2 Corintios 9:8 - Kashibo-Kakataibo Biblia

⁸ Nucën Papa Diosan ca camabi ñu anúnmi mitsux ami sinani cuëëni bucuti mitsu ꞌinánti ꞌicën. ꞌInánan ca anúnmi usaribi oquin bëtsi uniribi ꞌaquinun mitsu ꞌinánti ꞌicën.

Nukën 'Ibu Diosan ain unikama 'inan ain bana

⁸ Nucën Papa Diosan ca camabi ñu anúnmi mitsux ami sinani cuëëni bucuti mitsu 'inánti 'icën. 'Inánan ca anúnmi usaribi oquin bëtsi uniribi 'aquinun mitsu 'inánti 'icën.

2 Corintios 9:8 ပူးပေါင်းရင်းမြစ်များ

Salmos 84:11

Nukën ꞌIbu Dios an ka ꞌakianan nu bërúaia; Diosan ka uni an ñu upí ꞌai tsókë akama nuibanan ꞌakinia, ꞌakianan kana ꞌinanima kixun ñu upí ñonkinma ꞌinania.

Proverbios 3:9

Nukën ꞌIbu Dios kamina ami ꞌarakakë min ñukama ꞌinánti nankë a ꞌinánan kamina, min naënu ꞌapákëxa tsinasati tuákë aribimi bixun ꞌinántimi nankë a ꞌinánti ꞌain;

Malaquías 3:10

Mitsun kamina kamaxunbi anuxun ꞌë rabiti xubunu nankë ñu upíira a kamaira ꞌinankimabi ꞌë ꞌinánti nankë a ꞌë nanxunti ꞌain, usakin ꞌakëbë ka sacerdote ꞌimainun levitakaman piti ꞌitsaira ꞌiti ꞌikën. Usakin a ñu ꞌakin kamina ꞌë tanti ꞌain, tankëxun kana ꞌëx kikësokin ꞌakin naíkamë ꞌëo xëkuëkama xëókikëbë ꞌikësa ꞌinua mitsunu a piti ñu ꞌaisamaira ꞌinun ꞌimiti ꞌain.

Hechos 9:36

Jesucristomi sináncamainun ca Jope cacë ëmanu ꞌicë xanu achúshi Tabita, aín anë itsi Dorcas, anribia Nucën Papa Diosan bana cuacë, ax ꞌiacëxa. A xanun ca ñu upíshi ꞌaquin usabi ocë ꞌixun ñuñuma unicama ñu ꞌináncëxa.

1 Corintios 15:58

ꞌËn nuibacë xucë́antu, uisa ñu cara ꞌicëbëbi camina ëníma ami catamëti Nucën ꞌIbu Jesucristo cuëëncësabi oi ꞌiquin aín bana unicama ñuixunti ꞌain. Camina ꞌunanin, usaquinmi Cristonëan cushiocëxun ꞌacë ax ca ñancábimi ꞌacëma ꞌicën. Usaquin ꞌunánquin camina ënquinma mitsun ꞌacësamaira oquin nëtë camabi ꞌati ꞌain.

2 Corintios 13:3

Mitsun camina upí oquin ꞌunántisa tan, carana Cristonën sinánmicësabi oquin unicama bana ñuixuni quixun. ꞌËx mitsu isi amiribishi cuanxun, an ñu ꞌaisama ꞌacë unicama cushin cacëbëtan, camina ꞌunánti ꞌain, Cristo ax ca asérabi ꞌëbë ꞌicë quixun. Cristo ax ca cushiñúmama ꞌicën. Usa ꞌixun ca mitsu sinanamianan ami catamëtími upí ꞌinun ꞌimiquin, aín cushi mitsu ismiti ꞌicën.

2 Corintios 8:19

A uni ca camabi ëmanuxun axa Jesucristomi catamëcë unicaman ënë ñu mëëti nu ꞌaquinia nubë cuanun caísaxa. Mitsúnmi usoquin ꞌináncë isquian unicaman Nucën ꞌIbu Jesús rabinun cananuna ënë curíqui bixun Jerusalénu ꞌicë unicama ꞌinani cuanin.

2 Corintios 8:2

Amia uni nishmainun bëtsi ñu cupíribi tëmëraquinbi Jesucristomi catamëti ëníma ca chuámaruaishi ꞌaish bucuia. Chuámarua ꞌixun ca ñuñuma ꞌixunbi cuëënquin ñuñu unin ꞌacësa oquin curíqui ꞌinánxa.

2 Corintios 8:7

Raírinëan ꞌacësamaira oquin camina upí oquin sinani Jesucristomi catamëanan, Nucën Papa Diosan bana ꞌunánquin a bana uni ꞌunánmiti ꞌunánan, asérabi chiquíshquinma cuëënquin ñu ꞌanan, asérabi nu nuiban. Usaquin ꞌaxun camina raírinëan ꞌacësamaira oquinribi Jerusalénu ꞌicë unicama nuibaquin atu buánmiti curíqui timëquin nanti ꞌain.

2 Corintios 9:11

Usa ꞌain ca ñonquinmami anun uni itsi ꞌaquinun Nucën Papa Diosan camabi ñu mitsu ꞌinánti ꞌicën. An ꞌináncëxunmi mitsun buánmicë curíqui nun ꞌináncëxun biquin ca Jerusalénuaxa ax Jesucristomi catamëcë unicaman —asábi ca —caquin Nucën Papa Dios rabiti ꞌicën.

Efesios 2:10

Cristo Jesús nubë ꞌinúan an ꞌimicëxun ñu upíshi ꞌanan nun sinan bëtsi ꞌinun ca an mëníosabi oquin nu ꞌimiaxa.

Efesios 3:20

Ax cushiira ꞌaish nubë ꞌixun ca Nucën Papa Diosan nun ñucácësamaira oquin nu ꞌaxúanan nun sináncësamaira oquinribi sinánxunquin nu ꞌaquinti ꞌicën.

Filipenses 4:11

Usa ꞌain cana uni ucëbëmabi asábi ꞌian. Ñuñu ꞌaish ꞌicësaribiti cana ñuñuma ꞌaíshbi bënëtiman.

Colosenses 1:10

Mitsux usai ꞌi camina Nucën ꞌIbu Jesucristonan ꞌaísha uni ꞌicësai ꞌiti ꞌain. Usa ꞌaish camina ax cuëëncësabi oquinshi ꞌaquin, uisa ñu cara upí ꞌicë ashi ꞌanan, asérabi mitsun nuitu mëu upí oquin Nucën Papa Dios ꞌunánti ꞌain.

2 Tesalonicenses 2:17

anbia, mitsu upí oquin sinánmianan Jesucristomi catamëti ënquinma ax cuëëncësabi oquin upí banaishi ñuianan ñu upíshi ꞌanun ꞌaquinti cuëënin.

2 Timoteo 2:21

Usaribiti ca an Nucën ꞌIbu Diosbëtan upí ñu mëëti ꞌacë uni ax añu ñu ꞌatimabi ꞌati sináncëma ꞌiti ꞌicën. Usa ꞌaish ca uisa ñu upía ꞌanun cara Nucën ꞌIbu Dios cuëënia, a cuëënquin ꞌanuxun caínti ꞌicën.

2 Timoteo 3:17

Usaquin ꞌunani ami catamëcë ꞌixuan aín unicaman bëtsi unicamaribi ꞌunánminun ca Nucën Papa Diosan aín bana aín unicama cuënëomiacëxa.

Tito 2:14

Jesucristo ca ꞌitsianxmabi nu cupí bamacëxa, nun ꞌuchacama tërë́nxunquin Nucën Papa Diosbë upí ꞌinun ië́mianan nun sinan upí ꞌixúnu bëtsi ñu sinántëcënquinma ax cuëëncësabi oquinshi ꞌanun.

Tito 3:14

Usa ꞌain camina axa Jesucristomi sináncë unicaman upí ñuishi ꞌanan bëtsi uniribi ꞌaquinsa ꞌicë ꞌaquinun sinánmiti ꞌain, usaquin ꞌaquian uni raíriribi Jesucristomi catamënun ꞌaquinun.

Tito 3:8

Ënë banacamax ca asérabi upí ꞌicën. Usa ꞌaían ax quicësabi oi camabi uni ꞌiti ca asábiira ꞌicën. Usa ꞌain camina axa ami catamëcë unicama Nucën Papa Dios cuëëncësabi oi ꞌiquian ënquinma ñu upíshi ꞌanun upí oquin ꞌësëti ꞌain.

1 Pedro 4:10

Mitsúnmi raíri uni ꞌaquinun ca Nucën Papa Diosan uisa ñu caramina ꞌati ꞌai quixun mitsu ꞌimia. Usa ꞌain camina Nucën Papa Diosan mitsu achúshi achúshi bëtsi bëtsi ñu mëëti ꞌanun ꞌimicë ꞌixun mitsun ñu mëëti upí oquin ꞌati ꞌain.