2 Pedro 1:3 - Kashibo-Kakataibo Biblia

³ Nucën Papa Dios cushiira ꞌianan aín nuitu upíira ꞌixuan an nu ainan ꞌaish asaribi ꞌinun caíscë, an ca uisaira cara aín cushi ꞌicë quixun nu ꞌunánmiquin anúnu upitax ꞌiti ꞌimainun anúnu ax cuëëncësa oi ꞌiti a nu ꞌinánxa.

Nukën 'Ibu Diosan ain unikama 'inan ain bana

³ Nucën Papa Dios cushiira 'ianan aín nuitu upíira 'ixuan an nu ainan 'aish asaribi 'inun caíscë, an ca uisaira cara aín cushi 'icë quixun nu 'unánmiquin anúnu upitax 'iti 'imainun anúnu ax cuëëncësa oi 'iti a nu 'inánxa.

2 Pedro 1:3 ပူးပေါင်းရင်းမြစ်များ

Salmos 110:3

Min unikamax ka a nëtënmi ꞌakanankin kupitanuma ꞌakë a nëtën minu rikuatsinti ꞌikën. Diosan bashi upí kakë anu ka atuxi kuanti ꞌikën, usa ꞌain kamina nëtë upíira urukian barin nibí ëskakë, usaribi mix kamabi nëtën ꞌiti ꞌain.

Salmos 84:11

Nukën ꞌIbu Dios an ka ꞌakianan nu bërúaia; Diosan ka uni an ñu upí ꞌai tsókë akama nuibanan ꞌakinia, ꞌakianan kana ꞌinanima kixun ñu upí ñonkinma ꞌinania.

Proverbios 31:10

Xanu an ñu ꞌati ꞌunán irakë ax ka ꞌashi buinxun bënë́kinshi mëratisama ꞌikën; ¡usa xanux ka ñu ꞌupíira iskësamaira ꞌikën!

Proverbios 31:29

An upíokin ñu mëëkë xanukama ka ꞌitsaira ꞌikën, ꞌaínbi kamina mixira atusamaira ꞌain.

Mateo 28:18

Usoquian rabicëxun ca Jesusan a rapasu cuanquin atu cacëxa: —ꞌËn Papa Diosan ca naínuxun ꞌanan menuxunribi añu ñu carana ꞌaisa tani a ꞌëx cuëëncësa oquin ꞌanun aín cushi ꞌë ꞌinánxa.

Romanos 8:32

An ca —ꞌën Bëchicë ca bamatima ꞌicë —quiquinma nun ꞌuchacama cupía bamanun ënë nëtënu aín Bëchicë xuacëxa. Usa ꞌixun ca aín Bëchicë cupínu nux upitax tsónun nu ꞌimianan anun nu upitax tsóti ñucamaribi nu ꞌinánti ꞌicën.

Romanos 9:24

Raírinëxa judíos uni ꞌimainun raírinëxribi judíosma uni ꞌicëbi ca Nucën Papa Diosan ainan ꞌinun nu ꞌimiaxa.

1 Corintios 1:9

Nucën Papa Diosan ca ax quicësabi oquin ñu ꞌaia. Mitsúnmi aín Bëchicë, Nucën ꞌIbu Jesúsbë ꞌixun, an sináncësaribi oquin sinánun ca mitsu caísacëxa.

2 Corintios 12:9

Ñucácëxunbi ca ꞌë caxa: “ꞌËn mi nuibaquin ꞌaquincëxun ꞌunani camina usashi ꞌiti ꞌain. An —cushima cana ꞌai —quixun sináncë uni, a cana ꞌën cushínbi upí oquin ñu ꞌanun ꞌaquinin”. Usoquin ca Nucën ꞌIbu Jesucristonën upiti ami catamëquin ñucë ꞌixunbi ñu ꞌanun ꞌë ꞌaquinia quixun ꞌunani cana ꞌëx ñucë ꞌaíshbi cuëënin.

Efesios 4:1

Usa ꞌain cana ꞌëx ainan ꞌixun Nucën ꞌIbu Jesucristo ñuiquin bana ñuixuncë cupí sipuacë ꞌixun mitsu cain, an caíscë aín unicamaxa usai ꞌiti oquian Nucën Papa Diosan mënóisabi oi camina ax cuëëncësabi oíshi ꞌiti ꞌain.

Efesios 4:4

Jesucristonan ꞌaish ca aín unicama achúshisaishi ꞌicën. An atu ꞌaquincë Nucën Papa Diosan Bëru Ñunshin Upí ax ca achúshishi ꞌicën. Usa áin ca bëtsin ꞌunáncësaribi oquin aín unicaman ꞌunania, Nucën Papa Diosan ca aín nëtënu abë ꞌinun nu caísacëxa quixun.

Filipenses 3:8

Judíos unicama Nucën Papa Diosan uni ꞌicë ꞌunántiocë ꞌaish ꞌiásamaira ca Nucën ꞌIbu Jesucristo amishi catamëti upíira ꞌicën. Usa ꞌain cana ꞌën ꞌá ñucama ñu ꞌatima pucësa oquin ëni Jesucristonan ꞌinux amishi catamëtin.

Filipenses 4:8

ꞌËn xucë́antu, ësaquinshi cana mitsu cain, unían ësa ñu ꞌaia isquin camina mitsun —ax ca asábi ꞌicë —quixun sinánti ꞌain, cëmëma banacama ꞌimainun —upí ca —quixun ñuicë ñucama, ꞌimainun uni itsi paránquinma upí ñu ꞌacë, ꞌimainun ñu ꞌatima ꞌati sinánquinma upíshi ꞌiti sináncë, ꞌimainun bëtsibë upiti nuibananti, acama ꞌimainun rabiquian unin —upí ca a uni ꞌicë —quixun mitsu ñuixuncë, acama. ꞌImainun camina uisa ñu ꞌati cara upí ꞌicë, uisa ñu ꞌati ñui cara —asábi ca —quiax uni quiti ꞌicë, acama sinánti ꞌain.

Colosenses 1:16

Nucën Papa Diosan uniomicëxun ca aín Bëchicënën naínu ꞌicë ñucama ꞌimainun menu ꞌicë ñucamaribi ꞌanan bëtsi bëtsi ñu unin aín bërúnbi iscë ꞌimainun unin iscëma ñucamaribi uniocëxa. Usonan ca ángelcama ꞌimainun uisa cushi cara, acamaribi uniocëxa, ainan ꞌaish ax cuëëncësabi oi ꞌinun.

1 Tesalonicenses 2:12

Mitsúxmi Nucën Papa Dios, axa upíira, ax mitsubë ꞌain, aín nëtë upí anu abë ꞌiti sinani, an sinánmicësabi oíshi aín uni ꞌaish ꞌinun quixun cananuna mitsu upí oquin ꞌësëquin ꞌunánmian.

1 Tesalonicenses 4:7

Nucën Papa Diosan ca usaquin ñu ꞌatima ꞌanux ainan ꞌinun nu ꞌimicëma ꞌicën. Ama. Ax cuëëncësabi oquin ꞌai upíshi ꞌinun ca nu ainan ꞌimiaxa.

2 Tesalonicenses 2:14

Nucën Papa Diosan ca nun nu —Jesucristomi catamëti ca uni ainan ꞌiti ꞌicë —quixun aín bana ñuixuncëxmi ami catamëti, asaribi upí ꞌaish aín nëtënu abë ꞌinun mitsu caísaxa.

1 Timoteo 4:8

Ënëx ca ësa ꞌicën. Camabi nëtën cuai aín nami bachura ꞌianan cushi ꞌaish ca uni upiti cuai cuëënia. Usai cuëëncësamaira oi ca camabi nëtën upíira oquin sinánquin Nucën Papa Dios cuëëncësabi oquin ꞌai, uni ënë menuax upitax bucui cuëëanan usai ꞌitancëx Nucën Papa Diosan nëtënuaxribi abë ꞌaish cuëënti ꞌicën.

2 Timoteo 1:9

Nucën Papa Diosan ca nu ië́miquin ainan ꞌimiacëxa, nuxnu ax cuëëncësabi oíshi upí ꞌinun. Nun ñu upí ꞌacë cupíma, axbi nuxnu ainan ꞌiti cuëënquinshi, ca nu nuibaquin Jesucristo cupí nu ainan ꞌimiacëxa. Camabi ñu uniocëma pain ꞌixun ca Nucën Papa Diosan nuibaquin, Cristo Jesusan nu ië́minun mëníocëxa.

Hebreos 1:3

Nucën Papa Dios ax ca unin sinánsamaira ꞌaish upíira ꞌicën. Usa ꞌain ca aín Bëchicë Jesucristo axribi asaribi ꞌicën. Usa ꞌain ca uisa cara ax ꞌiacëxa quixun ꞌunánquin unin ꞌunánti ꞌicën, aín Papa Dios ax ca asaribi upí ꞌicë quixun. An unio ꞌixun ca an unio ñucama, aín banánbia usabi ꞌinun ꞌimia. Usa ꞌaish ca camabi unin ꞌucha tërë́ncë ꞌinun bamax baísquitancëx, aín Papan nëtënu cuan ꞌaish aín mëqueu abë ꞌApu ꞌicën.

1 Pedro 1:15

Nucën Papa Dios, an mitsu ainan ꞌinun Jesucristomi sinánmia, ax ca uisa ꞌuchañumabi ꞌicën. Usa ꞌain camina mitsúnribi añu ꞌuchabi ꞌatima ꞌain.

1 Pedro 1:5

A nëtënu ꞌiisama pain ꞌaíshmi ënë nëtënuaxbi ami catamëtia isquin ca Nucën Papa Diosan aín cushínmi ñu ꞌatima ꞌaíma upíshi ꞌinun mitsu bërúanquin ꞌaquinia, an mëníosabi oími Jesucristoa utëcëncëbë aín nëtënu abë tsónun.

1 Pedro 2:21

Usaími ꞌinun ca Nucën Papa Diosan mitsu aín uni ꞌimiaxa. Cristonën ca ñu ꞌatima ꞌacëma ꞌixunbi mitsu cupí tëmëracëxa. Usaribi oquin camina ñu atima ꞌacëma ꞌaish tëmëraquinbi tanshiti ꞌain.

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.

1 Pedro 3:9

An mitsu ꞌatimocë unicama camina cupiquin aribi ꞌatimotima ꞌain. Axa mitsumi ꞌatimati banacë unimi camina mitsúxribi ꞌatimati banatima ꞌain. Usai ꞌimi bëtsibë nuibanani upitax bucunun ca Nucën Papa Diosan ainan ꞌinun mitsu caísacëxa.

1 Pedro 5:10

Usabi ꞌinúxmabimi tëmëracë ca Nucën Papa Diosan mitsu cushioquin Jesucristosaribi upí ꞌinun mitsu ꞌimianan —aín bana quicësabi oi cana asérabi ꞌiti ꞌai —quixun ꞌunani ami cushinun mitsu ꞌimiti ꞌicën. Ax ca an mitsu nuibaquin ꞌaquincë ꞌianan Jesucristonan cupí abë́mi xënibua ꞌaínbi upitax ꞌinun caíscë a ꞌicën.

2 Pedro 1:10

ꞌËn xucë́antu, usa ꞌain Nucën Papa Diosan ainan ꞌiti caíscë ꞌaish camina an cacësabi oi ꞌinux bërúanracati ꞌain. Usa ꞌiquin camina Nucën Papa Diosmi sinánti ënquin ñu ꞌatima ꞌatima ꞌain.

2 Pedro 1:2

Mitsux Nucën Papa Dios ꞌimainun Nucën ꞌIbu Jesús an ꞌunánmicë ꞌaíshmi mitsúxmi ꞌicësamaira oi chuámarua ꞌaish bucucanti cana cuëënin.

2 Pedro 1:5

Usai mitsux Nucën Papa Diosmi catamëcë ꞌixun camina upí ꞌixun ënquinma ñu upíshi ꞌati sinánquin ꞌati ꞌain. Upí ñu ꞌacë ꞌixun camina Nucën Papa Dios cuëëncësabi oi caramina uisai ꞌiti ꞌai quixun ꞌunánti ꞌain.

2 Pedro 1:6

Usai ꞌiti ꞌunáncë ꞌixun camina ñu ꞌaisama ꞌaisa tanquinbi tënëanan cushixun Nucën Papa Diosan a ꞌanun mitsu ꞌináncë ñu asérabi ꞌati ꞌain. Usaquin ꞌacë ꞌixun camina mitsumi uisa ñu cara ꞌicëbëtanbi bënë́quinma tanshiti ꞌain. Usaquin ꞌai camina Nucën Papa Diosmi asérabi sinánti ꞌain.

2 Pedro 1:8

Asérabi usai ꞌi camina an uni itsin Jesucristomi sinánun ꞌaquincëma unisa ꞌitima ꞌain. Usai ꞌi camina ñancábimi Nucën ꞌIbu Jesucristomi sináncë ꞌitima ꞌain.

2 Pedro 2:20

Ënëx ca ësa ꞌicën: Ui unicaman cara Nucën ꞌIbu Jesucristomi catamëquin ñu ꞌatima ꞌati ëncë ꞌixunbi amiribishi ñunshínquin ñu ꞌatima ꞌatëcënia, a unicamax ca bëráma ꞌiásamaira ꞌinun ꞌuchaia.

2 Pedro 3:18

Nucën ꞌIbu Jesucristo an Nucën Papa Diosnan ꞌinun mitsu ië́micë, ax quicësabi oi ꞌiti ꞌunánquinbi camina bëríbi ꞌunáncësamaira oquin ꞌunánti ꞌain. ꞌUnánan camina an ca mitsu nuibatia quixun ꞌunani ainainra ꞌiti ꞌain. Bërí ꞌacësaribi oquin ca usabi oquin nëtë xënibua ꞌaínbi camabi aín unicaman a rabiti ꞌicën. Ashi, Pedro.

Rut 3:11

ꞌËn kana mi kain, usa aín kamina rakuë́tima ꞌain, kamabi ꞌën ëmanu tsókë unikaman ka ꞌunánxa, mix kamina achúshi xanu upí sinánñu ꞌai kixun. Usa ꞌain kana añu ꞌanun kaina ꞌë kain a mi ꞌaxúnti ꞌain.