2 Pedro 1:16 - Kashibo-Kakataibo Biblia

¹⁶ Nucën ꞌIbu Jesucristonën cushi ñuixuanan aín utëcënti ñuiquin nun mitsu cacë bana ax ca unían anbi sinánxun ñuicë banama ꞌicën. Nucën bërúnbi cananuna Nucën ꞌIbu Jesucristonëan aín cushínbi ñu ꞌaia isacën.

Nukën 'Ibu Diosan ain unikama 'inan ain bana

¹⁶ Nucën 'Ibu Jesucristonën cushi ñuixuanan aín utëcënti ñuiquin nun mitsu cacë bana ax ca unían anbi sinánxun ñuicë banama 'icën. Nucën bërúnbi cananuna Nucën 'Ibu Jesucristonëan aín cushínbi ñu 'aia isacën.

2 Pedro 1:16 ပူးပေါင်းရင်းမြစ်များ

Malaquías 3:2

ꞌAínbi kara, ¿uin anúan ꞌuti nëtë a sënë́nkëbë ax ukëbëtan tënëti ꞌik? ¿Usa ꞌain kara uix ñu ꞌatima ꞌai ꞌuchakëma ꞌaish a bëtánain anubi niti ꞌik? Ax ka tsi ërë́tia iskësa ꞌaish nukama upí ꞌinun mëníonux ꞌuti ꞌikën; ꞌianan ka jabonan chukakëxun chupa chua tërëkakësa usaribi okin nun ꞌucha tërë́kati ꞌikën.

Malaquías 4:5

Mitsun kamina ꞌunánti ꞌain: ꞌËn kana an ꞌën bana ñuikë Elías ꞌëx anun uti nëtë ꞌikëmapan ꞌain xuti ꞌain, a nëtëx ka achúshi nëtë chaiira ꞌaish ami rakuë́ti ꞌiti ꞌikën.”

Mateo 16:27

ꞌËx cana ꞌën Papa Diosan nëtënu cuantancëx anu abë ꞌApu ꞌiti ꞌain. ꞌËx ꞌApu ꞌaish utëcëncëbë ca ꞌën ángelcamaribi uti ꞌicën. Uxun cana unicama achúshi achúshi atun nuitu ꞌunánquin an ñu ꞌatima ꞌacë unicama a ꞌatimonan an upí ñu ꞌacë unicama ꞌëbë ꞌinúxa cuëënun ꞌimiti ꞌain.

Mateo 16:28

ꞌËn cana asérabi mitsu cain, axa ënu ꞌëbë ꞌicë uni raírinën ca bamacëma pain ꞌixun, uni ꞌinux Nucën Papa Diosnuax uá ꞌicë, ꞌëx cana asérabi ꞌën unicaman cushi ꞌai quixun isti ꞌicën.

Mateo 17:1

Usaquin aín ꞌunánmicë unicama catancëx ca mëcën achúshi ꞌimainun achúshi nëtë ꞌicëbë aín ꞌunánmicë uni raíri ëbiani, Pedrocëñun Jacobo ꞌimainun aín xucën Juan, acamaishi buani Jesús matánu cuancëxa.

Mateo 24:27

Mëríquin ca canacan anúan bari urucë ꞌimainun anúan bari cuabúcë, camabi naicamëꞌëo pëcaia. Usaribi ca uni ꞌinux Nucën Papa Diosnuax uá, ꞌëx utëcënti ꞌiti ꞌicën.

Mateo 24:3

Usaquin atu cabiani cuanx matá me Olivos cacë anu tsóbutia ca uni ꞌaíma ꞌain, aín ꞌunánmicë unicaman a nëbë́tsioraquin cacëxa: —¿Uínsaran cara mixmi quicësabi oi anuxun Nucën Papa Dios rabiti xubu aín maxáxcama rurupacë ꞌiti ꞌic? ¿Mix anun utëcënti nëtë anúan ënë mecama cëñúti, a nëtëx ca ꞌuramacuatsinia quixun ꞌunánuxun caranuna uisa ñu ꞌia isti ꞌain? A camina nu ñuixunti ꞌain.

Mateo 28:18

Usoquian rabicëxun ca Jesusan a rapasu cuanquin atu cacëxa: —ꞌËn Papa Diosan ca naínuxun ꞌanan menuxunribi añu ñu carana ꞌaisa tani a ꞌëx cuëëncësa oquin ꞌanun aín cushi ꞌë ꞌinánxa.

Marcos 13:26

Usaía ꞌicëbëtan ca uni ꞌinux Nucën Papa Diosnuax uá, ꞌën nëtë cuin mëúxun ꞌën cushin pëcabëtsinia unicaman isnuxun ꞌaia.

Marcos 14:62

Cacëxun ca Jesúsan cacëxa: —ꞌËx cana a ꞌain. Mitsux camina uni ꞌinux anuax uá, ꞌë, Nucën Papa Dios cushiira, abë ꞌApu ꞌaish aín mëqueu tsócë isanan ꞌëx naí cuin mëucüax utëcënia isnuxun ꞌain.

Lucas 9:43

Usaquin ꞌaia isi ca anu ꞌicë unicama —Nucën Papa Diosan cushínshi ca Jesusan usaquin ꞌaxa —quixun sinánan —aín cushix ca bëtsi cushisamaira ꞌicë —quixun sinani ratúacëxa. An ca bëtsi unían ꞌacëma ñu ꞌaia quixuan unicaman ñuimainun ca Jesusan aín ꞌunánmicë unicama ësaquin cacëxa:

Juan 1:14

Nucën Papa Diosan Bana a ca bëtsi tuásaribi ꞌinun xanun bacë́ancëxa, uni ꞌinun. Nucën Papa Diosan sinánsaribi ꞌixun ca ënë menu ꞌicë unicama abë ꞌixun nuibacëxa. Ax aín Bëchicë Achúshi ꞌaish aín Papa Diossaribi ꞌaish aín sinan upíira upí cananuna isacën.

Juan 17:2

Min camina ui unicama caramina min Bëchicë ꞌëmi sinánmi, acamaxa xënibua ꞌaínbi minan ꞌaish mibë ꞌinun ꞌiminun ꞌë can.

Romanos 1:4

Usa ꞌicëbi ca bamatancëx baísquicë cupía, Nucën Papa Diosan Bëru Ñunshin Upitan ꞌamicëxun unin ꞌunánti ꞌicën, Nucën ꞌIbu Jesucristo ax ca Nucën Papa Diosan Bëchicë ꞌianan asaribi upí ꞌaish cushiira ꞌicë quixun.

1 Corintios 1:17

Cristonën ca uni nashiminun ꞌë cáma ꞌicën. Uni aín ꞌuchacama tërë́ncë ꞌaish Nucën Papa Diosnan ꞌinun ië́minux ca Cristo i curúsocënu bamacëxa quixun camabi uni canun ca Cristonën ꞌë ꞌimiacëxa. An quirica ꞌunáncë unicamaxa quicësai unin cuaisama banan banaquinma unin cuaisabi oquin, upí oquin aín bana ñuixunun ca ꞌë cacëxa.

1 Corintios 1:23

A unicamaxa usa ꞌaínbi cananuna nun i curúsocënu matáscë Cristo, a ñuiquin unicama bana ñuixunin. A bananu nun unicama ñuixuncëbë ca judíos unicamax rabini, uisa ꞌaish caraisa Cristo i curúsocënu bamati ꞌicë quixun sinani, ami catamëisama tania. Usaía judíos unicama ꞌimainun ca judíosma unicaman —Diosan Bëchicë ca i curúsocënuax bamacëxa —quixun ñuiquin ꞌusania.

1 Corintios 1:7

Usa ꞌixunmi Nucën ꞌIbu Jesucristo utëcënti nëtë cainia ca Nucën Papa Diosan aín unicama ꞌaquincësaribi oquin ami ꞌunánun mitsu ꞌaquinia.

1 Corintios 2:1

ꞌËn xucë́antu, Nucën Papa Diosan bana mitsu ñuixuni cuanxun cana an quirica ꞌunáncë unicamaxa quicësai unin cuaisama banan banaquinma mitsu ñuixuan.

1 Corintios 2:4

An ñu ꞌunáncë unían aín sinanënshi sinánquin bana ñuicësa oquin cana Jesucristo ñuiquin mitsu ñuixuncëma ꞌain. Ama, aín Bëru Ñunshin Upitan ꞌaquincëxun cana Nucën Papa Diosan cushínshi ñuixunquin Jesucristomi catamënun mitsu sinanamian.

1 Corintios 5:4

Usa ꞌain camina ami sinánquin an cushiocëxun Nucën ꞌIbu Jesucristo cuëëncësa oquin ꞌanux timë́ti ꞌain, ꞌënribi an cushiocëxun, an ca mitsu ꞌaquinia quixun sinánxunmainun.

2 Corintios 2:17

ꞌItsa unin ca curíqui biti cupíshi Nucën Papa Diosan bana ñuixunquinbi a bana quicësa oquin ñuiquinma bëtsi oquin ñuixunia. Usa ꞌaíshbi cananuna nux a unicamasama ꞌain. Usa ꞌixun cananuna Cristonan ꞌianan Nucën Papa Diosan nu aín bana ñuixunun caíscë ꞌixun, axa cuëëncësabi oquin aín bana unicama ñuixunin.

2 Corintios 4:2

Uni itsimi unë́xunu ꞌacë ñucama ënquin cananuna a ꞌaínu rabínti ñu ꞌatimaribi ꞌaiman. Uni paránti sinánquinma cananuna Nucën Papa Diosan banaribi bëtsi oquinma ax asérabi quicë banaishi uni ñuixunin. Usaquin ñuixunia cuaquin ca camabi unin ꞌunánti ꞌicën, Nucën Papa Diosan iscëxun cananuna ax quicësabi oquin aín bana ñuixuni quixun.

Efesios 4:14

Usai ꞌi cananuna bërámanu ꞌiásaribiti bërí ꞌitima ꞌain. Bërí cananuna tuáxunratsunën unín paráncëxun sinánbëquincësa ꞌaish unín bëtsi bëtsi bana ñuixunquin paráncëxun amanua amanua sinani usaribi ꞌitima ꞌain. An uni paráncë unicaman cëmëquin nu paránquin ñu ꞌatima ꞌanun quixun ꞌimicëx usai ꞌiá ꞌaíshbi cananuna bërí usai ꞌitëcëntima ꞌain.

Filipenses 3:21

Nux bamai chëquiti ꞌicëbi ca ax uquin nu axa bamax baísquiasaribi oquin, asaribi ꞌinun, nu bëtsi oti ꞌicën. Usonan ca aín cushi anun ax camabi ñun ꞌibu ꞌiti anúnribi nu bëtsi oti ꞌicën.

1 Tesalonicenses 2:19

¿Nucën ꞌIbu Jesucristo ucëbëtan añu isti caranuna cuëënin? Abë ꞌicë mitsu isi cananuna cuëëinra cuëënti ꞌain, nun mitsu aín bana ñuixuncë cupí camina abë ꞌai quixun sinani.

2 Tesalonicenses 2:9

Cëmëi paránanti ꞌunáinra uni ax ca ñunshin ꞌatimanën ꞌapu, Satanás, an ꞌimicëx aín cushibë uti ꞌicën. Uquin ca cushiira ꞌixun unían ꞌacëma ñu ꞌitsaira aín cushínbi ꞌaquin uni paránti ꞌicën.

1 Timoteo 1:4

Usa ꞌain camina a unicama cati ꞌain, uni raírinëan nun rara tsóa ꞌimainun uisai cara nun rara ꞌiacëxa quixun ñuicë banacama a cuaxunma ꞌanun quixun. Usa banacama cuati ca uni ñancábi cuëbicanania. Usa ꞌain ca an a banacama ñuicë unicaman Jesucristomi catamëquin Nucën Papa Dios cuëëncësabi oquin ꞌanun nu ꞌaquinima.

1 Timoteo 4:7

Usai ꞌiquin camina unían aín rara usai ꞌiá bana ñuicëbëtanbi, usaribi oquin ꞌaquinma, upíira oquin sinánquin Nucën Papa Dios quicësabi oquin ꞌati ꞌain.

Tito 1:14

Unin sináncësa oquinshia judíos unicaman anbi sinánxun ñuiá bana cuaxunma ꞌanun camina sinánmiti ꞌain. Sinánmianan camina an Nucën Papa Diosan bana cuaisama tancë unin cëmëquin ñuicë banaribi cuaxunma ꞌanun upí oquin sinánmiti ꞌain.

2 Pedro 2:3

A unicaman ca mitsun curíqui biti cupíshi cëmëquin paránquin Nucën Papa Diosan banamabi, anbi sináncë bana mitsu ñuixunti ꞌicën. Usaquian ꞌacë cupí ca ië́tima cëñúti ꞌicën, usai atux ꞌitia Nucën Papa Diosan mëníosabi oi.

1 Juan 4:14

Nunbi cananuna, an atun ꞌucha tërë́nquin ënë menu ꞌicë unicama ainan ꞌinun ië́minuan Nucën Papa Diosan xuá, aín Bëchicë a isacën. Isá ꞌixun cananuna a ñuiquin mitsu cain.

Judas 1:14

Ax pain unia nucën rara Adán aín rëbúnqui nucën rara Enoc, ax ca Nucën Papa Diosan sinánmicëx usa uni ñui ësai quiacëxa: “ꞌËn iscëx ca Nucën ꞌIbu Dios camabi ꞌaisamaira aín uni upícaman nëpúamainun uaxa.

Apocalipsis 1:7

Ca is, Cristo, ax ca naí cuin mëu bëbacuatsini unuxun ꞌaia. Aia ca camabi unicaman isti ꞌicën, an manë xëtocën taro, acamánbi ca aia isti ꞌicën. Ax ucëbë ca camabi menu ꞌicë unicama ami sináncëma ꞌaish masá nuituti inti ꞌicën. Asérabi ca usai ꞌiti ꞌicën.