2 Corintios 9:5 - Kashibo-Kakataibo Biblia

⁵ Usa ꞌain cana ënë unicama atux pain cuanxuan, mitsun sinánsabi oquin curíqui timëti ꞌaquinun quixun rëcuë́onquin xuti sinan. Usoquin mitsun ꞌaia ca axa ꞌëbë cuancë unicaman ꞌunánti ꞌicën, nun sinánmicëxunmabi camina mitsúxbi cuëënquin curíqui Jerusalénu ꞌicë unicama ꞌinani quixun.

Nukën 'Ibu Diosan ain unikama 'inan ain bana

⁵ Usa 'ain cana ënë unicama atux pain cuanxuan, mitsun sinánsabi oquin curíqui timëti 'aquinun quixun rëcuë́onquin xuti sinan. Usoquin mitsun 'aia ca axa 'ëbë cuancë unicaman 'unánti 'icën, nun sinánmicëxunmabi camina mitsúxbi cuëënquin curíqui Jerusalénu 'icë unicama 'inani quixun.

2 Corintios 9:5 ပူးပေါင်းရင်းမြစ်များ

Génesis 33:11

ꞌËn kana mi ꞌinaishiti ñukama bëkë ënëmi binun mi kain Nukën ꞌIbu Diosan ka ꞌitsaira ñuñuira ꞌinun ꞌë ꞌimiaxa, usa ꞌain kana ñuñumama ꞌain. Ësakian Jacobnën ꞌuran kakëxun ka Esaúnën an ꞌinánkë ñuinakama biakëxa.

2 Reyes 5:15

Usai ꞌi pëxkukiani ka abëa kuankë unikamabë an bana ñuikë Eliseo isi anu kuankëxa. Kuanx anu bëbakin ka Naamánnën kakëxa: —¡Bërí kana ꞌën upíokin ꞌunanin kamabi menu ka Dios ꞌaíma ꞌikën, ꞌaínbi ka Israel menushi achúshi Dios ꞌikën! Usa ꞌain kamina an mi ñu ꞌaxúnti uni ënën mi ñu ꞌinaishikaskëxun ꞌëmi pëxkukë kupí bishiti ꞌain.

1 Corintios 16:2

Domingo nëtëcaman camina mitsu achúshi achúshinën mitsúnmi bicë curíqui uiti caramina ꞌinánuxun nanti ꞌai quixun upí oquin sinántancëxun min xubunuxun nanti ꞌain. ꞌËx bëbacëbëtan ꞌatima cupí camina usaquin ꞌati ꞌain.

2 Corintios 8:6

Macedonianu ꞌicë unían ꞌacë sinánquin cananuna an bëráma mitsúnmi Jerusalénu buánmiti curíqui biquinbi sënë́onma cupí, a sënë́onquin bitsia isía cuanun quixun Tito xutin.

2 Corintios 9:3

Usa ꞌaínbi cana ꞌën mitsu ñuiquin atu cacë bana cëmë ꞌiti rabanan, ënë unicama mitsunu cuanun xutin, ꞌëx quicësabi oía mitsun curíqui mëníocë ꞌiti cupí.

2 Corintios 9:6

Ësa ca quixun camina sinánti ꞌain, an ñu bëru ꞌitsama ꞌapácë uni, an ca aín bimiribi ꞌitsamaribi bitsia. Usaribi oquin ca an ñu bëru ꞌitsa ꞌapácë uni an aín bimiribi ꞌitsa bitsia.

Filipenses 4:17

Mitsúnmi ꞌë curíqui ꞌináncë ashi sinanima cana ꞌëmi ꞌaquincë cupími mitsux Nucën Papa Diosan iscëx upí ꞌiti cuëënin.