Kashibo-Kakataibo Biblia

⁸ Asérabi usai ꞌi camina an uni itsin Jesucristomi sinánun ꞌaquincëma unisa ꞌitima ꞌain. Usai ꞌi camina ñancábimi Nucën ꞌIbu Jesucristomi sináncë ꞌitima ꞌain.

Nukën 'Ibu Diosan ain unikama 'inan ain bana

⁸ Asérabi usai 'i camina an uni itsin Jesucristomi sinánun 'aquincëma unisa 'itima 'ain. Usai 'i camina ñancábimi Nucën 'Ibu Jesucristomi sináncë 'itima 'ain.

2 Pedro 1:8 ပူးပေါင်းရင်းမြစ်များ

Mateo 13:22

Muxañu menua nipacëcë ñu bëru usaribi ca raíri uni ꞌicën. A unicaman ca Nucën Papa Diosan bana cuaquin —a bana quicësabi oi cana ꞌiti ꞌai —quixun sinania. Usaquin sinanibi ca ënë menu ꞌicë ñuishi sinánan —ꞌitsa ñuñu ꞌaish cana cuëënti ꞌai —quixun sinani, ꞌitsa ñuñu ꞌiisa tanan bëtsi ñuribi cuëënia. Usa ꞌaish ca Nucën Papa Diosan sináncëxbi ñu bëru ꞌapácëa coiabi chucun mapurucësa usaribi ꞌaish bimiñumasa ꞌia.

Mateo 20:3

Xutancëx bari manámi ꞌain cuantëcënxun ca raíri uníxa ñu mëëtiñuma ꞌaish anuxun unin ñu marucë anu bucucë isaxa.

Mateo 20:6

Bari xupíbucëbëribi cuanquin ca uni raíriribi ñu mëëima bucucë mëraxa. Mëraquin ca caxa: ¿Uisacatsi caramina mitsux ñu mëëima ënuishi bucubaitin?

Mateo 25:26

Cacëxun ca an ñu mëëmicë unin caxa: Mix camina ꞌaisama ꞌianan chiquish ꞌain. Uni itsi ñu ꞌapámitancëxun a bimi ꞌënáinshi ꞌinun ꞌën unicama bimicë cana ꞌai quixun camina sinanin.

Juan 15:2

Usa ꞌixun ca an uinu ꞌicë ꞌën pëñanëx cara bimiñuma ꞌicë a tëaxun nia. Nianan ca uinu ꞌicë ꞌën pëñanëx cara bimiñu ꞌicë a upíira oquian tuanun ramëníoia.

Juan 17:3

Ui unin cara mixëshimi asérabi Dios ꞌicë, mi ꞌunánan minmi ënë menu unun xuá, ꞌë ꞌunáncë, a unicamaxëshi ca xënibua ꞌaínbi minan ꞌaish mibë ꞌiti ꞌicën.

Juan 5:42

ꞌËn cana mitsu ꞌunan. Mitsun nuitunënbi camina Nucën Papa Diosmi sinanima cana ꞌunanin.

Romanos 12:11

Nucën ꞌIbu Jesucristo cuëëncësabi oquin ꞌaquin camina ënquinma, chiquíshquinma cuëënquin upí oquin ꞌati ꞌain.

1 Corintios 15:58

ꞌËn nuibacë xucë́antu, uisa ñu cara ꞌicëbëbi camina ëníma ami catamëti Nucën ꞌIbu Jesucristo cuëëncësabi oi ꞌiquin aín bana unicama ñuixunti ꞌain. Camina ꞌunanin, usaquinmi Cristonëan cushiocëxun ꞌacë ax ca ñancábimi ꞌacëma ꞌicën. Usaquin ꞌunánquin camina ënquinma mitsun ꞌacësamaira oquin nëtë camabi ꞌati ꞌain.

2 Corintios 13:5

Mitsúnbi camina sinánti ꞌain, caramina asérabi Cristomi catamëti ax cuëëncësabi oi ꞌi quixun. Upí oquin ca sinan. ¿Caramina ꞌunaniman. Jesucristo ax ca asérabi mitsubë ꞌicë quixun? Asérabi Cristonanma ꞌain ca ax mitsubëma ꞌicën.

2 Corintios 8:2

Amia uni nishmainun bëtsi ñu cupíribi tëmëraquinbi Jesucristomi catamëti ëníma ca chuámaruaishi ꞌaish bucuia. Chuámarua ꞌixun ca ñuñuma ꞌixunbi cuëënquin ñuñu unin ꞌacësa oquin curíqui ꞌinánxa.

2 Corintios 8:7

Raírinëan ꞌacësamaira oquin camina upí oquin sinani Jesucristomi catamëanan, Nucën Papa Diosan bana ꞌunánquin a bana uni ꞌunánmiti ꞌunánan, asérabi chiquíshquinma cuëënquin ñu ꞌanan, asérabi nu nuiban. Usaquin ꞌaxun camina raírinëan ꞌacësamaira oquinribi Jerusalénu ꞌicë unicama nuibaquin atu buánmiti curíqui timëquin nanti ꞌain.

2 Corintios 9:14

Usaribi oquin ca, Nucën Papa Diosan nuibaquin ꞌaquincëxunmi mitsun curíqui ꞌináncë cupí, atun mitsu nuibaquin Nucën Papa Dios ñucáxunti ꞌicën.

Filipenses 1:9

Usa ꞌain cana mitsu nuibaquin Nucën Papa Dios mitsu ñucáxunin, mitsúnmi ꞌacësamaira oquinmi upí sinánñu ꞌixun ax cuëëncësabi oquin ꞌati ꞌunánquin uni nuibanun.

Filipenses 2:5

Jesucristonëan ꞌásaribi oquin camina sinánti ꞌain.

Filipenses 3:8

Judíos unicama Nucën Papa Diosan uni ꞌicë ꞌunántiocë ꞌaish ꞌiásamaira ca Nucën ꞌIbu Jesucristo amishi catamëti upíira ꞌicën. Usa ꞌain cana ꞌën ꞌá ñucama ñu ꞌatima pucësa oquin ëni Jesucristonan ꞌinux amishi catamëtin.

Colosenses 1:10

Mitsux usai ꞌi camina Nucën ꞌIbu Jesucristonan ꞌaísha uni ꞌicësai ꞌiti ꞌain. Usa ꞌaish camina ax cuëëncësabi oquinshi ꞌaquin, uisa ñu cara upí ꞌicë ashi ꞌanan, asérabi mitsun nuitu mëu upí oquin Nucën Papa Dios ꞌunánti ꞌain.

Colosenses 2:7

A upí oquin ꞌunánan uisa cara ax ꞌicë quixun ꞌunani camina aín unían mitsu cacësabi oi, ami upiti catamëcanti ꞌain. Usai ꞌiquin camina camabi nëtën Nucën Papa Dios —asábi ca —quixun cati ꞌain.

Colosenses 3:16

Bëtsi bana ꞌacësamaira oquin Cristonëxa a ñui quicë bana sinani camina axa quicësa oíshi ꞌicanti ꞌain. ꞌIanan camina a bana upí oquin ꞌunani ꞌunánmianani ꞌësëánani ꞌicanti ꞌain. ꞌIanan camina a rabi Nucën Papa Diosan banan cantanan mitsúnmi ꞌacë bananribi a rabi cantati ꞌain. Camina Nucën Papa Dios min nuitu mëu sinánquin —asábi ca —cai cantati ꞌain.

1 Tesalonicenses 3:12

Mitsúnmi bëráma ꞌicësamairai upitiira bëtsibë nuibananquin raíri uniribi nuibanuan, Nucën ꞌIbu Jesucristonën mitsu ꞌaquinti cananuna cuëënin, usai ꞌiquinmi nun mitsu ꞌacësaribi oquin mitsun camabi uni nuibanun.

1 Tesalonicenses 4:1

Nucën xucë́antu, Nucën ꞌIbu Jesús cuëëncësabi oquin ꞌësëquin cananuna ësaquinribi mitsu cain, uisai ꞌianan caramina uisaira oquinribi Nucën Papa Dios cuëëntanun ꞌati ꞌai quixunu mitsu ꞌunánmicësabi oquin ꞌaquinbi camina mitsun ꞌacësamaira oquin camabi nëtën ꞌati ꞌain.

2 Tesalonicenses 1:3

Nucën xucë́antu, mitsu sinánquin cananuna nëtë́quinma —asábi ca —quixun caquin Nucën Papa Dios rabin. Mitsux camina bëráma ꞌicësamairai Jesucristomi catamëanan bëtsibë bëtsibë nuibananin. Usaími mitsux ꞌicëbëtan nun Nucën Papa Dios —asábi ca —caquin rabiti ca asábiira ꞌicën, anbi mitsu upíira oquin sinánmicë cupí.

1 Timoteo 5:13

ꞌIanan ca usa xanux ñu mëëtisama tani chiquishi, bëtsi bëtsi xubunu atsínbëquinquin bana ñuibëquini niti ꞌicën. Nianan ca a ñuitima ñuribi ñuiti ꞌicën.

Tito 3:14

Usa ꞌain camina axa Jesucristomi sináncë unicaman upí ñuishi ꞌanan bëtsi uniribi ꞌaquinsa ꞌicë ꞌaquinun sinánmiti ꞌain, usaquin ꞌaquian uni raíriribi Jesucristomi catamënun ꞌaquinun.

Filemón 1:6

Mix Jesucristomi catamëquinmi ax cuëëncësabi oquin ꞌacë cupí, ca uni raírinëxribi ami catamëaxa. Acaman uisaira oquin cara Jesucristonën aín unicama ꞌaquinia quixun ꞌunánun cana aturibi Nucën Papa Dios ñucáxunin.

Hebreos 6:12

Mitsúxmi chiquish ꞌiti cananuna cuëëniman. Cananuna cuëënin, Nucën Papa Diosan aín quicësabi oquin ꞌaquincë́xa aín uni raírinëx a ëníma ami catamëti upiti ꞌia isími usaribiti ꞌiti.

2 Pedro 1:2

Mitsux Nucën Papa Dios ꞌimainun Nucën ꞌIbu Jesús an ꞌunánmicë ꞌaíshmi mitsúxmi ꞌicësamaira oi chuámarua ꞌaish bucucanti cana cuëënin.

2 Pedro 1:3

Nucën Papa Dios cushiira ꞌianan aín nuitu upíira ꞌixuan an nu ainan ꞌaish asaribi ꞌinun caíscë, an ca uisaira cara aín cushi ꞌicë quixun nu ꞌunánmiquin anúnu upitax ꞌiti ꞌimainun anúnu ax cuëëncësa oi ꞌiti a nu ꞌinánxa.

2 Pedro 2:20

Ënëx ca ësa ꞌicën: Ui unicaman cara Nucën ꞌIbu Jesucristomi catamëquin ñu ꞌatima ꞌati ëncë ꞌixunbi amiribishi ñunshínquin ñu ꞌatima ꞌatëcënia, a unicamax ca bëráma ꞌiásamaira ꞌinun ꞌuchaia.

2 Pedro 3:18

Nucën ꞌIbu Jesucristo an Nucën Papa Diosnan ꞌinun mitsu ië́micë, ax quicësabi oi ꞌiti ꞌunánquinbi camina bëríbi ꞌunáncësamaira oquin ꞌunánti ꞌain. ꞌUnánan camina an ca mitsu nuibatia quixun ꞌunani ainainra ꞌiti ꞌain. Bërí ꞌacësaribi oquin ca usabi oquin nëtë xënibua ꞌaínbi camabi aín unicaman a rabiti ꞌicën. Ashi, Pedro.