2 Corintios 9:15 - Kashibo-Kakataibo Biblia

¹⁵ ¿Nucën Papa Diosan aín Bëchicë achúshi nu ië́minuxa bamanun xuá, a sinani caranuna uisairai quiti ꞌain? A sinánquin cananuna cuëënquin —asábi ca —caquin ꞌitsaira rabin.

Nukën 'Ibu Diosan ain unikama 'inan ain bana

¹⁵ ¿Nucën Papa Diosan aín Bëchicë achúshi nu ië́minuxa bamanun xuá, a sinani caranuna uisairai quiti 'ain? A sinánquin cananuna cuëënquin —asábi ca —caquin 'itsaira rabin.

2 Corintios 9:15 ပူးပေါင်းရင်းမြစ်များ

Isaías 49:6

ax ka ësai kia: ꞌËn uni ꞌixunmi min Jacobnën rëbúnki, Israel unikama axa ñuima ꞌiakama a aín ñakánubi utëkënun ꞌakinkë ax ka ꞌën iskëx sënë́nmara ꞌikën, ꞌën kana ꞌën tirísa ꞌixunmi bëtsi menu ꞌikë unikama bana ñuixuanan, uinu kara me kuainakëakëxa anubi kuankin bana ñuinun mi ꞌimiti ꞌain.

Isaías 9:6

Usa ꞌain ka nunu achúshi tuá bakënun ꞌimiaxa, Diosan ka nukama achúshi tuá ꞌinánxa, a tuá ka axa ꞌapu ꞌitiokin aín kushi ꞌinánkë ꞌiti ꞌikën. Usa ꞌikë ka ësokin kakë ꞌiti ꞌikën: “An bana ñuixunkin ꞌësëkëxun kuati upitani kuëënti,” “Dios uínbi kanantisama,” “Nukën papa Dios axa këñutima oi tsókë,” “Achúshi ꞌapun rëkuë́n bëchikë chuámarua ꞌinun uni ꞌakinux bakë́an.”

Lucas 2:14

—¡Naínu ꞌicë Nucën Papa Dios rabinun ca ꞌat! ¡Ënë nëtënuaxa Nucën Papa Diosbë upí ꞌicë unicamax ca chuámashirua ꞌican!

Lucas 2:38

Josébë María a bëi atsíncëbë axribishi anuxun Nucën Papa Dios rabiti xubunu atsínquin ca Anan Jesús isacëxa. Isi cuëënquin ca —asábi ca —caquin Nucën Papa Dios rabiacëxa. Rabiquin ca anu ꞌicë uni an anun Jerusalénu ꞌicëcama ꞌimainun camabi judíos uni chuámarua ꞌinux ië́ti nëtë caíncë unicama, a Jesús ñuiquin —an nu ië́miti a ca ënëx ꞌicë —quixun cacëxa.

Juan 1:16

An ca aín sinan upíira ꞌixun ax ꞌicësaribitinu nun sinan upí ꞌinun nuibaquin ënquinma nu ꞌaquinia.

Juan 3:16

Camabi uni asérabi nuibaquin ca Nucën Papa Diosan aín Bëchicë achúshi ënë menu xuacëxa, uicamax cara ami catamëtia axa nëtë́timoi abë ꞌinun.

Romanos 5:15

Adán cupía unicama ꞌuchañu ꞌaínbi ca Nucën Papa Diosan a ꞌuchacama tërë́ncë ꞌinun mëníocëxa. Adanëxa Nucën Papa Diosmi ꞌuchacë cupí ca ꞌaisamaira uni Nucën Papa Diosbë ꞌitimoi bamaia. Usa ꞌaínbi ca achúshi uni, Jesucristo, a cupía ꞌaisamaira uni cupíoima abë nëtë́timoi ꞌinun Nucën Papa Diosan mëníocëxa.

Romanos 6:23

Aín ꞌucha cupí ca uni ië́timoi bamati ꞌicën. Usa ꞌaínbi ca axa aín ꞌucha tërë́nun Nucën ꞌIbu Jesucristomi catamëcë unicama a abë xenibua ꞌaínbi ꞌinun Nucën Papa Diosan ië́mia.

Romanos 8:32

An ca —ꞌën Bëchicë ca bamatima ꞌicë —quiquinma nun ꞌuchacama cupía bamanun ënë nëtënu aín Bëchicë xuacëxa. Usa ꞌixun ca aín Bëchicë cupínu nux upitax tsónun nu ꞌimianan anun nu upitax tsóti ñucamaribi nu ꞌinánti ꞌicën.

1 Corintios 15:57

Usa ꞌaínbi cananuna Nucën ꞌIbu Jesucristo cupí nun ꞌuchacama tërë́ncë ꞌaish bamatimi racuëtima ax utëcëncëbë baísquitancëx bamatëcëntimoi tsóti ꞌain. Usaquin ꞌunánquin cananuna cuëënquin Nucën Papa Dios —asábi ca —quixun cain.

2 Corintios 2:14

Ñunshin ꞌatimanëan nu ꞌatimaquin sinánmisa tanan aín bana ñuixunxunma ꞌanun ꞌimitisa taniabi ca Nucën Papa Diosan, Cristo Jesús cupí, nun ꞌacësabi oquinu aín bana ñuixunun nu ꞌimia. An ca aín ꞌacësabi oquin nu ꞌaquinia quixun ꞌunánquin cananuna —asábi ca —quixun caquin a rabin. Uinu caranuna cuani, anuxun ca nun nu Cristo Jesús ñuiquin aín bana ñuixunia, a banax ca asérabi upíira ꞌicë quixun unin sinania.

2 Corintios 9:11

Usa ꞌain ca ñonquinmami anun uni itsi ꞌaquinun Nucën Papa Diosan camabi ñu mitsu ꞌinánti ꞌicën. An ꞌináncëxunmi mitsun buánmicë curíqui nun ꞌináncëxun biquin ca Jerusalénuaxa ax Jesucristomi catamëcë unicaman —asábi ca —caquin Nucën Papa Dios rabiti ꞌicën.

2 Corintios 9:14

Usaribi oquin ca, Nucën Papa Diosan nuibaquin ꞌaquincëxunmi mitsun curíqui ꞌináncë cupí, atun mitsu nuibaquin Nucën Papa Dios ñucáxunti ꞌicën.

Efesios 5:20

Nucën ꞌIbu Jesucristonan ꞌixun camina usoquian ꞌaquianan, an nu ꞌimicëcama, a sinánquin, Nucën Papa Dios —asábi ca —quixun caquin rabiti ꞌain.

Santiago 1:17

Camabi uisa ñu cara upí ꞌicë, ax ca Nucën Papa Dios naínu ꞌicë, an bari, ꞌuxë, ꞌispa acama unio, an camabi uni ꞌináncë ꞌicën. A ñucamaxa bënamëanan bëánquicë ꞌaínbi ca Nucën Papa Dios axira usabi ꞌiá ꞌaish usabi ꞌicën.

Apocalipsis 4:9

Usaquian ꞌitsa bëruñu ñu an Nucën Papa Dios, axa anu ꞌApuira tsóti, anu ꞌianan bamatimoi tsócë, a nëtë́timoquin rabianan —ca asábi ꞌicë —quixun cacëbëtan cacëbëtan,